عنوان الموضوع : انصحو اختكم في الله ربي يجازيكم تم حل المشكلة
مقدم من طرف منتديات العندليب

السلام عليكم و رحمة الله تعالى و بركاته
قصتي باختصار يا اخوتي في الله انا مخطوبة منذ مدة و نعرف خطيبي من عامين تقريبا فالاول كنت معاه ديما متفاهمين و مكانوش بيناتنا مشاكل و كنا دائما نتفاهمو في امورنا و نفهمو بعض لكن من فترة اصبحت المفاهمة امر صعب للغاية هو عقليتو صعيبة بزاف و يحب يدير رايوو و بلا ما نقولو حتى كلمة و انا ديما نتسامح معاه و ساعات والله هو يغلط معايا و نرجع انا لي نطلب منو سماح المهم هوا والف ديما يجرح و يمشي رايو عليا و كل ما يقول شي نقولو نعم نعم نعم و نطبق كل شيء يقولو و نسكت و ساعات يستعرف يقولي راني ظلمتك و ساعات يقولي نتي ما تقدريش وش ندير على جالك و انا والله كل مرة يجرحني بكلام و ننساه و انا و الله العظيم في حياتي ما جرحتو و كلش نخليه في قلبي و نبيض قلبي معاه بصح لكل شيء حد و انا ما بقاش عندي صبر و ساعات نخمم نبطل عليه و احيانا اخرى نرجع و لكنه مزال يتمادى اكثر و اكثر و لا يحترم شعوري ابدا لكن الامر الذي متاكدة منه انه يبغيني لانه كل ما نقولو خلاص يرجعلي و يقول ما نلقاش كيفك بصح نفذ صبري معاه عييت نتحمل و ملقيتش شكون يوقف معايا و ينصحني قبل ما نرتبط بيه كامل حياتي يا خاوتي لي يقدر ينصحني في مشكلتي هذه و الله لدرجة اني رجعت في حالة نفسية جد متدهورة و ما ناكل كيما الناس ما نخرج على العلم باني جامي خرجت معاه نهدر معاه غير عبر الهاتف شفتو مرتين فقط انصوني يا خاوتي ربي يجازيكم كل خير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لازام تتخذي قرار وتكوني مقتنع بقرارك

__________________________________________________ __________

>>>> الرد الثاني :

شوفي اختي

انا لن انصحك ماذا تقولين له

و لكن انصحك بما تفعلينه
====================
شوفي اختي

مدة الخطوبة طوّلت

و المشاكل تحدث حتما بعد هذه المدة الطويلة

و لهذا

1-انا انصحك بان تقللي من الكلام معه في الهاتف

و شوفي كيف تتغير نفسيتك و طريقته معك

2-هو يشعر بالضغط و ربما اتني تزيدين عليه الضغوطات بغير قصد

3-و لعلمك الكلام الذي تقولينه لا يفهمه كما تفهمينه انتي

لان طريقة تفكير الرجل تختلف عن طريقة تفكير المراة

لهذا اختاري الفاظك جيدا... قد لا تبدو لك جارحة و لكنها ممكن تجرحه


حاولي انك تقللي الكلام ...فقط

__________________________________________________ __________

>>>> الرد الثالث :

سبحان الله فوالله لي صديقة لها نفس قصصة كل يوم تشكيلي وتاعودهالي حتى حفظتها فكل مرة كنت نجاوبها اصبري وخلاص هدا هو نصيبك ومن المفروض راكي والفتي وعرفتي عقليتو هده هي عقيتو مقلق ويزعف بزاف وخرج زعافه فيك وديما انتي ضحية وتحملي غضبه لكن في قلبه يبق زوجك المستقبلي لخاف عليك ويحميك مهما تصرف معاك في لحظة غضب
تقبلي اختي مروري ربي يفرج عليك انشالله

__________________________________________________ __________

>>>> الرد الرابع :

مرسي اخوتي لكن المشكل والله ما نهدر حتى هدرة لي تجرحو و نسكت على حقي ديما لكنو دائما يحاول يفسد الامور لي تفاهمنا عليها و احيانا يقولي انتي تسمعي لاهلك بزاف و لكن هل هذا يعتبر خطيئة؟ هل لازم البنت ما تسمعش لاهلها و تشاورهم مع العلم انو هوا اي حاجة يديرها يشوف وش يساعدو هوا و اهلو و يخبرني بيها لكن الامر زاد عن حدو كثيرا و كذلك لا يحب النقاش فهو يعمل ما يريده هو فقط

__________________________________________________ __________

>>>> الرد الخامس :

بالعقل و الصبر تتحل كل المشاكل

المهم كبري عقلك شوية و انعلي ابليس

هذا ماكن اختي و ربي يهنيكم ان شاء الله