عنوان الموضوع : حنايا فور عليكم ............ من المجتمع
مقدم من طرف منتديات العندليب

السلام عليكم :

اردت أن أناقش معكم موضوع يخص الصراعات الإجتماعية غير مبررة بين الكثير من المجتمعات ........

بحيث تجد ابناء ولاية يكنون كراهية أو يحيكون قصص استفزازية و استهزائية عن ولاية أخرى تكون مجاورة في الغالب.

كما قد تجد هذا بين أبناء الولاية الواحدة أي بين البلديات أو قد تجدهبين الأحياء.


--- من التعابير المتداولة : حنايا فور عليكم ومطورين ...الخ

- هذوك ناس ......؟ وغيرها من التعابير غير اللائقة.


فهل هناك تطور و تحضر حقيقي بين الولايات ؟

-ماذا يعني التطور في نظر المجتمع الجزائري ؟

-شكرا لكم و النقاش مفتوح


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اخي
صح العقلية هذي كاينة وبزاف تلقى ولاية مختلفة عن ولاية اكيد فالعادات فاللهجة في كل شي و وكل بلدية منهم تزعق على بلدية من الولاية الأخرى
انا حكيت مع ناس من الشرق يضحكو على العاصميين يقولولي أنتوما انانيش مع العلم انا ما رانيش من العاصمة قلت الجزائر فقط كلاوني قاتلك وقلتيلي وبداو يا خو ويا مو ههههههه مي ختك ما سكتتش تعرفني لساني قاطع و لما يجو الجلفاويين هنا أزرع ينبت لا تعليق ما فهمتش علاه هذا في حد ذاتو تخلف حاجة باينة كل منطقة ولهجتها وعاداتها مطورين او لا وين راه اللي مراهش مطور
انا نقولك مغهوم التطور هنا طلق مرتك للسوق لبس اختك سروال سليم شوف دير روحك ما شفتش راك مطور الف بالمية شكرا خويا مراد وصحا عيدك.

__________________________________________________ __________

>>>> الرد الثاني :

ايه تلقى هذا العقلية عند الاكثرية من الجزايريين و كل ولاية شايفة روحها على الولاية لخرى تحسب ماناش نسكنو في بلاد وحدا و تلقى واحد كي يدخل جديد يعلقو عليه في كلشي مي ضروك هكا و قصة اللهجات نقصو منها لانو الناس راهي تخرج بزاف ماشي كيما كنا.و مرات تعرف علاه هذا الحساسية تبدا كي تلقى واحد من بلاصة و ينشعك تولي كي تسمع بهذيك البلاصة برك تحس التريسيتي ضرباتك.مي في اي بلاصة تلقى المليح و الدوني اما التطور الحمد الله اكثرية الولايات راهم كيفكيف و زاد مادام فيها ليكولات سبيطارات كاين الحوايج الي نحتاجهم امالا راهي مطورة و التطور تاعنا هنا كل واحد و كيفاه يشوفو انا المهم بلاصة تكون فيها اي حاجة نحتاجها هاذايك هي البلاصة المطورة عندي.و زيد والله في ولاية وحدا و تلقى هذا الحساسية تحسب ناس عايشين في السما و ناس عايشين تحت الارض .هي ماشي تكون تسكن في ولاية راك شايفها مطورا شوف انت اذا عقليتك مطورة مرات يسكن في وسط الجي و هو حابس من راسو

__________________________________________________ __________

>>>> الرد الثالث :

اللهم أصلح أمة حبيبك محمد صلى الله عليه وسلم
اللهم اهد أمة حبيبك محمد صلى الله عليه وسلم
اللهم وفق أمة حبيبك محمد صلى الله عليه وسلم
اللهم اغفر لأمة حبيبك محمد صلى الله عليه وسلم
اللهم انصر أمة حبيبك محمد صلى الله عليه وسلم
اللهم ارزق أمة حبيبك محمد صلى الله عليه وسلم
اللهم اجبر كسر أمة حبيبك محمد صلى الله عليه وسلم
اللهم ارفع وادفع الكرب و الشدائد عن أمة حبيبك محمد صلى الله عليه وسلم
اللهم استر أمة حبيبك محمد صلى الله عليه وسلم
اللهم احفظ أمة حبيبك محمد صلى الله عليه وسلم
اللهم الطف بأمة حبيبك محمد صلى الله عليه وسلم
اللهم تقبل من أمة حبيبك محمد صلى الله عليه وسلم
اللهم تجاوز عن تقصير أمة حبيبك محمد صلى الله عليه وسلم
اللهم اعف عن أمة حبيبك محمد صلى الله عليه وسلم
اللهم ارض عن أمة حبيبك محمد صلى الله عليه وسلم
اللهم وحد كلمة وصف أمة حبيبك محمد صلى الله عليه وسلم
اللهم اجمع أمر أمة حبيبك محمد صلى الله عليه وسلم
اللهم لم شعث أمة حبيبك محمد صلى الله عليه وسلم
اللهم تولى أمر أمة حبيبك محمد صلى الله عليه وسلم
اللهم اشف مرضى أمة حبيبك محمد صلى الله عليه وسلم
اللهم عاف مبتلى أمة حبيبك محمد صلى الله عليه وسلم
اللهم اغفر ذنوب أمة حبيبك محمد صلى الله عليه وسلم
اللهم استر عيوب أمة حبيبك محمد صلى الله عليه وسلم
اللهم فرج كرب أمة حبيبك محمد صلى الله عليه وسلم
اللهم نفس هم أمة حبيبك محمد صلى الله عليه وسلم
اللهم اقض دين أمة حبيبك محمد صلى الله عليه وسلم
اللهم أصلح حال أمة حبيبك محمد صلى الله عليه وسلم
اللهم احفظ أعراض أمة حبيبك محمد صلى الله عليه وسلم
اللهم استر نساء أمة حبيبك محمد صلى الله عليه وسلم
اللهم أصلح شباب أمة حبيبك محمد صلى الله عليه وسلم
اللهم انصر دينك دين حبيبك محمد صلى الله عليه وسلم
اللهم انتقم من أعدائك أعداء حبيبك محمد صلى الله عليه وسلم
اللهم انتقم من أعداء كتابك وسنة نبيك و حبيبك محمد صلى الله عليه وسلم
اللهم عليك بأعداء أمة حبيبك محمد صلى الله عليه وسلم
اللهم استجب دعاءنا إكراماً لحبيبنا وحبيبك محمد صلى الله عليه وسلم
اللهم ردنا إلى ديننا دين حبيبك محمد صلى الله عليه وسلم
اللهم ارحم موتى أمة حبيبك محمد صلى الله عليه وسلم


__________________________________________________ __________

>>>> الرد الرابع :

جزائريون عندهم النيف لكن الإفتخار والإعتزازبالنفس وشكرا

__________________________________________________ __________

>>>> الرد الخامس :

الجزايريين عقلية وحدة ، دايمن الزوخ قاتلهم ......
وصح التفاوت من حيث التطور و التحضر دائما موجود ، بين الولايات وحتى بين البلديات ،لكن ماشي شرط أنو يكون السنتر center دائما الأحسن ، أنا زرت ولايات كنت نتوقعها أحسن من ولايتي ، لكني إكتشفت أنها أسوا من ناحية كلشي سواء من ناحية البنيان أو العقليات .....و على كل الصح في العقلية ماشي في البنيان.......

لكن الشيء الأكيد أن الجزائريين كلهم يد واحدة مهما يزعقوا ببعضهم .......

وهذي حقيقة وواقع.......