عنوان الموضوع : بغيت نهبل من التخمام تم حل المشكلة
مقدم من طرف منتديات العندليب

السلام عليكم ورحمة الله تعالى وبركاته
ارجوكم يا اخوتي ارشدوني الى الحل الانسب والله ما راني عارفة هاد الدنيا كفاه راهي تتمشى ...مشكلتي مع خطيبي لي راح يدفع لي المهر واللي اتفقنا عليه يكون 10ملايين وميديرش ذهب لأنو ظروفو متسمحش والمتعارف عليه في قريتنا هو انو الراجل يدفع 10 ملايين +ذهب (باغوغ ) .....المشكلة هنايا هي اهلي لي راهم يقولولي لو كان مجاش بخيل يجيبلك اكثر ويدبرها هوما راهم دخلولي فكرة انو بخيل بزاف في راسي والله راني نخمم فيها صبح وعشيا وخاصة انو عائلتي يمدولي الدراهم كل وقت وزيد راني خدامة يعني راني موالفة الدراهم وعلاجالو بغيت نحبس من الخدمة بصح راني خايفة ميصرفش عليا مبعد ..سيرتو كي نبدا نخمم ونقول بلي راه خاطبني في عامين وجامي غلط وفليكسالي ولا عطاني دراهم كيما كاع المخطوبين يديرو ...والله غي ربي يعلم اني راني مسهلا عليه بزاف ومرنيش محسساتو بحتى مشكل وراني باغية نرتبط بيه لانو اخلاقو عالية ونحبو تاني بصح راني خايفة بزاف من المستقبل ...الله يخليكم قولولي كفاه نصارحو ونبينلو بلي راني خايفة يكون بخيل الله يستركم نوروني راني حترت بزاف...........نتمنى تصارحوني بالحل الانسب باش نعرف الا هو بخيل بصح .
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لازم تصارحيه دركا قبل الزواج يا اختي عمرك تخلي حاجة عالقة
خبريه واش في قلبك وقوليلو انك متخوفة انك تكون مزير في الدراهم إذا حب يتقبل او يشرحلك ممكن يعطيك معلومة انت مش عارقتها وما تسمعيش لكلام النساء حتى ولول كانت امك احيانا يغلطو بنالتهم

__________________________________________________ __________

>>>> الرد الثاني :

أختي
رهام87 عضو مجتهـد


بارك الله فيك
أنت تعرفين ظروفه و أنت من تقررين و هذا أمر تعرفينه
أنظري إلى دين الرجل و أخلاقه فإن كان تقيا فإعلمي يقينا أنه سيخاف الله فيك
و كذلك أنظري و تحسسي عن أصدقائه فالمرئ على دين خليله
تقبلي مروري أختي و الله يبارك لك و يجمع بينكما في خير
ســـــــــــــــــــــــــــــــــــــــلام


__________________________________________________ __________

>>>> الرد الثالث :

اختي تحاوري معه عن الاشياء المادية بعد الزواج يعني اسئليه كيف تتصرفو في النقود هل يقدم على لاباي تاعو .يشريلك ملابس ولالا

في العيد يشري الضحية ولا لا تحاوري معه
ربي يوفقك

__________________________________________________ __________

>>>> الرد الرابع :

في رايي انه فقط يعمل للدراهم حساب من اجل مستقبل افضل لكما .....وبما انو اخلاقو عالية فلا تخافي

__________________________________________________ __________

>>>> الرد الخامس :

نقولك حاجة

كيما أنت فتحتيلو طريق

و سهلتيلو في المهر

ربي يفتحها في وجهك و يسهلهالك و يعوضكْ

ان شاء الله




و في النهاية الدراهم ما مش كلشْ