قولولي واش ندير ربي يخليكم تم حل المشكلة

[hanan]

عنوان الموضوع : قولولي واش ندير ربي يخليكم تم حل المشكلة
مقدم من طرف منتديات العندليب

السلام عليكم
انا نحكيلكم حكايتي و انتوما احكمو او اللي عندو حل ما يبخلش عليا
راني مخطوبة عندي عام مع شخص حبيتو و خرجت معاه لمدة 4 سنوات و بعدها تقدملي
بعد ما خطبني قالي حبسي قرايتك من الجامعة و لا نبطل عليك رحت هدرت مع دارنا و عاديت بابا لعزيز على جالو و بطلت
بعد شهور درت ستاج تاع الحفافة يعني ابرونتي عند وحدة قالي حبسي الستاج و لا نبطل عليك طاوعتو و بطلت الستاج تاعي بعد عناء كبير مع مامالكن قبل ما نبطل قلتلو لازم ندير ستاج المهم ما نقعدش ف الدار قالي ايه ما عليش المهم تحبسي
صحة درت عليه و كي حبست قلتلو على الستاج الجديد قالي لالا و هاد المرة لوكان تدخلي ما نعطيك وقت ما والو بخلاف تحطي رجلك انسايني
زدت حكيت لماما قالتلي يموت و ما تحبسيش هاد المرة
عاودت حكيت معاه و حلللتو زادت تخلطت الدعوة
ماراهش كامل يعيطلي و لا يحوس عليا
صافي راني غير نستنا في النهار اللي يجو دارهم و يقولولي خلااااااااااااااااص
واش قلتو في حكايتي هي صح غريبة و غير انا لي نضحي في هاد العلاقة و هو اناني ما يخمم غير في روحو
ربي يخليكم اللي عندو حل يقولي عليه مع انو علابالي بلي ماكاينش حل غير اني نبطل من جديد
بصح حلفت هاد المرة ما نسمح في والو على جالو



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اكبر غلطة نهار لتنازلت وبطلت دراستك لهذا تمادى ربي يفرج عليك

__________________________________________________ __________

>>>> الرد الثاني :

المشاركة الأصلية كتبت بواسطة ياسمين92 السلام عليكم انا نحكيلكم حكايتي و انتوما احكمو او اللي عندو حل ما يبخلش عليا راني مخطوبة عندي عام مع شخص حبيتو و خرجت معاه لمدة 4 سنوات و بعدها تقدملي بعد ما خطبني قالي حبسي قرايتك من الجامعة و لا نبطل عليك رحت هدرت مع دارنا و عاديت بابا لعزيز على جالو و بطلت بعد شهور درت ستاج تاع الحفافة يعني ابرونتي عند وحدة قالي حبسي الستاج و لا نبطل عليك طاوعتو و بطلت الستاج تاعي بعد عناء كبير مع مامالكن قبل ما نبطل قلتلو لازم ندير ستاج المهم ما نقعدش ف الدار قالي ايه ما عليش المهم تحبسي صحة درت عليه و كي حبست قلتلو على الستاج الجديد قالي لالا و هاد المرة لوكان تدخلي ما نعطيك وقت ما والو بخلاف تحطي رجلك انسايني زدت حكيت لماما قالتلي يموت و ما تحبسيش هاد المرة عاودت حكيت معاه و حلللتو زادت تخلطت الدعوة ماراهش كامل يعيطلي و لا يحوس عليا صافي راني غير نستنا في النهار اللي يجو دارهم و يقولولي خلااااااااااااااااص واش قلتو في حكايتي هي صح غريبة و غير انا لي نضحي في هاد العلاقة و هو اناني ما يخمم غير في روحو ربي يخليكم اللي عندو حل يقولي عليه مع انو علابالي بلي ماكاينش حل غير اني نبطل من جديد بصح حلفت هاد المرة ما نسمح في والو على جالو

السلام عليكم اختي الكريمة
هذا الشاب مدام تقدملك رسمي خطبك من عند
اهلك باين عليه وليد فاميليا .اما بالنسبة الى خروجك من الدراسة وهذا الرغبة نتاعو ونتي
وافقتي خلاص باين عليه يحوس على المرأة
لتكون زوج المستقبل تكون قاعدة في الدار
هذا في نظري يعزك ويغير عليك وكون جيت منك نقبل واش يقلي هذا رأي انا سيدة متزوجة
قبل زواجي كنت اعمل و طلب مني توقف عن العمل وافقت . وانت اذا هو قادر على المسؤلية
نتاعك وش ديري بالخدمة وتمرميد كل يوم
صدقيني لمرأة لحبها ربي تقعد في دارها تخدم راجلهاو دارها . هذا رأي الشخصي


__________________________________________________ __________

>>>> الرد الثالث :

