عنوان الموضوع : التشراط على الماكلة
مقدم من طرف منتديات العندليب

اليوم نحكي في موضوع تاع الأمهات (جيبتها وراهم هههههههه)
التشراط في الماكلة :
في كل دار على الأقل كاين 2 ولا 3 يتشرطو وما تعجبهمش الماكلة
مثال الدراري يدخلو ديراكت من ليكول السلام أ ماما واش درتي غداء ؟
ما تقوليش لوبيا / مرقة / مقلي/ كسكسي/فريك/........ قائمة طويلة
وكي تقول وحدة من لي شوا الي الفوق يقولو ليها وعلاه ما طيبتيش :
طاجين / محجوبة / شخشوخة / تليتلي ..........
قمة العوج درك :
ما تقوليش خبز ، يا ماما الكسرة خير
ما تقوليش مطلوع ، الرخساس خير
الا مرقة حمراء ، علاه ماهيش بيضاء والعكس
ولا كي توصل لبعض الأكلات الشعبية العيش مثلا تاكلو غيرهي مول الدار والباقي كل واحد داير عشاه وحدو
وفي العيد الكبير : واحد ما ياكلش البوزلوف واحد ما ياكلش الكبدة والخ
دونك هذا البروبلام راه في كل بيت
كل ما تجي الام تدير حاجة تتفكر واحد ما ياكلهاش
وكي توصل ال4 تاع العشية تبدا تخمم واش تدير عشاء
وتبات تخمم واش تدير غداء
هيا كل واحد يحكيلنا كيفاه يتشرط
جمعة مبروكة ان شاء الله وربي يتقبل صالح الأعمال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نـــــــورمال ...........

__________________________________________________ __________

>>>> الرد الثاني :

انا ما نتشرطش بزاف غير انو يكون تنظيم وعموما ماعنديش حاجة باينة غير البوزلوف مؤخرا ما وليتش نحبو بصح ما نحرمش دارنا منو ما ناكلوش وخلاص ما نكثرش الهدرة

__________________________________________________ __________

>>>> الرد الثالث :

أنا للأسف نتشرط ياسر على الماكلة - للعلم ما زلت أعزبا - و أغلب وجباتي في الفاست فوود و البتزيريا... واش الحل ؟؟

__________________________________________________ __________

>>>> الرد الرابع :

السلام عليكم أختي هذا مشكل مي انا الحمد لله أنا ويمى برك نتفاهمو بزاف واللي نديرها يمى تاكلها وانا حاجة ما تعجبنيش نطيب حاجة اخرى ليا المهم ما نحرمش يمى نقولك واش نحب وواش ما نحبش ما نحبش العدس أخا نهرب من الدار وما نديروش ما تقوليليش يدير الحديد ما رانيش راحا نخدم باب نكرهو وزيد اللحم بكل انواعو ما ناكلوش الجاج لازم محمر طايب لالا والعجين ما نحبش الروز والمقارون اخخخخخخخخ تكرها ههههههههه هذي هي الحاجات اللي ما نحبهاش والباقي نومال ناكل اللي جات وكيما قال الاخ بن عيسى نهار نكره نروح نشري الواجد ويمى سور نطيبلها ما تاكلش نتاع الزنقة شكرا لك اختي موضوع جميل

__________________________________________________ __________

>>>> الرد الخامس :

المشاركة الأصلية كتبت بواسطة ورود الشتاء
اليوم نحكي في موضوع تاع الأمهات (جيبتها وراهم هههههههه)
التشراط في الماكلة :
في كل دار على الأقل كاين 2 ولا 3 يتشرطو وما تعجبهمش الماكلة
مثال الدراري يدخلو ديراكت من ليكول السلام أ ماما واش درتي غداء ؟
ما تقوليش لوبيا / مرقة / مقلي/ كسكسي/فريك/........ قائمة طويلة
وكي تقول وحدة من لي شوا الي الفوق يقولو ليها وعلاه ما طيبتيش :
طاجين / محجوبة / شخشوخة / تليتلي ..........
قمة العوج درك :
ما تقوليش خبز ، يا ماما الكسرة خير
ما تقوليش مطلوع ، الرخساس خير
الا مرقة حمراء ، علاه ماهيش بيضاء والعكس
ولا كي توصل لبعض الأكلات الشعبية العيش مثلا تاكلو غيرهي مول الدار والباقي كل واحد داير عشاه وحدو
وفي العيد الكبير : واحد ما ياكلش البوزلوف واحد ما ياكلش الكبدة والخ
دونك هذا البروبلام راه في كل بيت
كل ما تجي الام تدير حاجة تتفكر واحد ما ياكلهاش
وكي توصل ال4 تاع العشية تبدا تخمم واش تدير عشاء
وتبات تخمم واش تدير غداء
هيا كل واحد يحكيلنا كيفاه يتشرط
جمعة مبروكة ان شاء الله وربي يتقبل صالح الأعمال

wach ma3naha الرخساس