المــــرا خيــر من الراجــــل في كلش

[mira]

عنوان الموضوع : المــــرا خيــر من الراجــــل في كلش
مقدم من طرف منتديات العندليب

بسم الله الرحمان الرحيم
السلام عليكم ورحمة الله وبركاته

أنا رح نطرح هذا الموضوع علبالي رح نلقا بزاف النقد و نقد كبير
مي واحد مراح يغطي الشمس بالغربال
الغاشي ازعما تنتاقد المرا و يقلك النساء حكمو البلايص كامل
بصح نقلكم المرا تستاهل و هي فور على الراجل
أنا راني نحكي عن تجربة شخصية و حوايج شفتها في حياتي ميش من الفراغ

نبداو من الأب و الأم
كاين أسر قدر ربي يفترق الزوج والزوجة
الراجل يتزوج ويدا حياة جديدة
بصح المرا تقلك ما نطيش ولادي تبيع الذهب ديالها تخدم عند الناس دير المستحيل باش تكبر ولادها وتقريهم و الأب و الله ما علبالو بيهم

نروحو للسبيطار الله لا يوصلنا ليه
واحد الخطرة جدي مسكين مريض نيفو مجروح الراجل يقلك الحوايج راهم يطيبو مكانش الدوا مكانش الفاسما ...... ما شفو شايب كبير مسكين يتمسخر بيه
تجي الفرملية مرا تجيب المقص تجيب الدوا تجيب الفاسما داويه وحلاوة اللسان تقولو متخافش بويا رح نداويك الله يكثر خيرها

رحت مع بابا لقسنطينة عند واحد الشريكة خدم فيها عام باش يزيدوهالو فلا روترات
بيرو كاين راجل وكاين مرا الراجل قالو راني كتبتك زيد شهر و ولي ممبعد هدر بابا مع الطفلة لي لتما قالها بنتي حالي بعيد وديري فيا مزية خدمتها وداتها عند المدير مضاها وجابتهالنا الله يكثر خيرها

الليسي رحت البارح عند المراقب قتلو شهادة مدرسية قالي غدوا ارواح
رحت عندو اليوم قالي المدير مكانش يا ربي يكفاش ندير أنا غدوا رح نروح للولاية عندي خدمة
رحت عند المراقبة هدرت معاها راحت دقيقة جابتلي زوج وجات يكثر خيرها


هنا برك فالانترنت تحط موضوع تلقا الجنس اللطيف يرد عليك ويشجعك
الذكر يدخل خير يهبطلك المورال ولا يقولك هدرة خاطية يردك هاك الا من رحم ربي

يقولك المرا ما تصلحلها المسؤولية عاطفية
المسؤولية للراجل خير

مالا نقلكم المرا تخدم بالعاطفية والقلب الحنين
مي الراجل يخدم بالتايهوديت و القلب لكحل

هذي هي الوقت عيشة خير من عياش
درك كاين لي رح يقول هذا حلاب باسكو في وقتنا لي يهدر الصح يولي حلاب وووو أنا قلت لي في بالي لي معجبو الحال يقنعني هذا مكان

وش رايكم في كلامي صح ولا لا ؟؟
ولي يقول لا يقولنا علاه ميش تنقد هكذاك برك
الموضوع منقول اتمنى ان القى تفاعلا منكم
دمتم بحفظ المولى


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صح سي نورمال ميساكريفيش على الولاد الراجل مناه متعبش فيهم
وزيد هههههههه ترقبي بعد قليل الحملات الرجالية عليك من ردود مختلفة

__________________________________________________ __________

>>>> الرد الثاني :

والله نحير كي نلقا في 2013 ناس مازالو يحكو على موضوع المرا خير من الراجل و الراجل خير من المرا
يا ناس الراجل و المرا مكملين لبعضهم البعض وواحدبلا الاخر راه ناقص
المرا الله غالب لقات تسهيلات راها دخلت في اماكن خاطيها نعم لكن يجي النهار اللي كل واحد يحكم بلاصته
من نهار خرجت المرا للخدمة سلام على بلادي و رانا نشوفو في النتائج

__________________________________________________ __________

>>>> الرد الثالث :

