هاتو حكايكم علنا نغير بها قسم المجتمع
عنوان الموضوع : هاتو حكايكم علنا نغير بها قسم المجتمع
مقدم من طرف منتديات العندليب
السلام عليكم
كيف حالكم جميعا أتمنى أن تكونو بألف خير يا رب دعواتكم لي ساكتب هذا الموضوع وأغادر غدا وسوف يرد اخي مسلم سني مكاني او مهتدي اكلفه بمهمة الرد على الأعضاء
الآن اتيت لكم هذا الموضوع حتى نغير الروتين قليلا ونتحدث عن ظاهرة لأسف لها وجهان الجانب الإجابي والجانب السلبي ولكن اغلبكم يعرف هذا والمواضيع كثيرة كتبت لن اكرر لكن الآن اردت أن نتحدث عن هذا
طرائف الهاتف النقال
الهاتف او البرتابل بلغة العربية الفصحى المكسرة
له حكايات ورويات فرغم اننا متحفظّون على أرقامنا لكن يتصل اناس لا نعرفهم ابدا
منهم من فعلا يخطأ ومنهم من يتعمد
دعونا من الذي يتعمد فنيته واضحة وذاك قد يلقى إقبال وقد يلقى هجوم كحالتي بعد كلمة الو جوابي الشهير شكون إنت ومنين جبت رقمي؟
الهاتف هو وسيلة للإتصال وبات يشكل المكان الأهم في حياتنا ولكن مرات يسبب مشاكل ومنها طرائف تحدث تجعلنا رغم همومنا نضحك إما من سذاجة البعض وإما نغضب من بعض الناس الذين يجعلوننا نفكر في نوع طينتهم
والمتجمع الجزائري الله يبارك نصف مرتبه في الفليكسي والكلام وقريبا سوف يخترعون هاتف يلتصق تلقائيا بالأذن
الآن فكرة مريم
كل شخص يدخل يتذكر حادثة طريفة حدثت معه عبر الهاتف ربما سببت صدفة جميلة او ضحكة او حتى اغضبته
الهدف من وراء هاته القصص الإدراك أن مجتمعنا الجزائري إما هو مجتمع بنيته فعلا او مجتمع ذكي لدرجة إستغفال الغير وسأبدأ انا
في يوم حار انا نائمة رن هاتفي
ردتت الو سمعت صوت رجل تخيلو لم يقل الو ولا اي شي
قالي فاطمة فاطمة انا الجيلالي حلي الباب
الواضح جيلالي حكمو إسهال قتلو ادخل راه الباب مفتوح الله يداوي العقل
ضحكت من قلبي كي كوبا الراجل وبعد مدة رجع إتصل رفعت الو قالي أختي إسمحيلي والله اخطأت بينك وبين رقم زوجتي قتلو معليش إن شاء الله ما دخلتش عند الجيران
لكن حقيقة إعتذر ولم يعاود الإتصال
وفي يوم إتصلت بي فتاة بعد السلام سلام والصافا صافا تقول تعرفني عندها قرون قتلها اختي شكون إنت؟
قاتلي حبيت نسقسيك وجاوبيني بكل صراحة وهنا ختكم مريم راحت تقولها واش كاين راكي تخدمي كوميسير
قاتلي لقيت رقمك فهاتف زوجي ويا اختي كان يطمّع فيك وقالك عازب انا زوجتو وراني بالحمل
قتلها شوفي راكي بالحمل ربي يطلعك على خير وتبعثيلي طمينة اما هذي راجلك وهاتفو اختي انا عندي الحساسية ضد الرجال والهدرة معاهم فالتلفون قصري الكلام ممكن زوجك شرا الهاتف ومسجل فيه الرقم وانا رقمي النسخة 2 او 3 يعني رقم معاد ماراهش رقم اول مرة انا نستعملو
ومن ثم ياختي راه راجلك وعندك فالدار علاه راكي تعسي فيهقاتلي الوقت ماراهش مليح ويا اختي الله يخليك صارحيني
طار القرمود قتلها شوفي العزاب راهم معمرين وانا ما نديش راجل متزوج لوكان يدير جناحتين كوني مهنية وراكي غير توسوسي فروحك
ورجعت العشية تخيل ووقاحتها دارت مكبر صوت وجابت راجلها حتى يعيطلي وتسمعو لما رفدت قتلها خير اختي واش كاين ثاني قالي اختي إسمحيلي انا نعرفك من قبل؟ قتلو عرفك عزرين يا وليدي جابتك وجات تجري فعلا قدرة ولقات غطاها
هذا الربع مما يحدث معي فالهاتف وانتم
هاتو حكاياكم وعند عودتي سوف أقرأها واستمتع شكرا لكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم مريومة
أضحك الله سنك ( هايلة تع فاطمة حلي الباب )
صدقيني .....والله رقم مانعرفه ما نرد عليه ....لآنه بمجرد يسمع صوت امرأة أكيد لن يتوقف ..راكي عارفة الي ماشي مربي واش يدير ....
