عنوان الموضوع : أرجو منكم الإفادة مشكلة
مقدم من طرف منتديات العندليب


السلام عليكم
ندخل في الموضوع
باش تفهمو لحكاية راح نبدا من اللول
أنا نسكن بالغربة
تعرفت على شاب بالجزائر"مدو عليا الكلمة" الحمد الله لاباس بيه متفاهمين أنا وياه مي دايمااا عندنا مشششكل هو:
والدتو جامي لا تهز التيليفون و تهدر مع يما حتى باش تسقسي "يخي يقولو الخطاب رطاب"
المهم هاد الصيف إن شاء الله الفيونساي يعني لازم يماه ويما يتفاهمو على الترتيبات
المهم هي قالت مانعيطش على خاطر غالية باش نعيط ليهم و زيد نهدر شوية ويتكوبا لازم حتى نديرو الأنترنات باش نحكي معاها
و يما قالت ok ياسيدي تجيها غالية مي مادات ماجابت كي تهدر حتى ب عشرين ألف خطرة في شهرين قال واش راكم و نهار لي تعملو الانترنات نهدرو في الفيونساي
المهم أنا دااايماا في هاد المشكل معاه و هو قالي أصبري هاد الشهر يدير النات و أنااااا رااااحتلي الفرحة تاع الزواج
على خاطر عدت حاسة بلي عايلتو مش حابيني
المهم حبيت برك تقولولي شكون لغالط و شكون الصح!!
و esk نورمال يماه كي راهي دير هاك!!



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام مريم راني لحقتك حتى لهنا....هه هه هه
شوفي مريم ممكن انا اكبر منك و نعرف شوية عليك....انت يماه في بلاد و انت في بلاد و كي تقلك غالية ....و الله ممكن تفوت ....انا بيني و بين عجوزتي 2 متر يعني لو تخرج تمشي 15 min تلحق و عمرها و لا عيطتلي او سقسات علي ...منكذبش عليك الوقت الاول كنت نتقلق و حتى نبكي بسكو انا ديما نعيط و هي جامي....علاه الله اعلم
مي درك قررت اني منعمرش راسي لي تجي من عندها مرحبا انا واجبي نديرو و هي دبراسها ....بسكو لقيت روحي نمرض في روحي برك....الفائدة في خطيبك هو لي راح تعيشي معاه ....ابا ديري كيما انا متعمريش راسك و الله تحرقي اعصابك في باطل ..........طولت شوية ....سلام

__________________________________________________ __________

>>>> الرد الثاني :

والدتكي أنتي على حق
أما بخصوص والدته فلا تستعجلي و تريثي و أتركي الأمر على حاله لنا مثل يقول
نوصل السارق لباب الدار يعني لا تتركي للخطأ أن يبدر من عندك أنتي
و لا تسيئي الظن فلربما هناك ظروف معينة
و إتكلي على المولى عز و جل فلا تقلقي
ربي وفقك عزيزتي

__________________________________________________ __________

>>>> الرد الثالث :

المهم هو باغيك

و الباقي ساهل

انت وشطارتك

يعني

حاولي تكسبيهم بعد ما تروحي ليهم

المهم راجل

__________________________________________________ __________

>>>> الرد الرابع :

متتقلقي ما والو
حنا عندنا واحد ما يعيط للاخر تتفاهم العروس مع راجلها هذا ماكان
مديري في بالك والو
كلش يفوت تبقى غير الكلمة الزينة ويقولو الله يبارك على بنت فلان
وربي يسهلك في عرسك وتفرحي ويفرحو معاك ماليك وماليه

__________________________________________________ __________

>>>> الرد الخامس :

اذا بدأت المشاكل مع عجوزتك من الان..........فماذا سيحدث في المستقبل.......ربي يهديكم جميعا

ربي يوفق بيناتكم ان شاء الله .....................ربي يسهل و يتمم بخير............ان شاء الله