عنوان الموضوع : ام خطيبي بداتني المشاكل من الآن ، نحكيلكم ؟ مشكلتي
مقدم من طرف منتديات العندليب

تعرفت مع وليدها باحترام وفي حدود ومباشرة قاصد الخطبة ،في فترة قصيرة جاب والدتو واختو وجا قاصد الباب ، يوم تلاقيت مع والدتو صراحة ماارتحتلهاش ،هذا احساسي الله غالب ، وصح ,,, بدات هي لي تملي شروطها عليا ، رغم اني عجبتها وروحت فرحانة وتدعي ربي اني نكون من نصيبهم إلا أنها طيحت من قيمتي بتحديدها لمبلغ المهر المتدني (اقل من مهر المعتاد للبنات في منطقتنا عموما ) وشروطها الاستفزازية ,,,,,من جيهتي انا مانيش مادية ولكن كون جاتني باحترام والله ندير موقف ومانخسرش ناس متخلقين على جال ماديات ولكنو ولدها يقول انو مستعد يدفع لي تشرطي عليه وهي راكبة راسها غير تنقص الشرط ومصممة ، ,,,,,, آخر حاجة ماما ثاني حاكمة في رايها على شروط محددة وامو كيف كيف والفرق بين الاثنين مجرد ثلاث ملاين هذا ماكان ............هاذ الموقف حابة نعرف من خلالو لمرا هاذي لي راح نعيش معاها كيفاش تفكر ، شريرة ولالا ، وحابة نعرف ولدها كيفاه يحل مشاكلو ..مايهمنيش دراهم ، علما اني راح نسكن معاها في الطابق العلوي وندخلو من باب واحد اذا كتب ربي والمهر لي طلبتو مش مبالغ فيه عادي جدا .................. أراءكم ربي يخليكم خاصة المتزوجين


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم..حنونتي هذه تفاهات مادام الشاب دق الباب ونوى الحلال كبري عقلك وقلبك في خاطره شوفي لوجهه
ام الشاب تريد ان تسهل على ابنها لانها ادرى الناس بحاله..ومازاله مصاريف اخرى للعرس ..راكي عجبتيها هذا هو المهم .
يا حبيبتي نصيحتي لك تكلمي مع امك طري راسها شوية ...ما تشوفيش لعادات المنطقة كل واحد حر هذه العادات خلات الشباب يروحو للحرام ربي يستر الله غالب حتى ولو كان خدام لا يستطيع جمع مصاريف العرس.
ما تخسريش الراجل على حاجة جايحة
شوفي سيد الناس واش قال قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره

__________________________________________________ __________

>>>> الرد الثاني :

المشاركة الأصلية كتبت بواسطة ساندبال
السلام عليكم..حنونتي هذه تفاهات مادام الشاب دق الباب ونوى الحلال كبري عقلك وقلبك في خاطره شوفي لوجهه
ام الشاب تريد ان تسهل على ابنها لانها ادرى الناس بحاله..ومازاله مصاريف اخرى للعرس ..راكي عجبتيها هذا هو المهم .
يا حبيبتي نصيحتي لك تكلمي مع امك طري راسها شوية ...ما تشوفيش لعادات المنطقة كل واحد حر هذه العادات خلات الشباب يروحو للحرام ربي يستر الله غالب حتى ولو كان خدام لا يستطيع جمع مصاريف العرس.
ما تخسريش الراجل على حاجة جايحة
شوفي سيد الناس واش قال قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره

شكرا ليك ، بارك الله فيك ، نصيحتك في بالي وان شالله نكون ممن يسمعون القول ويتبعون احسنه

__________________________________________________ __________

>>>> الرد الثالث :

المشاركة الأصلية كتبت بواسطة la sagesse
شكرا ليك ، بارك الله فيك ، نصيحتك في بالي وان شالله نكون ممن يسمعون القول ويتبعون احسنه

ربي يكملك بالخير ما تنسايش صلاة الاستخارة مهمة جدا جدا
مين تتفاهمو على الشرط خبرينا باش نفرحو معاك

__________________________________________________ __________

>>>> الرد الرابع :

المشاركة الأصلية كتبت بواسطة ساندبال
ربي يكملك بالخير ما تنسايش صلاة الاستخارة مهمة جدا جدا
مين تتفاهمو على الشرط خبرينا باش نفرحو معاك

الله يهنيك ويفرحك يارب ، نورتي موضوعي

__________________________________________________ __________

>>>> الرد الخامس :

شوفي يا أختي

أنا عن تجربة نقلك بلي أم الزوج دائما تغير من زوجة إبنها (و هذا طبيعي)

لكن الذكاء أن تجعليها تعتقد أنها دائما هي الفائزة حتى تعيشي أنت في هناء.

أما عن المهر فنصيحتي و هي بمثابة تجربة للخاطب

أطلب منه أن يدفع الثلاث ملايين بينك و بينه فقط دون علم أمه و لا أمك (و هذا ليس كذبا)

و أبقي المهر كاملا عندك فهو من حقك أنت .

فإذا فعل فاعلمي أنه ليس (بن أمو) كيما نقولو و هو راجل و عندو شخصيتو المستقلة

و كيما قالت الأخت صلي الإستخارة و لي كاتبولك ربي هو لي كون .