احتقر نفسي بسببه تم الاجابة

[salima]

عنوان الموضوع : احتقر نفسي بسببه تم الاجابة
مقدم من طرف منتديات العندليب

لسلام عليكم
انا فتاة 26 سنة في مرة تلقيت رسالة خلوية من شاب (كان يدرس معي و شاءت الأقدار اننا توظفنا معا في نفس القطاع ثم نجح في مسابقة اخرى وترك القطاع) كتبلي انتي تعنيلي وحاب نكمل معاك حياتي في الحقيقة ان طنشتوا ومرجعتلوش بعد اسبوع رجع بعتلي رجعتلوا كتبتلوا ادا كاين نصيب وعلا ش لا ؟؟ بصح انت لازم دير خطوة
الحقيقة اتصل بي وتحدثت معاه مطول لأكثر من اسبوع حتى اصبح الحديث تافه وممل وهو اصلا يعرفني جيدا من اكون وكثرة الحديث في الفراغ ليس له معنى مادام ليست هناك علاقة شرعيةولأنه ببساطة حديث حرااااااام
استجمعت قوتي وصليت صلاة الإستخارة لمرات عديدة واتصلت به وحسمت الأمروقلت له بالحرف الواحد :*يا فلان انت يخي قلتلي راك ناولي لحلال يا ولد الناس ارواح اخطبني وقولي كلمة واحدة ايه ولا لا قالي :*درك مستحيل معنديش الوقت والامكانيات وانتي تشوفي فيها ساهلة بصح يخي قلتلك نجي نخطبك في الصيف *
قلتلوا *خلاص اسمعت انا المفيد وغلقت الاتصال بيه*
بعد تقريبا اسبوع بعتلي برسالة :كي نجي للولاية ونتفاهمو نلقى حل يرضيني ويرضيك
مارجعتلوش انا خلاص
البارح زاد بعت رسالة وقالي :اني جيت للولاية ارواحي نتلاقاو
انا مرجعتلوش خاطر حسيت باهانة كبيرة واحتقرت روحي

جزاكم الله خيرا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي

أنت قلت بان هذا الشخص درس معاك و تحدث معاك يعني راهو يعرفك مليح ... إذا كانت نيتو صافية يجي يخطبك و إذا لا راهو راح يعيك برك بالقاءات و الاتصالات الي معندها حتى فايدة ... أنا ننصحك متعاوديش أخطاء اللي قبلك ( ضيعو وقتهم و كرامتهم ومنبعد والو ) ... إذا عاود عيطلك قليلو كاين دارنا و كاين حاجة أسمها الخطبة لتم نقدرو نتلاقاو ومنبعد اقطعي كامل اتصالاتك بيه .... ومن ردة فعلو راكي تعرفي إذا راهو ناوي لحلال و لا غير يتمسخر .....

وفقك الله


( مادام حسيت بلي الطلب نتاعو فيه اهانة ليك راكي بنت فاميلة )

__________________________________________________ __________

>>>> الرد الثاني :

حسب مافهمت من كلامك اختي......انتي فتاة مستقيمة.والهدرة في التيليفون على فارغة ومافيهاش ماعجبتكش.
عنك الحق.......يعني ادا ماشي راح يتقدم حتى لصيف كيما قال....انتي تقعدي تحكي في التليفون حتى للصيف....لالا
انت درتي عين العقل.................................والله يكملك بعقلك.........كيفاش تخرجيلو للشارع باش تتفاهمو؟؟؟ الحقيقة طريقة مافيها حتى كرامة.................لي تجيه فكرة يخطبك يديرلك رونديفو في الزقاق؟؟؟ وانت بنت فاميليا خاطيك الحوايج هادو
انا نقولك.الشي لي مايعجبكشش ماتفورصيس نفسك عليه.
انت عزيزة........ماترخصيش باش تزوجي.
انا نقولك حاجة اختي.........................انت بنت نظيفة........اصبري يجي مكتوبك بالطريقة لتحفظلك كرامتك...........هو ولا غيري.

