بين الجار و الدار من قضايا الساعة
عنوان الموضوع : بين الجار و الدار من قضايا الساعة
مقدم من طرف منتديات العندليب
اعضاء المنتدى الغالي
سعيدة بوجودي معكم من جديد
اليوم حبيت نفتح موضوع اجتماعي رانا نعيشوه
في حياتنا اليومية:
بين الجار و الدار
بكري نعقل روحي كي كنت صغيرة
كي كنت نقرا فالابتدائي
تفاجانا بوفاة جدي ربي يرحمو
توفى في فترة امتحانات
و يما و بابا لازم يروحو ....المشكل فينا حنا وش يديرو؟؟
ايه مالا خلاونا عند الجارة ...
نقولكم حاجا و الله انا و خويا ما حسينا بوالدينا
قعدنا عند الجارة نووورمال عااااادي
نقراو و ناكلو و نرقدو كيما في بيتنا
حتى ولاو من العزى و رجعنا لبيتنا تقول ماكان والو
هاذو هوما الجيران تاع بكري
كان الجار يحس بخوه الجار
و الله صدقوني مرة ولد جوارينا مرض و طلعوه للمستشفى فالليل
و الله بتنا سهرانين فالعمارة حتى ولىّّّ
ايييييييييييييييييه.....
ارواحو للجوارين تاع ضرك............
ما يهتمش بيك خلاص... صباح الخير تقول راهم يخلصو عليها باش يقولوها
مع العلم انو الهدرة راهي باطل
صباح الخير ما دات ما جابت وش رح تخسر اذا قلتها لجارك
.............................:co ol:
كنا بكري خاصة في وقت الصيف العشية طويلة و روايح العشويات دايرة حالا فالكرطي
ايه مالا تلقى الولاد رافدين الطباسا .... هاذا طالع هاذا هابط
تحس روحك راك عايش و عندك اهل و احباب
...........................
مانحكيلكش على العيد الكبير..واحد يذبح واحد يسلخ و الولاد
لابسين الجديد و فرحانين و رافدين النسافات
مع العلم انو الكل شرا الكبش بصح نظلو نتبادلو في الاطباق و اللحوم و البوزلوف
هههههههههههههههه
و الله كنا روووعة
ما نحكيلكش على المولد النبوي.......
فالنهار مانديرو والو بصح رواح طل علينا فالليل تقول الضو راه شاعل فالكرطي تاعنا
المحارق و الشموع و الغنا و الصلاة على النبي
...............
آآآآآآآآآآآآآآآآآه
على ضرك....
كلشي راه صامط و ما عندو ذوق
المولد النبوي يفوت علينا تقول نهار عادي
و ذاك العيد كثر منو
......................
كي نحكي ليما تقولي يابنتي القلوب راها تبدلت
ماعادتش القلوب كيما بكري الناس كانت عندها النية
الجار قبل الدار
ماشي كيما ضرك....ربي يجيب اللي فيه الخير
اسمحولي راني طولت عليكم
نظن الفكرة راهي وصلت
اليكم الخط
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكراااااااااااا بارك الله فيك على الموضوع
__________________________________________________ __________
>>>> الرد الثاني :
شكرا على المرور الطيب راني نستنا في رايك حول الموضوع
__________________________________________________ __________
>>>> الرد الثالث :
شكرا على القصة
__________________________________________________ __________
>>>> الرد الرابع :
هههههههههههههههههههههههههههه
ضحكتوني و الله
نظن ما قريتوش الموضوع مليح
نظن كي طولت عليكم الكتبة حسبتوه قصة
ههههههههههههههههههههههههههههههههههههه
ننصحكم تقراو مليح
__________________________________________________ __________
>>>> الرد الخامس :
لا اختي انت فقط كبرتي وماوليتيش تلاحظي سقسي الصغر برا وشوفي الرد نتاعهم
حنا مزلنا هكا خصوصا في رمضان نتبادلو الاطباق يا اختي انا الحريرة ندير قدرة كبيرة تلقاي ولاد الجوارين يستناو بغرافاهم برا
حتا هوما يبعتونا مي انا خسارة مناكلش
وصح ايامات ميتنساوش خصوصا المولد النبوي كي نلعبو حرب مع الحومات الاخرى :d
رد مع اقتباس