يا رب اعطينا لعقل
نتي واش بيك
ومازلت ماكيش فهمة واش اديري
شوفي و عفوا على اسلوبي في الهدرة اني كي ياكولني قلب
هاك نهدر
الاخت samah2 عندها وجهة نظر مقبولة
بصح بشرط كي يكون هاد الانسان متفهم
و يحكي معاك باسلوب حضاري و يقلك يا بنت الناس انا
راني نحب لمراة تاعي هاك و هاك و هاك واش تقولي في هاد الراي
و كلمة منك وكلمة منو يقنعك و لا تقنعيه
ماشي بتهديد و يفرض عليك رايو كانك نتي متساليش في روحك و مستقبلك
اي ماجاتش في طريقة لبسة ولا ماكياج مايحبكش اديريهم
لوكان غير خلاك تكملي و قالك منحبكش تخدمي هادي
يتقبلها العقل شوية
على الاقل تكوني حكمتي شهادة في يدك سلاح في هاد الدنيا اللي واحد ماهو ضامنها
ماشفكش باباك واش صرف على قرايتك
ولا يماك لي كانت تفرح بنجاحك كل عام
و في الاخير حرمتيها و حرمتي نفسك من فرحة الشهادة
من اجل رجل مستبد حاب يسيطر على اختياراتك بالتهديد
نتي باينة انك تحبيه بزاف و هدا هو اللي خلاك ترضخيلو
الراجل لفحل اللي واثق من نفسو و من امكانياتو
راهو يجيك بسياسة و الملاحة
المسالة اي ماشي في قراية ما حبكش تكمليها
المشكل في عقليتو المسيطرة و المستبدة
هادا راكي تعيشي حياتك كامل معاه و هو يحرمك من الشي اللي
تحبي اديريه و خصوصا الشي اللي يطلع من مستواك و يخلي عندك مستقبل مستقل عنو
ادا كان ممكن تتداركي نفسك و تكملي قرايتك راهو خير ليك من هاد الزوج
و صدقيني يجي نهار تتفكري هاد الهدرة من عند اختك نبيلة من باتنة
حبك ليه درك راهو عاميك و خوفك من بعدو هو اللي يخلليك تتنازلي
بصح ماكانش حب مايتنساش
قصدي الحب يبقالك دكرى بصح لوعة الحب اللي راكي تحسيها درك تتنسى
و خصوصا ادا لقيتي الحب المتفهم الحنون و الراجل اللي يتنازل ايضا من اجل الحفاظ عليك
راح يرجع بيك الشريط الى الوراء
و تقولي انا واش درت
راح تعرفي باللي راي الوالدين دائما ياخد الى البر مهما كان يتعارض مع اختياراتنا
و حتى و ان كان الوالدان مخطئان فان مرضاتهما طاعة لله
سامحيني ادا استعملت مفردات قاسية
لكن موضوعك استفزني كثيرا
و ان شاء الله يجيب اللي فيه الخير
و نصيحة من اختك المجربة
والديك اولا و اخيرا
تبعي راي والديك راهم مش راح يرضاولك غير الخير

__________________________________________________ __________

>>>> الرد الرابع :

اش نقلك يا ختي

هدا باين شخصيتو تقول بللي يحب السيطرة والتحكم


وفي المستقبل رايحة تواجهي عدة مواقف من هدا النوع

واحسن حل انك تصبري وتواجهي هدو المشاكل بالحكمة حتى تقدري تسيطري عليه وتبدليلو طبيعتو ادا كنتي من النساء القادرات

اما عن اسلوبو هدا نتاع كلمة زوج او نبطل عليك غير فهميه بللي ماراكيش فضالة على دار باباك حتى يهددك كل دقيقة


ربي يهديه ويكملك نشالله ادا فيه الخير

الدعاء اختي

__________________________________________________ __________

>>>> الرد الخامس :

السلام عليكم ٬ من خلال قرائتي لقصتك أختي فهمت أنه لا يوجد نوع من الحوار بينكما وكأن الأمر عباره عن أوامر تطبقينها و السلام ... لا يا أختي هناك حوار و فهمني نفهمك ٬ إسمعلي و نسمعلك لأن ما أنت مقدمه عليه أمر مصيري لذا طريقة التهديد هذه تبدو لي كأنه يحاول فسخ خطوبتكما عن طريق الضغط عليكي لتملي و تفترقا .
أما قضية تخليكي عن الدراسه فهي ليست بالفكره الجيده سأخبرك بقصة صديقة لي ، تعرفت خطيبها و نحن في العام الثاني في الجامعه فرض عليها التوقف في منتصف العام فتدهورت امور دراستها ثم توقفت عنها كليا بعد ذلك لم يتحدث زواجهما إلا بعد عام أي منذ أيام قليله مضت و أنا الآن متخرجه بدرجة ليسونس وهي لا ... ما أعنيه إن كانت الفتاة مجبره أو موافقه عن توقفها عن الدراسه لا تفعل ذلك إلا حين يصير زوجها المستقبلي جاهزا للزواج و ليس قبل ذلك ...حتى تربح على الأقل درجة ما
في الأخير أنا لا ألومك بل أتمنى لكي الخير ، حاولي معرفة أسبابه و تناقشا لأن الصمت ليس في مصلحتك و خاصة في مصيرك، عل الحوار يجعلكما تتفقان