عنوان الموضوع : وش رايكم في البراني؟؟؟؟؟؟؟؟؟؟؟؟
مقدم من طرف منتديات العندليب

وش تقولو فلي يخطبها واحد مش من ولايتها مع انو عندو الدار وخدام ولاباس بيه غير على جال مش جامعي وبراني يعني بنتهم راح تبعد عليهم مئات الكيلومترات وتكون في مدينة بعيدة عن اهلها و شكون يهتم بيها اذا مرضت وشكون الي يساعدها في تربية اولادها وشكون الي يوقف بجنبها اذا تهانت من زوجها ولا من اهلو ؟ واذا هاذ الحوايج ما كانوش راح تنسى اهلها بمرور الزمن وكاش ما تكون مناسبة تلقى روحها بعيدة راح تقولقلي يجيبها لدارهم وقتاش يجيبها؟ كل شهرين ولا ثلاثة وشحال تقعد ؟ على لاكثر اسبوع اذا كانو ولادها يقراو. وقبل كل شيء كيفاش تقدر تجيب معلومات صحيحة راح لانو الخطاب رطاب . ارجو الرد


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا لا اعرف البراني لي يعرفو يقول رايو فيه

__________________________________________________ __________

>>>> الرد الثاني :

يا حي عليك هذا في ولاية اخرى وش رايك اختي خطبها واحد من الولاية لكن من منطقة بعيدة
و زيد مستوطنين غير بعيد علينا ب2 كلم و راهم دايريلنا مندبة قالك براني نندب على براني
و اذا ولاد لبلاد ما عجبناهمش نقعد نندب على براني يخي عقلية

__________________________________________________ __________

>>>> الرد الثالث :

مساء الخير اختي عليك بصلاة الاستخارة لانه في وقتنا ختى بعود من بلادك ما تعرفيهش حتى وان تساءل عليه قليل ما يعطوك الجواب الكافي

__________________________________________________ __________

>>>> الرد الرابع :

مافيها والو اختي ايلا تزوجتي بعيدة على داركم هذا مش سبب يخليك ترفضي اللي يخليك اخلاق الزوج شا تقولي فلي تزوجو خارج الجزائر...........................خليهم يجو يخطبوك كي تعرفو اللقب والعنوان ساهلة باش تسالوا عليه وربي يسهلك اختي واللي فيها الخير يجيبها ربي

__________________________________________________ __________

>>>> الرد الخامس :

المشاركة الأصلية كتبت بواسطة جسور المحبة
وش تقولو فلي يخطبها واحد مش من ولايتها مع انو عندو الدار وخدام ولاباس بيه غير على جال مش جامعي وبراني يعني بنتهم راح تبعد عليهم مئات الكيلومترات وتكون في مدينة بعيدة عن اهلها و شكون يهتم بيها اذا مرضت وشكون الي يساعدها في تربية اولادها وشكون الي يوقف بجنبها اذا تهانت من زوجها ولا من اهلو ؟ واذا هاذ الحوايج ما كانوش راح تنسى اهلها بمرور الزمن وكاش ما تكون مناسبة تلقى روحها بعيدة راح تقولقلي يجيبها لدارهم وقتاش يجيبها؟ كل شهرين ولا ثلاثة وشحال تقعد ؟ على لاكثر اسبوع اذا كانو ولادها يقراو. وقبل كل شيء كيفاش تقدر تجيب معلومات صحيحة راح لانو الخطاب رطاب . ارجو الرد

اختي الكريمة ارى انك مازلت محتارة في امرك .

اذا كما تقلين انه السيد يوجد عنده كل المؤهلات لفتح بيت وانت ترضين به لم لا .

واذا كنت لا تعرفين عنه شيء فحاول ان تسألي عنه او ارسلي اشخاص لتحري عنه.


ولكن من جهة انه ليس جامعي وانت جامعية اذا كنت مقتنعة به ولا تبالين الى كلام الناس فلا ارى هناك مانع.


وفقك الله ويسر امرك وامر كل بنات المؤمنيين .