عنوان الموضوع : التسوّل في الطرقـــــــــــــات ... احتيـــــــاج أم احتيــــــــال ؟؟؟ من المجتمع
مقدم من طرف منتديات العندليب

السلام عليكم .... صباح سعيد للجميع

بينما كنت اليوم في مشوار لقضاء بعض الاشغال ... لمحت منظرا يثير داخلك مشاعر مزدوجة

بين الشفقة و الاشمئزاز ... يجعل 1000 فكرة تجول في خلدك ... هل فعلا هؤلاء بحاجة إلى

مساعدة ؟؟ أم هي مهنة سهلة و مربحة كثيرا في وقت وجيز ... فهل هذه المرأة عاجزة

لدرجة أنها لا تستطيع أن تعمل أي عمل حتى في البيوت ... رضيت بأن تكون فرجة للجميع

و رفضت العمل بشرفها ... فعندما تمّر ينتابك الشعور بالذنب هل اعتبر جاحدا اذا لم تمنحها

النقود ... أم ستكون مغفل و أنت مدرك أنها مجرد محتالة ؟؟؟؟

أترك لكم التعليق مع كل الحب و الاحترام للجميع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

فعلا أمر محير

أنا عن نفسي إذا لاحظت أن المتسول به إعاقة تمنعه عن العمل أعطيه ما كتب الله له

أما إذا كان يبدو سليما معافا فلا. حتى لا نشجعه على التسول

والله أعلم

__________________________________________________ __________

>>>> الرد الثاني :

المشاركة الأصلية كتبت بواسطة وهاب 76
فعلا أمر محير

أنا عن نفسي إذا لاحظت أن المتسول به إعاقة تمنعه عن العمل أعطيه ما كتب الله له

أما إذا كان يبدو سليما معافا فلا. حتى لا نشجعه على التسول

والله أعلم

تصرف حكيم يجبنك الاحساس بالذنب

ألف شكر


__________________________________________________ __________

>>>> الرد الثالث :

أكيد اختي ما أكثرهم، حتى انا نشفق على المصاب بمرض او اعاقة ، رغم انو مرة كنت مع خالتي وجات وحدة طلابة لينا ورافدة اوردونونس قالتلنا يخصني هذا الدواء وجاني غالي، قلنالها هاتي لوردونونس نجيبوهلك دوكة، تخيلي شاقالتلنا لالالالالا ماتشروهليش اعطوهملي دراهم انا ندبر راسي، خالتي منارفية هههه قالتلها والله ماتشوفيه يا نشريهلك بيدي ياما تديش، الطلابة خزرت فيها وحد الخزرة وراحت وخلتنا.
والله الاحتيال والتمسخير راه داير حالة
الواحد ينويها صدقة ومايهمهش اذا كان المتسول راه يحتال ولالا
وفريمو موضوعك قيم هذه الظاهرة رجعت موووووووووووووووووووووووضة غير ارواح واطلب والله يالفقير تاع الصح عنده النيف وجامي يطلب مهما يصرا.

__________________________________________________ __________

>>>> الرد الرابع :

انا كي يمدلي واحد يدو برا نحشم نردهالو فارغة بصح كاينين وحدين مرات يخرجولي قلبي وحد النهار قبل شهور كنت نشري وحدة المرا لابسة مليح ورافدة قفة معمرة
جابدة في بلاصة وبدات تعيطلي انا رحت عندها بدات تقولي الله يديرلك ويديرلك ووووووو حليت صاكي وقلت مسكينة بانية كانت تشري ومادارتش حسابها كملت قاع الدراهم قلت ممكن خصها دراهم الطاكسي حتى هي قالتلي راني رايحة نشوف مريضة فالسبيطار اشريلي كيلو لحم تاع خروف نطيبه ونديهلها وتدعيلك ربي شوفي حسيت وحد الاحساس ؟؟؟؟؟؟؟؟؟كاين وحدين محتاجين صح وعمرهم مامدو يديهم

__________________________________________________ __________

>>>> الرد الخامس :

المشاركة الأصلية كتبت بواسطة جسر الأمل
أكيد اختي ما أكثرهم، حتى انا نشفق على المصاب بمرض او اعاقة ، رغم انو مرة كنت مع خالتي وجات وحدة طلابة لينا ورافدة اوردونونس قالتلنا يخصني هذا الدواء وجاني غالي، قلنالها هاتي لوردونونس نجيبوهلك دوكة، تخيلي شاقالتلنا لالالالالا ماتشروهليش اعطوهملي دراهم انا ندبر راسي، خالتي منارفية هههه قالتلها والله ماتشوفيه يا نشريهلك بيدي ياما تديش، الطلابة خزرت فيها وحد الخزرة وراحت وخلتنا.
والله الاحتيال والتمسخير راه داير حالة
الواحد ينويها صدقة ومايهمهش اذا كان المتسول راه يحتال ولالا
وفريمو موضوعك قيم هذه الظاهرة رجعت موووووووووووووووووووووووضة غير ارواح واطلب والله يالفقير تاع الصح عنده النيف وجامي يطلب مهما يصرا.

صح عندك الحق .... هوما اللي يجو للديار و تتشرط عليك تحبك تعطيها دراهم

ما تحبش اللبسة و المصروف ... كاين مثل مصري يقول ...دلع الفقراء يفقع المرارة

صحيتي يا الوهرانية