ملاية جدتي ولي فيها مآرب اخرى مجتمع

[سحر البوغديري]

عنوان الموضوع : ملاية جدتي ولي فيها مآرب اخرى مجتمع
مقدم من طرف منتديات العندليب

السلام عليكم
اليوم في وسط المدينة بقسنطينة خرجن بعض الفتيات والنسوة بعد ما قررن عبر موقع التواصل الاجتماعي الفيسبوك "هاذي تعرض في هاذي " للقيام بخرجة في وسط المدينة قسنطينة وارتداء واحياء اللباس التقليدي هو الملاية والطواف بها من حديقة وسط المدينة الى آل خليفة والابتسام لهذا والتقاط صور من ذاك وخرجوهم بفرقة تعزف
يعني واش نقولكم في بادىء الامر بانتلي حاجة عادية قلت في نفسي ربما هاد الفتيات حابين يديروا يوم للملاية في ما بعد قلت في نفسي واش هي هاد الملاية مذكورة في القرآن مثلا؟ مع كل احترامي لكل نساء ىاللي لبسوها منهم جداتي وامي لكن وللاسف ليست مستورة مقارنة بالحجاب الشرعي يعني الراس مغطي والعينين عرياننين واليدين ايضا والرقبة تبان وساعات الرجلين يبانوا ؟ وشمن سترة يرحم باباكم الملاية كان لها سبب في ارتدائها في مدينتنا
يعني فقط سترة انا لم ار سترة وجدت فتيات متبرجات العيون بالمكياج الاظافر بالطلاء الايدي عارية الرقبة عارية المصيبة ان كانت بينهن واحدة محجبة او لنقل الحجاب المتداول ونظرات ترمق الفتية الموجود في كل مكان نظرات قالك الحياء وهي نظرات اقل ما اقول عنها نظرات وقحة تنتهي هذه الخرجة بتبادل ارقام الهواتف

في الاخير لست ضد اللباس في حذ ذاته لكن لما لا يقومون باحياء الحجاب الشرعي مثلا بدل محاولة احياء عادات البالية اللي كرهت منها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي
يعني قوليلي بكل صراحة البنات هذو ما عندهمش خاوتهم وآبائهم عادي مع فرقة والموسيقى والعزف وأي ملايا
انا شفتها وإحترامي لكل القسنطينيات وين راهي الحشمة والسترة يعني هي لباس تقليدي وفقط وليس لها علاقة بالسترة هي كما ذكرت غير مذكورة فالقرآن الكريم
اما الإحتفال ويوم للملايا هذي جديدة للفت الأنظار وفقط
انا حائرة أين اهاليهم من هذا شكرا وبارك الله فيك


__________________________________________________ __________

>>>> الرد الثاني :

المشاركة الأصلية كتبت بواسطة مريم الصابرة السلام عليكم اختي يعني قوليلي بكل صراحة البنات هذو ما عندهمش خاوتهم وآبائهم عادي مع فرقة والموسيقى والعزف وأي ملايا انا شفتها وإحترامي لكل القسنطينيات وين راهي الحشمة والسترة يعني هي لباس تقليدي وفقط وليس لها علاقة بالسترة هي كما ذكرت غير مذكورة فالقرآن الكريم اما الإحتفال ويوم للملايا هذي جديدة للفت الأنظار وفقط انا حائرة أين اهاليهم من هذا شكرا وبارك الله فيك

يعني مفهمناش هاد الفيسبوك وين رح يوصل الغاشي عاد اللي يجي يحب ينعت روحو والمصيبة حتى البنات والله كون بنتي نشلفطها واش نقولك انا بقيت من النافذة نتفرج عليهم وحايرة منين جابوهم لكن تذكرت انهم لابسين déguisement

__________________________________________________ __________

>>>> الرد الثالث :

المهم اخيتي اعلمي ان البنات لا تريهم إلا في المصائب يعني الحوايج الي ماشي مليحة يتفاهموا عليها بزاف ويجتمعن عندما ينادي منادي الشيطان والعياذ بالله
لو كان الشيء يحبه الله ورسوله لما تجمعن وخرجن
المهم الله يسترنا

__________________________________________________ __________

>>>> الرد الرابع :

السلام عليكم اختي كاميلا
عودة ميمونة ان شاء الله
مادام العاصميات عملوا سابقا يوم للحايك
اليوم للملاية
وانتظري أخر الخرجات عمك الفيس بوك


__________________________________________________ __________

>>>> الرد الخامس :

كنت داير في راسي بنات قسنطينة معروفين بلحشمة لكن كلنا نعرف منهار دخل ديمو انالوجيك وزاد نيميريك وكملها بوطابل وفيسبوك نقولك شاب خالد قال روحي وهران بسلامة ونزيد نقولك روحي يا بلاد بسلامة مع فرقة موسيقية وتبادل ارقام هاتف ولا انقص من قيمة الحايك لكن حايك زمان لماليه هاد وقت انسان يتعلم ويزيد يتعلم ويقول ما تعلمت والو وما شفت والو بزاف بزاف بزاف وتقبلي مروري اختي الكريمة