لو نعكس المنطلق

[سضكضق]

عنوان الموضوع : لو نعكس المنطلق
مقدم من طرف منتديات العندليب

السلام عليكم ورحمته تعالى وبركاته
اول شيئ
اخواني واخواتي اني احبكم في الله
حبيت نحكيلكم واش يدور في ذهني وديما نتردد نكتبووا واليوم قررت اني نحط افكاري هنا بيناتكم
البنت منذ نعومة اظافرهااول شيئ تحب تلعب به دميتها تحب تكون ام منذ نعومة اظافرها
ومن هنا تبدا الحكاية ديما البنت تكون على اخلاق عالية وووو وبعدي تقول راني كنت مع واحد ودرت ودرت
جامي قريت في المنتدى موضوع يسموه راني تمسخرت بطفلة ودرتلها ودرت فيها
لماذا؟؟
ثاني شيئ البنت مهما تجبد روحها وتبقى في البيت اصلا خاوتها مايقعدولهاش خلاص والوالد تاني
وتبقى ديما وحدها مهما تملا الفراغ ديما البنت وانا واحدة منهم نحب لي يحتويني لي يسقسي علي لي يطيب خاطري بكلمة الله غالب تغلب علينا العاطفة على العقل عكس الرجال
ادم وحواء مكملين بعض
المهم البنات هذي لي راهي تغلط مع الشباب ولي راهي تلبس في الفيزو ولي راهي دير ودير
يعني هي برك لي ماهيش متربية؟؟ ومانيش نعمم باش ماتظلمونيش
والله كاين بنات قمة بصح يجي الشاب ويخدعها بزوج كلمات وخاصة لي تكون على نيتها وماهيش مجربة
علاه مايتحسبش هو وديما البنت تتحاسب
وراني ديما منعممش
البنت عمرها ولا تروح للشاب وتقولو حبيت نصاحبك
وثانيا كي يجي ويحكي معها الشاب ديما تخمم الزواج عكسو هو
المهم والمفيد
لوكان نستاصلوا العلة من جذورها وماتقولوليش البنت المتربية ماتحكيش مع الشباب لازم منخلوش الشاب اصلا يقترب من ناحية البنت
لوكان نعكسو الفكرة في تفكيرنا ونبداو من عند الرجل
نربيو ولادنا الذكور على انه اذا حب واحدة يجي يحكي لباباه ويديرلوا حل
انه اذا بغى واحدة يروح يتزوجها وباباه مايبداش يصعب في الامور مازالك صغير ماعندكش دار وووو
اذا الشاب عرف يتعامل مع اخته مايحقرهاش ومايخنقاش ويخليها ديما تحت المراقبة.... نعلموا اولادنا يكون اصدقاء لخواتتهم
نعلموا ابناءنا الحب الحلال والحرام
لوكان كل اب واخ مايخليش اخته تبع الموضة بالملابس الفاضحة
لوكان المجتمع يتحمل مسؤوليته وذلك بدا بالتجار مايجيبوش لبناتنا اللباس غير المحترم نلقاو بناتنا كامل مستورات
نلقاو بناتنا كامل عفيفات وحدة ما عرفت واحد والا هي زوجته
ماريكم لونعكس المنطلق؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي ماذا أقول لك
الله يحفظك و يرزقك الجنة
فعلا كي نلقى فتيات مازال تفكيرهم نقي و فطرتهم سليمة في المنتدى بالمقارنة مع مانراه في الشارع
أقول الحمد لله

أولا أود التنبيه بالنسبة لقولك
البنت مهما تجبد روحها وتبقى في البيت اصلا خاوتها مايقعدولهاش خلاص والوالد تاني
وتبقى ديما وحدها مهما تملا الفراغ ديما البنت وانا واحدة منهم نحب لي يحتويني لي يسقسي علي لي يطيب خاطري بكلمة

أود أن أعرف هذا الفراغ كيف تملأه الفتاة ، فأكاد أجزم أن أغلب الفتيات تفتح فمها أمام التلفاز من مسلسل إلى فيلم إلى أغنية ... و أمور دنيوية أخرى
و لا أشك لحظة واحدة أن فتاة تتفرغ لعبادة الله و لمعرفته من قراءة قرآن و صلاة .... سوف يخطر على بالها أن تحب
فمن لم تشغل نفسها بالحق شغلتها بالباطل و لابد
و مما لا شك فيه أيضا عدم احتواء البنت من طرف أبوها و عائلتها فتبحث عن التعويض
و هذا التعويض من أين ستأتي به ، طبعا من خارج البيت أين يوجد الذئاب المتربصة لأية فريسة
و الذين تطورت أساليبهم عبر الزمن و أصبحوا مبدعين فلا تكادين تعرفين خطتهم الهجومية المقبلة
أشترك معك في نقطة كون الفتاة تغلب عليها عاطفتها و قد تخطئ و يخدعها شاب بكلمتين فالفتاة غالبا ما تكون نيتها الزواج و إذا أحبت سوف لن ترى إلا ذلك الشاب
و الشاب مريض القلب سوف يستغل هذه النقطة و يبدؤها معها من منطلق أنه قصده شريف و ناوي الحلال و لكنها بالنسبة له مجرد للتسلية و ملء الفراغ و التباهي أمام الأصدقاء
فالفتاة التي تبحث عن الزوج أنا أضمن لها أنها سوف لن تجد الحنان و حسن المعاملة إلا مع من يخاف الله و يتبع دينه أما من تجري ورائه الفتيات الآن بزعمهم أنه وسيم و رومانسي و له مكانة و أنيق في لباسه و ..... فإذ لم يكن يعرف الله ستشبعين معه هم و نكد