واذا كان رقم سامط ( نديره رونفوا )
أنا اللي تقتلني ..واحد ماشي خدام ..وكل يوم يآكتيفي
__________________________________________________ __________
>>>> الرد الثاني :
المشاركة الأصلية كتبت بواسطة *انشراح * 
السلام عليكم مريومة
أضحك الله سنك ( هايلة تع فاطمة حلي الباب )
صدقيني .....والله رقم مانعرفه ما نرد عليه ....لآنه بمجرد يسمع صوت امرأة أكيد لن يتوقف ..راكي عارفة الي ماشي مربي واش يدير ....
واذا كان رقم سامط ( نديره رونفوا )
أنا اللي تقتلني ..واحد ماشي خدام ..وكل يوم يآكتيفي
السلام عليكم اختي
وي مسكين الظاهر كان مرزوب
انا رقم لما يصر ويتصل الأكيد نرفع لانو نعرف روحي ماراحا نروح معاه لبعيد هو يندم إنو إتصل
اما هذي شومار ويتصل ياكتفي هذاك السر الخفي للشاب الجزائري
شكراولك تهنئة زوري الموضوع فالترحيب
شكرا
__________________________________________________ __________
>>>> الرد الثالث :
السلام عليكم
هههه والله موضوع جميل اختي مريم
أنا مرة وصلتني 100 دينار جزائري بالخطأ ولما كنت في العمل اتصل بي صاحبها قالي أختي إذا معندكش معليهش وأنا اصلا قلت إذا كانت امرأة لن أطلب منها إعادتها
قلت له لا وبعثتها له
وكان رقمو لايختلف عن رقمي إلا في آخر رقم يعني لم تكن صدفة
وفي المساء اتصل بي يمدحني وراكي عارفة سيناريو المهم تركته حتى مل لوحده
وبعدها لم يتصل
يعني غريب مايحدث أحيانا تكون اللعبة مكشوفة والله فارغين شغل
بارك الله فيك على الموضوع
سلام
__________________________________________________ __________
>>>> الرد الرابع :
السلام عليكم
مرة اردت ان اهاتف اخي من اجل ان يشتري شيءولكن هاتفت شخص اخر ,,,,,,,,,,,,,,,,,,,,,,,وانا بكل ثقة نقول ,,,,,,,,اي جيبلي معاك ؟؟؟؟؟؟هو يقلي ,,,,,,,,,شتاه ,,,,,,,,,,,,,انا دايما نلاحظ متاخرة ,,,,,,,,,,,,,,نقلو ,,,,,,,,,,,,,اودي جيبلي ؟؟؟؟؟وانا نعاود ,,,,,,وفي الاخير اكتشفت انه ليس اخي ,,,,,,,قطعت اتصال ,,,,,,,,,,فيما بعد ,,,,,,,عاد واتصل ,,,,,,,,,,,,,قالي مصباح انت جيبلي ؟؟؟؟؟؟؟؟ قلت له,,,,,,,سمحلي غلطت ,,,,,,,,,,,ايه ضحكي يامريومة ,,,,,,,,,,,,راكي حاسبة غير جيلالي يغلط ,,,,,,,,,,,,,,ربي يشفيك ,,,,,,تروحي وترجعي بالسلامة
__________________________________________________ __________
>>>> الرد الخامس :
السلام عليكم
السنوات الاولى كانت الظاهرة منتشرة لكن الان اصبحت قليلة
احيانا يعيطلك واحد ويزيد يقولك وشكون انت يعنى شوف الوقاحة
وسعات يعيطلك ويقولك لقيت الرقم عندى
أغلب الفئة المستهدفة النساء خاصة لما وحدة تحب توقع بينها وبين زوجها طريقة جيدة جدا
شكرا اختنا مريم ربى يحفظك
رد مع اقتباس
