عنوان الموضوع : قريب وإلا مازال مجتمع
مقدم من طرف منتديات العندليب

السلام عليكم يا جماعة واش راكم كامل نتمنى راكم بخير ؟
قريب العيد الكبير والعيد الكبير معناها الخروووووووووووف او الكبش او العيادة كل ومنطقة واش يسموه ماشي هذا موضوعنا
نحب نعرف تشرو او لا قولولي الخرفان غاليين او لا يعني خلونا نتناقشو فالأمر هذا إحكولي عاداتكم تمدو الصدقة نهار الأول للذبح او اليوم الثاني النقاش لكم وبصحتكم من اليوم واللي ما يشريش يدير صي دي فيه كبش يبعبع هههههههه سلام نستنى ردودكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله

وي حنونة والله حنا كبشنا من وقتاش محطوط خص غير لعيد ونكملو عليه يايما حبيت نصورو مي يخوف

اممم اكيد الصدقة عي لولى هكدا ربي يبركلنا فيه ومي راني نسمع الكباش تاع الهدا لعام غالين بزاااااف ليوم سمعت واحد مورايا يقول الكباش تاع الهدا لعام زيد عليه مليون ورحت تخطب هع هع هع شفتي شبهونا بالكباش

ايا سلام وبلاك نرجع للموضوع مرة اخرى

ويسعدني ان اوكن اول من ترد على المواضيعك سلامووووووووووووو

حقا اسحقيتك في حاجة ختيتو راني نستناك في ليل

__________________________________________________ __________

>>>> الرد الثاني :

[
السلام عليكم اختي
لا والله ما قضية توحشت اللحم علاه ما رانيش ناكلو وأصلا انا نباتية اختي ما نحبوش
تخافي من الكبش بوه عليا انا ظنيت هو مسكين ما يقربش منك
وي صح سمعت باللي غاليين بزاف لو انا سمعت هذا اللي هدرها نقولو الكبش يروح يخطب يعطولو وإنت ريح تتفرج
شكرا إن شاء الله اختي راني نجي خير يا لالة شكرا

__________________________________________________ __________

>>>> الرد الثالث :

ان شاء الله سأذبح ............لكن ماشي كبش كبير المهم عيادة وخلاص لان الدراهم راهي قليلة وكلاوها الدجاجات ههه.............

اللهم اجعلنا ممن يعظمون شعائرك

راني نبعثلك سهمك

__________________________________________________ __________

>>>> الرد الرابع :

بكرة العيد ونعيد
ونذبح بقرة السيد
والسيد مالو بقرة
نذبح بنتوا هالشقرة
والشقرة ما فيها دم
نذبح بنت العم

أهزوجة فلسطينية لطالما سمعتها من صديقاتي في هذه المناسبة ..

كل عام وأنت بخير عزيزتي مريم .
مازلنا لم نشتري ، هو عموما يوصي أخي صديقه ويحضره يوم قبل العيد
ويقسم حسب الشرع إى ثلاثة أقسام ، وتوزع غالبا أمسية العيد أو صبيحة اليوم الموالي ... حسب تفرغ الوالد وإخوتي ..

،

هذه صورة لعنر خروفنا العام ماقبل الماضي ، كان سيقوم بمهمة جهادية


وهذه صورة لعنتور خروف العام الماضي كان غاضب ويحتج


ولحظات الذبح أيضا أحب توثيقها بالصور ، أمي وأخواتي يبتعدن لكنها تعجبني _"


__________________________________________________ __________

>>>> الرد الخامس :

المشاركة الأصلية كتبت بواسطة الواثق
ان شاء الله سأذبح ............لكن ماشي كبش كبير المهم عيادة وخلاص لان الدراهم راهي قليلة وكلاوها الدجاجات ههه.............

اللهم اجعلنا ممن يعظمون شعائرك

راني نبعثلك سهمك

السلام عليكم اخي
ههههههه المهم عيادة اخي ربي يقدرك وتاكلوه بالصحة
اللهم آمين ما فهمتش السهم هذا و لمن تبعثو شكرا اخي بارك الله فيك