حماتي تغيضني ما الحل اصبحت لا اطيقها مشكلتي

[hamida]

عنوان الموضوع : حماتي تغيضني ما الحل اصبحت لا اطيقها مشكلتي
مقدم من طرف منتديات العندليب

السلام عليكم ورحمة الله وبركاته
مشكلتي مع عجووووووووزتي اللي دايما تحوس تستفزني
وتقولني كلام ماقلتوش
وحتى لو بالمزح مايركبش
وخاصة قدام سلافي وقدام نساهم
وكلامها يستسغرني قدامهم
والله صعب التعامل معاها
نحسها شريرة بزاف وتكره كل زوجات ولادها وتتمنالهم الطلاق وتروح حتى للشيوخ باش تسحرهم
انا تلعبها تحبني بصح خايفة يجي الدور علي وترجع علي
ماقدرتش نتحمل تصرفاتها معاهم
حابة تخرب بيوت اولادها علاجال اسباب تافهة
ومشكلتي اني راح نعيش معاها لانو زوجي هو الولد الصغير ومستحيل تخليه يبعد عليها
وهو المدلل نتاعها وهو تاني مش قادر يبعد عليها
وهو درك راهو مسافر من شهر ونص وانا قعدت ساعة معاها ساعة في دارنا
صدقوني انا عمري ماكرهتها بصح باغية نبعد على شرها
وكيما دارت لعرايسها قادرة تديرلي انا تاني
تخيلو جوزت معاها نص رمضان والله مانخليها تقيس حاجة كلش علي نطيب نمسح وحتى الرقاد منرقدش
ساعات تجي تنوضني على 1 ولا الساعتين نتاع الليل تقولي نوضي ديري القهوة
وهذا كامل قلت معليش
هذي عجوزتي ولازم نديرلها واش تحب
بصح هي كي عيطت لراجلي وانا كنت قاعدة قدامها ونسمع فيها تقولو مرتك ماتنوضش بكري
مرتك دير الماكلة مالحة
وووووو
وهذا كامل قالاتو وانا قاعدة قدامها
وتلعبها بللي راهي تضحك معاه بصح هي راهي نار تحت التبن
وهكذا تديرلي دايما
تحكي لراجلي حكايات انا ماقلتهمش وثاني في وجهي
وانا مانلقا واش ندير نسكت وخلاص ونرضى بالامر الواقع
نقول معليش عجوزتي كبيرة مانعاندهاش
والله تعبت من تصرفاتها
انا زوجة جديدة ومانعرفش نتعامل في هاد المواقف
اعطوني نصائح

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المشاركة الأصلية كتبت بواسطة سيريناdz السلام عليكم ورحمة الله وبركاته مشكلتي مع عجووووووووزتي اللي دايما تحوس تستفزني وتقولني كلام ماقلتوش وحتى لو بالمزح مايركبش وخاصة قدام سلافي وقدام نساهم وكلامها يستسغرني قدامهم والله صعب التعامل معاها نحسها شريرة بزاف وتكره كل زوجات ولادها وتتمنالهم الطلاق وتروح حتى للشيوخ باش تسحرهم انا تلعبها تحبني بصح خايفة يجي الدور علي وترجع علي ماقدرتش نتحمل تصرفاتها معاهم حابة تخرب بيوت اولادها علاجال اسباب تافهة ومشكلتي اني راح نعيش معاها لانو زوجي هو الولد الصغير ومستحيل تخليه يبعد عليها وهو المدلل نتاعها وهو تاني مش قادر يبعد عليها صدقوني انا عمري ماكرهتها بصح باغية نبعد على شرها وكيما دارت لعرايسها قادرة تديرلي انا تاني تخيلو جوزت معاها نص رمضان والله مانخليها تقيس حاجة كلش علي نطيب نمسح وحتى الرقاد منرقدش ساعات تجي تنوضني على 1 ولا الساعتين نتاع الليل تقولي نوضي ديري القهوة وهذا كامل قلت معليش هذي عجوزتي ولازم نديرلها واش تحب بصح هي كي عيطت لراجلي وانا كنت قاعدة قدامها ونسمع فيها تقولو مرتك ماتنوضش بكري مرتك دير الماكلة مالحة وووووو وهذا كامل قالاتو وانا قاعدة قدامها وتلعبها بللي راهي تضحك معاه بصح هي راهي نار تحت التبن وهكذا تديرلي دايما تحكي لراجلي حكايات انا ماقلتهمش وثاني في وجهي وانا مانلقا واش ندير نسكت وخلاص ونرضى بالامر الواقع نقول معليش عجوزتي كبيرة مانعاندهاش والله تعبت من تصرفاتها انا زوجة جديدة ومانعرفش نتعامل في هاد المواقف اعطوني نصائح

السلام عليكم أختي نتمنى تكون قصتك حقيقية خاطر خطرة رديت على مشكلتك و في الأخير درتي راكي تخيلتي بعد ماحيرتيني المهم تهلاي في عجوزتك متهبطيش عقلك لعقلها خاطر كبيرةو انتي جيل وهي جيل آخر وبارك الله فيك على إحسانك أمثالك قلال ختي أنا خطيبتي بمجرد مشكل بسيط مع أختي دارت عليا ونسات كل شيء ببساطة لأنها غير ناضجة المهم سمعينا أخبار الخير كاين مشاكلي مازالت كيما تعرفيها؟

__________________________________________________ __________

>>>> الرد الثاني :

الصراع الازلي ..........................................

__________________________________________________ __________

>>>> الرد الثالث :

عجوزتك بمكانة امك اختي صحيح الانسان احيانا لا يتحمل لكن كل شيء بثواب اختي
اقتليها بالحب عامليها بالرحمة حتى وان كدبت عليك في وجهك سياتيي يوم وتندم على فعلتها لانها تظن ان لم تفعل هدا ستاخدين ابنها منها اما وان راتك مطيعة لها وتحثين ابنها على برها والله ستكسبين في الاخير دنيا واخرة جربي ولن تخسري شيئا
حتى وان قالت لك اكلك مالح قولي لها يا يامي من خبرتك ساتعلم
قولي لها لان طعامها الد مهما يكن اكلك فلن ياتي كما تطبخ هي
مجرد كلمات بسيطة تخرج من القلب باحساس صادق والله انها تلين الصخر
ارجو من الله ان يرزقك الصبر والقلب الواسع
وان شاء الله نسمع خبر مفرح في اقرب وقت

__________________________________________________ __________

>>>> الرد الرابع :

الله غالب هذي هيا الحياة و هذا هو زواج الجزائر لازم تلقاي عظم حتى فى الكبدة
المهم مهما كان راهي مرا كبيرة الله غالب واش تديري بصح حنونتي عادي اغلبيها بالملاحة و ثاني مادامها تقولها بالضحكة نتي ثاني رودي عليها بالملاحة و الضحكة زعما كنتو قاعدين و قالت حاجة نتي مقلتيهاش بالضحة قوليلها يا يما ضوك يامنوك و نتي تضحكي عادي و اذا حرشت راجلك عليك و انت تسمعي ثاني قوليلها يا يما ضوك يامنك ماراهوش عارف بلي راكي غير تضحكي و مبعد ينوض ليا انا نجي عندك يما هكا بالاك تفيق لروحها

__________________________________________________ __________

>>>> الرد الخامس :

اختي قتليها دخليها عيلها غير بالملاحة وغادي تربحيها ان شاء الله