عنوان الموضوع : دير كيما يدير جارك قضايا المجتمع
مقدم من طرف منتديات العندليب

السلام عليكم جماعة الخير
حبيت اليوم نتناقشو على ظاهرة الا وهي خلافات بسيطة بين الجيران وبالتحديد حاشاكم
مثلا الزبالة يعني وينتا نولو منظمين مرات تلقى جيران في حزمة عددهم قليل يعني قادرين يتفاهمو وينظمو الحي نتاعهم ما راهمش محتاجين يستناو البلدية تخدم النظافة نتاعهم نعم كاين عمال النظافة لكن ما المانع يتفاهمو الجيران
جيراني ونحن تقريلا فالحومة كلنا 9 جيران في صف واحد يعني ماكانش براني بيناتنا وكلهم جيران من بكري يعني ولادهم كبرو والعقلية تبدلت يعني لا تنظيم لا والو
مرات الزبالة حشاكم مرمية فالطريق وخاصة في عطل عمال التنظيف يعني الخبز نعمة ربي مرمية فالطريق انا إتفقت مع جيراني الأقرب ليا وقلنا لخرين بلغناهم بيناتنا شرينا حاوية الزبالة تخص حومتنا فقط يعني ثم نرمو ويجي عامل التنظيف يرفدهم وفقط هكذا
تحسن الحال بزاف بزاف وزيد من جمعة لجمعة ولادهم العزاب يتفاهمو وينقو الحومة من الحشيش والاوراق والله روعة يعني نظمنا حومتنا بزاف بزاف كنت نتمنى العادة هذي تكون عند كل الاحياء لخرين مليح الجيران يكونو متفقين على مكان إقامتهم الإنسان نظيف في لباسو وفي سيارتو ما ينساش مقر سكناه
واش رايكم وهل تعانون من مثل هذه المشاكل وفي رأيكم لو تفعلون ما قمنا به نحن واش رايكم ؟ النقاش لكم شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله شيئ جميل هدا العمل

يا ريت يطبق في كل مكان

بارك الله فيك

__________________________________________________ __________

>>>> الرد الثاني :

المشاركة الأصلية كتبت بواسطة sali-sali
والله شيئ جميل هدا العمل

يا ريت يطبق في كل مكان

بارك الله فيك

السلام عليكم اختي
هي ماشي ساهلة فالأول كنا نهدرو ومكانش اللي يسمع كل واحد يقول خاطيني ايا حطيناهم عند امر الواقع حملنا جاري استاذ المسؤولية حكينا مع النسا والمرا هي تحكم راجلها ايا لمو المال وماشي بزاف حاجة قليلة وشراو حاوية ومن بعد الطريق تراب تقاهمو ثاني وكل زوج يشرو السيما ولمو دراهم الماصو وسيمنا الأرض على جال التراب والحمد لله راهم بداو العمال يديرو القودرو ربي فرجها علينا لكن نظمنا امورنا وما إحتجناش للبلدية الحمد لله إن شاء الله من الموضوع هذا يتفاهمو الجيران في بعضاهم شكرا

__________________________________________________ __________

>>>> الرد الثالث :

سلام
ارواحى هذا الكلام الجميل قوليه فى حينا ....ماتصبحيش حية ...تلقاى عندهم غير تشراك الفم....والزبالة فى كل مكان وكى تتكلمى يقولولك ماشى حنا كلى يجيوا ناس خرين من المريخ يرموا عندنا
انا كرهت من الهدرة عن النظافة ...حتى نحيتها من المقرر المدرسى لان ما اقوله فى القسم يمحى فى المنزل..
ربى يعاون كل من غير منكرا ولو بالكلمة ....وربى يهدى ما خلق ...
شكرا على الموضوع الهادف


__________________________________________________ __________

>>>> الرد الرابع :

المشاركة الأصلية كتبت بواسطة مباركة 1961
سلام
ارواحى هذا الكلام الجميل قوليه فى حينا ....ماتصبحيش حية ...تلقاى عندهم غير تشراك الفم....والزبالة فى كل مكان وكى تتكلمى يقولولك ماشى حنا كلى يجيوا ناس خرين من المريخ يرموا عندنا
انا كرهت من الهدرة عن النظافة ...حتى نحيتها من المقرر المدرسى لان ما اقوله فى القسم يمحى فى المنزل..
ربى يعاون كل من غير منكرا ولو بالكلمة ....وربى يهدى ما خلق ...
شكرا على الموضوع الهادف

السلام عليكم اختي
هي كامل هكذاك فالأول لقيت صعوبة ويرفضو ويوعدو وما يوفوش ايا بديت بجارتي اللي عند الباب قتلها غدوى وجدي الدراهم دبري راسك ولو تسرقيهم قتلها الزبل حاشاك زبلنا ورانان بهدلو مرمي فالطريق اللي يفوت يعرفنا واش كلينا نجيتلها الدراهم وزدت لخرى وهكذا اعطيتهم لجاري استاذعواني بزاف حكى مع الرجال واعطاولو وهو شراها واش نقولك نهار حطيناها بالزغاريت
ولأانها اقرب لدارنا مرة انا نضفها نغسلها فلاكور ومرة جارتي المقابلتني الحمد لله تفاهمنا ومن بهد جا مشروع تسيام الارض ثاني تفاهمنا ونفس الطريقة والحمد لله خدمناها وضرك راحين يدوونا القودرو مزيا تهنينا والله راهي روعة النوار والورد الحمد لله نظفناها جاو البارح خطابة لبنت جارتنا عجبتهم حومتنا بزاف فرحنابزاف لما قالو هكذا
إن شاء الله تولي معممة يا رب شكرا سيدتي الفاضلة إنت قومي بدورك وقولي لتلاميذك والباق خليه عليهم شكرا


__________________________________________________ __________

>>>> الرد الخامس :

السلام عليكم

فكرة مليحة بارك الله فيك ختي مريم ان شاء الله كل الاعضاء يسمعولك ويخدمو بيهاااااااااا ، الصراحة

من ناحية النظافة الحمد لله الكارطي مشاء الله بعدما عمال النظافة بكري يرفدو ساشيات الزبل حاشاكم

كل جار يسيق جيهته تحسبي راكي في دارك الله يدوم النظافة