بالنسبة للحلول لعكس المنطلق
أولا يجب تغيير جذري على جميع الأصعدة
و باعتبار و أنك قلت أن تربية الشاب أو الفتاة يجب أن تبدأ من البيت و من الوالدين
و لكن الآن في واقعنا بمجرد أن يدخل الطفل الابتدائي يجد نفسه يدرس مع فتيات حتى أصبحت أسمع من بعض الأطفال في الإبتدائي يقول لي أن صديقتي فلانة تدرس معي
و يرجع الطفل لبيته ليشاهد التلفاز و قد يقول البعض أنه يتابع فقط رسوم متحركة و هنا مكمن الخطر فجل هاته الرسوم تركز على ضرورة وجود العلاقات بين الذكر و الأنثى نأخذ مثال : كلكم تعرفون توم و جيري ففي إحدى الحلقات يرى القط توم قطة جميلة فيسعى جاهدا لنيل إعجابها بكل الطرق





وما تبثه mbc3 أخطر بكثير و ما خفي كان أعظم
فما ظنك بطفل تشبع منذ الصغر أنه يجب أن تكون له عشيقة
فكل مراحل التعليم فيها اختلاط من تعليم أساسي و ثانوي و الكارثة العظمى الجامعة أين تتزوج الفتاة و تطلق و الناس بلا خبر
فمن المفروض من الدولة أن تبني مدارس و ثانويات و جامعات للذكور فقط و أخرى للإناث فقط
فكوننا استسهلنا بالاختلاط نحن الآن نجني ممّا كسبت أيدينا
و الدولة أيضا مسؤولة عمّا يقدم لبنات المسلمين من ملابس فاضحة ، فمثل ما هي تحارب المخدرات و أصحابها تحارب هذه الملابس
و لكن أعتقد أن أصحاب السلطة أغلبهم أصحاب شهوات ممن باعوا دينهم بعرض من الدنيا و هم من يريدون أن تتعرى المرأة في الشوارع حتى ترضى اليهود و النصارى عنّا لأننا عندنا معهم مصالح

و هناك الكثير من الأمور التي يجب تغييرها فلو استرسلت في ذكرها سأجد نفسي ألفت كتابا

نسيت أن أجيبك على تساؤلك :
جامي قريت في المنتدى موضوع يسموه راني تمسخرت بطفلة ودرتلها ودرت فيها
لماذا؟؟

الإجابة لأن الشاب إذا كان من النوع الذي يلعب ببنات الناس فلا يكشف نفسه أبدا
حتى تبقى قائمة ضحاياه مفتوحة

أسأل الله أن يصلح أولياء أمورنا و يحكّم فينا من يطبق شرعه
و أن يهدينا و يتوب علينا

__________________________________________________ __________

>>>> الرد الثاني :

السلام عليكم أختي الفاضلة kaout
كلام في الصميم و موضوع في القمة و قد تطرقتِ فيه الى لب المشكل في المجتمع و بكل بساطة
فالحلول بسيطة و على من يريد الاصلاح ان ينتبه لكل فرد من افراد اسرته ....فالاهمال قد يؤدي الى الضياع ....و لمفردة ضياع طرق كثيرة تنتهي اليها ....ادناها تدمي القلب و الله المستعان
شكرا جزيلا على الموضوع القيم و اقر عينيك بما تحبين
ســـــــــــــــــــــــــلام

__________________________________________________ __________

>>>> الرد الثالث :

mahjooooooooooooooooz

__________________________________________________ __________

>>>> الرد الرابع :

السلام عليكم :
و الله أختي أحييك على هذا الكلام , كلامك صحيح لا غبار عليه ,
و المسؤولية في أي علاقة غير شرعية ,يتحملها الطرفان ,
لكن نحن لما نلقي اللوم على الفتاة , ليس كرها أو إحتقارا لها ,
بل لأن مفتاح تلك العلاقة بيدها , يعني هي من تفتح أول الأبواب ,
و أعطيك معلومة صغيرة أختي , الشاب و أي شاب , لا يفتح بابا مغلقا ,
و أقولها صراحة لأي فتاة خرجت تجر أذيال الهزيمة بعد علاقة عاطفية ,
" لو لم تفتحي الباب لما أتاك الخطاب " , بكسر الخاء و ليس بضمها ,
صحيح أن الفتاة , كما تصوره الكثيرات , أنها ضعيفة و عاطفية و نية ,
و تغلب علي أفعالها العاطفة , هذا صحيح , لكن بالمقابل لها عقل ,
تفكر به , و تميز به بين الصالح و السيء , بين ما يجوز و ما لا يجوز ,
ماشي بعدما يوقع الفاس في الراس , نلوموا الشاب و نصوروا الفتاة على أنها ضحية ,
و نية و ضعيفة , و تمر بفراغ عاطفي .
لنكن منطقيين قليلا .

