عنوان الموضوع : خويا جاب الباك.....مُشكل كبير من المجتمع
مقدم من طرف منتديات العندليب

السلام عليكم ورحمة الله و بركاته


كما في العنوان اخي تحصل على البكالوريا الف مبروك عليه و على كل الناجحين

و العقوبة للعام الجاي لي ماجابش وخيرها في غيرها إن شاء الله

كلكم تقولون انه شيء جميل

ولكن انا عندي مشكل

لما اخي يسجل معايا هذا العام في الجامعة

تخيّلوا انا و اخي نمشي مع بعض او نلتقي صدفة

و نشاهد تلك المناظر التي نراها كل يوم في الجامعة؟؟؟؟

انا و اخي و الحمد لله بيننا احترام كبير و قْدَرْ

ولكن في الجامعة لا احترام و لا قدر إلا من رحم ربي


والله انا افكر في هذا الامر كثيرا

و مجرد التفكير يسبب لي احراج مع نفسي


فكيف لو اكون معه؟؟؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا بالعكس ارى انه امر جميل ان يكون معك اخوك فى الجامعة
شوف الجانب الايجابى اولا يكون تحت عينك وثانيا صحبة صالحة
اما بالنسبة للمناظر الصراحة لا مفر راهى موجودة فى الشارع وكل يوم


__________________________________________________ __________

>>>> الرد الثاني :

المشاركة الأصلية كتبت بواسطة النجمة القطبية
انا بالعكس ارى انه امر جميل ان يكون معك اخوك فى الجامعة
شوف الجانب الايجابى اولا يكون تحت عينك وثانيا صحبة صالحة
اما بالنسبة للمناظر الصراحة لا مفر راهى موجودة فى الشارع وكل يوم

شُكرا اختي نجمة

مُمكن يكون تحت عيني و لكن لا يمكنني مصاحبته

فهو يختلف عني كثيرا بل يختلف عني تماما

صعب جدا امشي معه او اصاحبه مع انشغالي بالمذكرة

والله يكون في العون

بارك الله فيك

__________________________________________________ __________

>>>> الرد الثالث :

بلبركة على خوك و العقوبة لاليسونس ان شاء الله.و انت علاه راك دايرها مشكل بالعكس حاجة مليحة كي خوك يكون يقرى معاك سوغتو اذا راح تريحو في لاسيتي هكا باه دايمن تكون معاه و زيد يا خويا علاه راكم مصورينا الجامعة فيها غير الفساد والله انا قريت فيها 5 سنين مالقيتش فيها حوايج انوغمال بزاف و زيد روحو غير البلايص الي نوغمال اذا عندكم قرايا روحو لونفيات ماعندكمش قرايا روحو للمكتبة و لا رجعو لشنابركم و هكا ماتشوفو بليس ما تسمو عليه.و زيد على قلة الاحترام والله في الطرقان و راهي كاينة ربي يسهللكم ان شاء الله

__________________________________________________ __________

>>>> الرد الرابع :

السلام عليكم اخي الف مبروك لاخيك وإن شاء الله ليك ايضا في مذكرتك
اخي صح عندك الحق وربي يبارك فيك لأانك تخمم في خوك وربي يكمل بالإحترام اللي بيناتكم من الاحسن تتحاشى المشي معه خليك تراقب فيه بما إنك الاكبر لكن ما تمشيش معاه الداخل فالجامعة شعال تعيا دور راسك او دير روحك ما شفتش كاين مواقف تشوفهم بالسيف عليك من الاحسن الداخل ما تتلاقاوش بزاف وخلي خوك تحت ناظرك موفقين

__________________________________________________ __________

>>>> الرد الخامس :

المشاركة الأصلية كتبت بواسطة soso sirin
بلبركة على خوك و العقوبة لاليسونس ان شاء الله.و انت علاه راك دايرها مشكل بالعكس حاجة مليحة كي خوك يكون يقرى معاك سوغتو اذا راح تريحو في لاسيتي هكا باه دايمن تكون معاه و زيد يا خويا علاه راكم مصورينا الجامعة فيها غير الفساد والله انا قريت فيها 5 سنين مالقيتش فيها حوايج انوغمال بزاف و زيد روحو غير البلايص الي نوغمال اذا عندكم قرايا روحو لونفيات ماعندكمش قرايا روحو للمكتبة و لا رجعو لشنابركم و هكا ماتشوفو بليس ما تسمو عليه.و زيد على قلة الاحترام والله في الطرقان و راهي كاينة ربي يسهللكم ان شاء الله

الله يبارك فيك

بما انك درستي 5 سنوات و ما شفتي والو يعني كنتي في البيولوجي

لانها أفضل كلية في جامعة شلف إذا قريتي في شلف

ولكن تأكدي ان الامر تغيّر تماما و اختلف جذريا

و انا ادرس في الهندسة المدنية و من المفروض تعرفيها و تعرفي واش فيها

انا خاطيني لاسيتي مانباتش كل يوم نروح للدار

و ممكن حتى ثاني نخلّص عليه و مانخليهش يبات في اولاد فارس


بارك الله فيك اختي