عنوان الموضوع : صداقة النت سببت لي المشاكل مشكلتي
مقدم من طرف منتديات العندليب

السلام عليكم

علابالي بلي كرهتو من المواضيع هذو
mais كي العادة مقدرتش نلقى حل لمشكلتي

ندخلو في صلب الموضوع :
انا طالب 2 ثانوي
عاقل نقرا سامبل حاكم قدري
العام هذا جات وحدة حابة ترتابط ورفضت
قتلها غير هذو خاطيني انا :
نعشق الخالق موش المخلوق ,

قاتلي معليش نبقاو des amis ؟ قتلها نورمال كي ختي اوك

دارت الانترنيت في دارهم
علابالها بلي عندي نت
حوست عليا ولقاتني جابت MSN نتاع

هدرت معاها ايامات شفتها مزالت على حالتها
زاد مشات الهدرة قالت للناس راه متعلق بيا ولا منعرف
مشـــــــــــا الهدرة وصلت لخاوتها

اليوم دخلت للايميل
لقيت رسالة من عندها
قالتلي : انا هدرت معاك في النت وعباد بزاف خويا راه فاق بلي الي بيناتنا رغم انو مكان والو الا اخوة ومراهش شاك فيك

بصح كي يسقسيك قولو بلي خاطيها هذ الحوايج وووووووووو و و

انا كي مشات الهدرة وليت خفت على روحي من خاوتها قلت ربما يجي قاصدني ويبدا يقابض ويسب و و و و

والمشكل نطيح من عين عائلتي

وليت حطيت موضوع هذا باش نعرف اسلوب الي نتعامل معاه ونبعد النش الي راه متوقعو ونرضيه باسلوب واقعي الي نخليه يبعد عليا شكوكو ,

اتمنى ان اجد الحلول قبل ان الاقيه

بالتوفيق وشكرا لكم على اي حال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا خويا كون معاها حرش وفكك صحيت

الباب اللي يجيك منو الرح سدو استريح

وبعدين راك راجل

اللوم فيها هي مش فيك

ماتخاف ما وال اللي نخاف هي مش هو

اوك ..ربي يبارك فيك خويا...

__________________________________________________ __________

>>>> الرد الثاني :

خويا انا ننصحك باش تجمع الدلائل الي تبين بلي هي الى جرات موراك ماشي انت
نطلب ربي يهدي كامل بنات الناس وان شاء الله تبقى رزين كيما راك لانك مرضختش للطلبها

__________________________________________________ __________

>>>> الرد الثالث :

دعك منها ومن الصداقات مع البنات في النت وإن كان ولابد فلا يصل بك الحد الى الدردشة معهن واقامة علاقات صدقة

__________________________________________________ __________

>>>> الرد الرابع :

يخو روحو لخوها واديه لسيبارو وريلو واش كانت تقول ختو وذرك هوا يعرف واش يدييرلها

__________________________________________________ __________

>>>> الرد الخامس :

اخي االكريم

اخسر عليها دوبل كليك (كليك من اليمين و كليك من اليسار) و هني راسك منها

و ما تدخلش في اللعب نتاعها

يمكن انها تكون عاجبها و يمكن انها تكون حابه تلعب بيك نتيجة رهان بين صحاباتها

و اذا كانت تستعمل النت في دارهم كون متأكد بانو مراحش تنسى ال msn نتاعها محلول خاصة البنت (تخاف على روحها)

ابعد عن الهم و غنيلو


و الله اعلم



بالتوفييييييييييييييييييييق