عنوان الموضوع : من تشاركني همي تم حل المشكلة
مقدم من طرف منتديات العندليب

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف
انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة
راني نستنا في ردودكم وفي مشاركات اخرى



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام اختى انا ماشى مزوجة يسما مانيش راح نفيدك بزااااااااااااااااااااااف .............ربي يفرج عليك و يرزقك بالذرية الصالحة...و مدريش على عجوزتك هى تانى مادا بيها تشوف ولاد بنها .............بصح تهلاي فيهم و مدريش كيما داروا شى نااااس .الاولاد مسؤولية ماشى تمسخيييييييييييير ********...واحد يحوس على لولاد واحد هارب عليهم....*********.....رانى ندعيلك من كل قلبي ......................

__________________________________________________ __________

>>>> الرد الثاني :

هادي حاجة ربي احمديه و ادعي ربي يفرج عليك و يرزك الدرية الصالحة ان شاء الله

ادعي في السجود و بين الآذان و الاقامة ربي يستجيبلك في القريب العاجل ان شاء الله

و في ما يخص عجوزتك راهي في مقام يماك ما تواجبيهاش و قوليلها تدعيلك كي ترضى عليكم ربي سبحانو يرضى عليكم

ما اديريش في قلبك هادي تاع ربي ان شاء الله عن قريب ناكلو الطمينة سلااااااااااام

__________________________________________________ __________

>>>> الرد الثالث :

اختي العزيزة رزقك الله الذرية الصالحة
كلام الاخوات جيد وجميل فاستمري بالذهاب الى الاطباء لكن اعلمي ان الحمل ان تم فمن الله وحده وليس للطبيب اي ارادة في ذلك
ليكن يقينك بالله قوي وثقتك به عالية لكن لا تهمك الاسباب التي تؤدي الى النتيجة التي تريدين
ولا تنسي التضرع الى الله وصدقة السر (داووا مرضاكم بالصدقات) ولزوم الاستغفار ودعاء ( ربي لا تذرني فردا وانت خير الوارثين)
لتعلمين اخيتي لي جارة لم تنجب لمدة 10 سنوات و هي الآن تنتظر مولودها بعد شهر ان شاء الله الله يتمم لها و لكل المحرومين من هذه النعمة يا رب
مع اطيب تمنياتي

__________________________________________________ __________

>>>> الرد الرابع :

السلام عليكم ورحمة الله


اختي نسئل الله ان ينعم عليك بالدريه الصالحه

فصحيح شيء يتعب النفسية خاصتا إن كان من أهل الزوج

لكن بما أنا زوجك متفهم فلا تكترثي لهم كثير

فهي كذالك تريد ان ترى أبناء لولدها أنا لا أدالفع عندها

لكن هذا هو تفكيرها ولها الحق

لكن أنتي فقط كل مرة حاولي أن تقولي لها أنه أمر الله

والله يرزق من يشاء إناثا وذكورا ويجعل من يشاء عقيما

ان شاء الله تقر اعينك بأبناء صالحين

فقط استمري في زيارة الطبيب والدعاء والصلاة

دومتي اختي ودائما ادعي الله

فهو الوحيد الرزاق


__________________________________________________ __________

>>>> الرد الخامس :

بارك الله فيكم وجعل هذه الكلمات في ميزان حسناتكم
ربي يعطي كل واحد منا وش يتمنا
سبعة يظلهم الله يوم لا ظل الا ظله اثنان تحابا في الله
احبكم في الله