__________________________________________________ __________

>>>> الرد الثالث :

السلما عليكم اختي
علاه مكبرة الموضوع قالك نتلاقاو واش تخسري
شوفي عيطيلو قوليلو نتلاقاو مي بشرط
جيب باباك ويماك للرونديفو وإستنى انا ثاني دارنا حاضرين
وقوليلو انا نخير نعرف مطعم هايل ومحترم قوليلو جيب داركم واوراحو نتلاقاو في دارنا تستقهواو وفي حضور الجميع وإستنى قوليلو رونديفو بلا كادو ما نحتاجوش جيب بتيسري وبواطة ورد وارواح نتلاقاو في دارنا قدام اهلي واهلك واسمو الرونديفو موعد خطبة
اختي اخطيك من جدو هذا ما يخطبك ما يتزوجك شافك قبلت بالورقة راه يسوطي من حاجة لختها من راي بدلي رقمك وخليه يعرفك وقرا معاك ويعرف كل شي وقادر يعرف عنوانك ويجي يهدر مباشرة مع باباك هكذا الناس اللي تحب الحلال اما هذا باغي يرندف وياكل بيتزا ياكل الرهج إسمحيلي
شكرا


__________________________________________________ __________

>>>> الرد الرابع :

المشاركة الأصلية كتبت بواسطة مريم الصابرة السلما عليكم اختي علاه مكبرة الموضوع قالك نتلاقاو واش تخسري شوفي عيطيلو قوليلو نتلاقاو مي بشرط جيب باباك ويماك للرونديفو وإستنى انا ثاني دارنا حاضرين وقوليلو انا نخير نعرف مطعم هايل ومحترم قوليلو جيب داركم واوراحو نتلاقاو في دارنا تستقهواو وفي حضور الجميع وإستنى قوليلو رونديفو بلا كادو ما نحتاجوش جيب بتيسري وبواطة ورد وارواح نتلاقاو في دارنا قدام اهلي واهلك واسمو الرونديفو موعد خطبة اختي اخطيك من جدو هذا ما يخطبك ما يتزوجك شافك قبلت بالورقة راه يسوطي من حاجة لختها من راي بدلي رقمك وخليه يعرفك وقرا معاك ويعرف كل شي وقادر يعرف عنوانك ويجي يهدر مباشرة مع باباك هكذا الناس اللي تحب الحلال اما هذا باغي يرندف وياكل بيتزا ياكل الرهج إسمحيلي شكرا

والله ضحكتني كي قلتي حاب ياكل بيتزا...............والله ضحكت من قلبي........ربي يسعد ايامك.ا
انا اضيف شيء ......ربما نيته مليحة......لكن الطريقة تاني لازم تكون مليحة.

__________________________________________________ __________

>>>> الرد الخامس :

المشاركة الأصلية كتبت بواسطة مريم الصابرة السلما عليكم اختي علاه مكبرة الموضوع قالك نتلاقاو واش تخسري شوفي عيطيلو قوليلو نتلاقاو مي بشرط جيب باباك ويماك للرونديفو وإستنى انا ثاني دارنا حاضرين وقوليلو انا نخير نعرف مطعم هايل ومحترم قوليلو جيب داركم واوراحو نتلاقاو في دارنا تستقهواو وفي حضور الجميع وإستنى قوليلو رونديفو بلا كادو ما نحتاجوش جيب بتيسري وبواطة ورد وارواح نتلاقاو في دارنا قدام اهلي واهلك واسمو الرونديفو موعد خطبة اختي اخطيك من جدو هذا ما يخطبك ما يتزوجك شافك قبلت بالورقة راه يسوطي من حاجة لختها من راي بدلي رقمك وخليه يعرفك وقرا معاك ويعرف كل شي وقادر يعرف عنوانك ويجي يهدر مباشرة مع باباك هكذا الناس اللي تحب الحلال اما هذا باغي يرندف وياكل بيتزا ياكل الرهج إسمحيلي شكرا

الا يكفي الحديث الحرام الذي جرى مدة اسبوع حتى تزيد تعيطلو
لا تعيطلوا ولا شيء ......لمعلوماتك الرجل الجزائري تفوق قدراته المحقق كونان .....يعني ان كان حقا يريدها يعرف كيف يصل الى عنوان بيتها
بالنسبة لموضوع نتلاقاو برا.............مشكلته مثل مشكلة كل الرجال حاطين كامل البنات متشابهين يعني انها تقبل تتلاقى معاه برا عادي...........على العموم على الاخت السائلة قطع الطريق على ابليس قبل ان ياخذ بها الى الهاوية .