عنوان الموضوع : لحابة تتزوج لازم تكون خدامة و مرسمة مشكلتي
مقدم من طرف منتديات العندليب

السلام عليكم
هادي خالتي تحكيلنا على سلفتها كانت سلفتها في الخدمة و جات عندها صحبتها و قالتلها ولد خالتي حب يشوفك و يتعرف عليك و اذا كتب ربي راهو ناويك للحلال
قالتها مكاش مشكل
جا عندها السيد حكاو و تفهامو على كلش (بلاك 3 او 4 خطرات جا لعندها) و في المرة الاخيرة سقسها على الخدمة قالتلو مابقليش بزاف و تفدلي الكونترا
من تلك اللحظة ذهب و لم يرجع
المخلوقة مسكينة حارت قالت والله ماهدرت كلمة خارج الطريق و كنا متفاهمين
حبت تستفسر من صديقتها عن سبب الهروب المفاجئ (بحكم انو السيد ولد خالتها لصاحبتها) من بعد صاحبتها سقسات قالتلو واش بيك هربت واش صرا بيناتكم
قاللها والله ما صرا والوا و الطفلة مكان ماخصها بصح انا حاب ندي واحدة خدامة و مرسمة
رجعت الهدرة لصاحبتها حارت مالقات ماتقول
شوفو الوقت لوصلنالو ولاو الرجال يحبو المراة لتخدم ويزيدو يشرطو لمرسمة
وخالتي عندها 5 اولاد ذكورا كسمعت لحكاية قالتلي انا تاني و الله ما نخطب لولادي غير مرا خدامة مارانيش مهبولة نجيب عروستي قاعدا في الدار مرتاحة و ابني يخدم عليها و الله تاكل الرهج تروح تخدم على روحا ماشي ولدي يخدم و يتعب و هي مرتاحة هي تاني تخدم و تعاونو
واش رايكم فيه انا دخت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قصة مضحكة و مؤسفة في نفس الوقت

ولا الوقت تااع مادة نخدمو خمسين خدمة ونقروش نوفروا كل المصاريف

تحكي خالتي بلي جارتها جاو يخطبوووها وجدوا رواحهم ونهار جاو

وراولهم اللي قاعدة في الدار قالولهم لا لا نحوسو على لخرا اللي تخدم ماشي هاذي

__________________________________________________ __________

>>>> الرد الثاني :

السلام عليكم
أختي
بارك الله فيك
على هذا الموضع
فعلا شيء
محير
والله راسي
راح ينفجر
من هؤلاء الناس وتفكيرهم
المتخلف
فعلا في بعض الرجال
ما عندهم ضمير
المهم يحصلون على رصيد
زائد والسلام

__________________________________________________ __________

>>>> الرد الثالث :

المشاركة الأصلية كتبت بواسطة وصال سلام
قصة مضحكة و مؤسفة في نفس الوقت

ولا الوقت تااع مادة نخدمو خمسين خدمة ونقروش نوفروا كل المصاريف

تحكي خالتي بلي جارتها جاو يخطبوووها وجدوا رواحهم ونهار جاو

وراولهم اللي قاعدة في الدار قالولهم لا لا نحوسو على لخرا اللي تخدم ماشي هاذي

شكرا اختي على تفاعلك و اطرائك للموضوع
صح الوقت لوصلنالو صعيب
انا نحير الرجال لحبو لمرا ماتخدمش و تقعد في الدار لقيتهم غير في منتدى الجلفة اما الواقع شيئا اخر الا فئة قليلة

__________________________________________________ __________

>>>> الرد الرابع :

المشاركة الأصلية كتبت بواسطة هدى الجيجلية
السلام عليكم
أختي
بارك الله فيك
على هذا الموضع
فعلا شيء
محير
والله راسي
راح ينفجر
من هؤلاء الناس وتفكيرهم
المتخلف
فعلا في بعض الرجال
ما عندهم ضمير
المهم يحصلون على رصيد
زائد والسلام

وفيك بركة اختي
وشكرا لاطرائك لهذا الموضوع
الان لم يصبح الرجال فقط بل الوالدين ايضا
خاصة الام تحب عروستها تكون خدامة ومرسمة و هذا شرط من الشروط

__________________________________________________ __________

>>>> الرد الخامس :

لانكم شديتوا خدمة وخليتونا في البطالة معششين هذ هو السبب

وان شاء الله تتعمم الفكرة ونولوا نتزوجوا مراة خدامة بخير عليها يخي حبين الخدمة هاهي ليكم

انشفوا واش تربحوا منها

ونحيه على عمله هذا هذ صح يخمم في مستقبلوا