__________________________________________________ __________

>>>> الرد الخامس :

fly in kawkab jalfoooooooooon

المشاركة الأصلية كتبت بواسطة kaout السلام عليكم ورحمته تعالى وبركاته .................السلام عليكم اختي حبيت نحكيلكم واش يدور في ذهني وديما نتردد نكتبووا واليوم قررت اني نحط افكاري هنا بيناتكم ...........لا تترددي وانشري ما يدور في خلايا مخك البنت منذ نعومة اظافرهااول شيئ تحب تلعب به دميتها تحب تكون ام منذ نعومة اظافرها............لا تعليق ومن هنا تبدا الحكاية ديما البنت تكون على اخلاق عالية وووو وبعدي تقول راني كنت مع واحد ودرت ودرت جامي قريت في المنتدى موضوع يسموه راني تمسخرت بطفلة ودرتلها ودرت فيها...............نذل يبقى نذل ودخليه في ايقونة تجاهل تريحي راسك لماذا؟؟......................why ثاني شيئ البنت مهما تجبد روحها وتبقى في البيت اصلا خاوتها مايقعدولهاش خلاص والوالد تاني وتبقى ديما وحدها مهما تملا الفراغ ديما البنت وانا واحدة منهم نحب لي يحتويني لي يسقسي علي لي يطيب خاطري بكلمة الله غالب تغلب علينا العاطفة على العقل عكس الرجال..................حذاري من هاد كلام راح تندمي ادم وحواء مكملين بعض...................زوج وزجة المهم البنات هذي لي راهي تغلط مع الشباب ولي راهي تلبس في الفيزو ولي راهي دير ودير يعني هي برك لي ماهيش متربية؟؟ ومانيش نعمم باش ماتظلمونيش والله كاين بنات قمة بصح يجي الشاب ويخدعها بزوج كلمات وخاصة لي تكون على نيتها وماهيش مجربة..........وهي علاه عطاتو فرصة اما في مايخص صغيرات سن هن يعرضن انفسهن تعال ثبتلي وينداوز تعال اريد حل مسألة اعطيني كود ويفي وغيرها غيرها....تبقى عند شاب يبتعد او يفترس علاه مايتحسبش هو وديما البنت تتحاسب. وراني ديما منعممش البنت عمرها ولا تروح للشاب وتقولو حبيت نصاحبك .......ولي ركن سيارتو امام اقامة وهي بنفسها ركبت فمن غالط هو او هي وثانيا كي يجي ويحكي معها الشاب ديما تخمم الزواج عكسو هو............انصحك لا تجربي حب قبل زواج نصيحة مني نسبة نجاحه قليلة بزاف المهم والمفيد لوكان نستاصلوا العلة من جذورها وماتقولوليش البنت المتربية ماتحكيش مع الشباب لازم منخلوش الشاب اصلا يقترب من ناحية البنت...............................اذن فتاة ماتعطيه فرصة لوكان نعكسو الفكرة في تفكيرنا ونبداو من عند الرجل نربيو ولادنا الذكور على انه اذا حب واحدة يجي يحكي لباباه ويديرلوا حل.................جبتيها 10/10.............بصح صعيبة يصارح ولد ابوه يحب انه اذا بغى واحدة يروح يتزوجها وباباه مايبداش يصعب في الامور مازالك صغير ماعندكش دار وووو اذا الشاب عرف يتعامل مع اخته مايحقرهاش ومايخنقاش ويخليها ديما تحت المراقبة.... نعلموا اولادنا يكون اصدقاء لخواتتهم.........10/10 نعلموا ابناءنا الحب الحلال والحرام لوكان كل اب واخ مايخليش اخته تبع الموضة بالملابس الفاضحة.......يحبسلها تلفزة ومادا عنه لوكان المجتمع يتحمل مسؤوليته وذلك بدا بالتجار مايجيبوش لبناتنا اللباس غير المحترم نلقاو بناتنا كامل مستورات نلقاو بناتنا كامل عفيفات وحدة ما عرفت واحد والا هي زوجته..........اذن كل يتحمل مسؤولية ماريكم لونعكس المنطلق؟؟

ماتنسيش اننا في زمن علامات ساعة