السلام عليكم و الرحمة

أقر و أعترف بمعظم ما كتبتي ، أقول معظم و ليس كل ، إتفقنا ؟

ردي هنا مقتبس شطره الأول من سيدي الفاضل أحمد ديدات رحمة الله عليه

حين كان ينتقد الغرب وجهاً لوجه حيث قال

صحيح ، أن التنظيم عندكم خُرافي

صحيح ، أن الحقوق عندكم تُعطى و لآ تؤخذ

صحيح ، أنكم للعمل تُتقنون

صحيح ، أنكم بلغتم من العلم مبلغاً من الصعب أن يبلغه أحد غيركم

وصحيح ، صحيح ... و لكن فعلتم شيء هدم كل هذا و المسيح عليه السلام سيعود يوماً ما

ليتبرأ منكم ، و تقولون له لقد فعلنا كل هذا بإسمك

فيتبرأ منكم و يقول ، إذهبوا و اخسؤوا و لآ تكلمون

كل هذا زال و اندثر لأنهم إتخذوا المسيح إلها من دون الله الحق

تقريباً الصورة تنطبق عليكم (أقول تقريباً) فكل الإيجابيات التي ذكرتها

للجنس اللطيف ، هناك سلبية واحدة و لا يمكنك إنكارها و هي التي جعلت كل ما

ذكرته مهدم : التبرج الفآضح + العلاقات مع (الذين تقدحين فيهم) و أصل

العلاقات خيآنة للعائلة التي ربت )

أرجوا أن تقبلي مروري كما قبلت موضوعك

و لي عودة إن تطلب الأمر ذلك


شكراً

__________________________________________________ __________

>>>> الرد الرابع :

المشاركة الأصلية كتبت بواسطة ما فهمت والو والله نحير كي نلقا في 2013 ناس مازالو يحكو على موضوع المرا خير من الراجل و الراجل خير من المرا يا ناس الراجل و المرا مكملين لبعضهم البعض وواحدبلا الاخر راه ناقص المرا الله غالب لقات تسهيلات راها دخلت في اماكن خاطيها نعم لكن يجي النهار اللي كل واحد يحكم بلاصته من نهار خرجت المرا للخدمة سلام على بلادي و رانا نشوفو في النتائج

أوافقك في رأيك أخي بدون رجل لامعنى للمرأة وبدون المرأة لامعنى للرجل ولكن معظم (حاشا البعض) رجال هذا الوقت تخلّوا عن مسؤوليّاتهم واتّكلوا على المرأة
وبالنّسبة لعمل المرأة ربّما يكون سببا رئيسا لهذه المعضلة
لكنّي أتحدث عن واقعٍ أراه كلّ يوم في عائلتي وأقاربي وحتّى رفيقاتي وربّما لاحظتموه مثلي تماما


__________________________________________________ __________

>>>> الرد الخامس :

المشاركة الأصلية كتبت بواسطة عآصم السلام عليكم و الرحمة أقر و أعترف بمعظم ما كتبتي ، أقول معظم و ليس كل ، إتفقنا ؟ ردي هنا مقتبس شطره الأول من سيدي الفاضل أحمد ديدات رحمة الله عليه حين كان ينتقد الغرب وجهاً لوجه حيث قال صحيح ، أن التنظيم عندكم خُرافي صحيح ، أن الحقوق عندكم تُعطى و لآ تؤخذ صحيح ، أنكم للعمل تُتقنون صحيح ، أنكم بلغتم من العلم مبلغاً من الصعب أن يبلغه أحد غيركم وصحيح ، صحيح ... و لكن فعلتم شيء هدم كل هذا و المسيح عليه السلام سيعود يوماً ما ليتبرأ منكم ، و تقولون له لقد فعلنا كل هذا بإسمك فيتبرأ منكم و يقول ، إذهبوا و اخسؤوا و لآ تكلمون كل هذا زال و اندثر لأنهم إتخذوا المسيح إلها من دون الله الحق تقريباً الصورة تنطبق عليكم (أقول تقريباً) فكل الإيجابيات التي ذكرتها للجنس اللطيف ، هناك سلبية واحدة و لا يمكنك إنكارها و هي التي جعلت كل ما ذكرته مهدم : التبرج الفآضح + العلاقات مع (الذين تقدحين فيهم) و أصل العلاقات خيآنة للعائلة التي ربت ) أرجوا أن تقبلي مروري كما قبلت موضوعك و لي عودة إن تطلب الأمر ذلك شكراً

والله لم تسعفني الكلمات برد لائق
فما قلتُه كفيلٌ بأن يُخرِسَني لأنّك كفيت ووفيت
التبرّج أمر لا ينكره أحد فزماننا هو زمان أسنمة البخت المائلة وانتشر هذا الأمر بصورة عجيبة ياسبحآان الله
لكن كما قيل :"ماتت الغيرة عند الرجال فانتحر الحياء عند النساء"
أظن أن الزوج أو الأب أو حتّى الأخ لو راقب أهله جيدا وشدّد عليهم باللباس الشرعي لما كان هناك تبرج لهذا جُعِلت القوامة بيد الرجل والله أعلم
على كلّ أشكرك على الكلمات الراقية