عنوان الموضوع : استفسارعن علاقتي مع الجنس الاخر مشكلتي
مقدم من طرف منتديات العندليب

سلام عليكم وصحا عيدكم لحباب

انا حبيت نحط استفساري في هذا المنتدى بالخصوص خطراكش فيه غير الدزيريين ومكانش لي يفهمني كيما ولاد بلادي

المهم انا حبيت نقلكم في هذا الوقت مكانش لي ميحبش لو كان عاقل(ة) ولا متفتح(ة) الله غالب هذه سنة من سنن الحياة

وكثير هم شبان يبادرون بالتعرف على فتاة لجعلها توام روحه او العكس وانا صراحة منحبش نكون انا المبادر بصح المشكل من صغري طفلة ما بادرة الي ولا كيما يقولو (تبعثلي) على الرغم انو كثير من اصحابي كون نقلكم والله ميستاهلو لا زين لا اطاي لا عقلية وتلقاه على الاقل باعثيلنو 10 منا وفات وانا بلا زوخ بوقوص والناس كامل يشهدولي عقليتي مليحة والقراية مليح واللبسة متهلي في روحي ولافامي نتاعي معروفة وسمعتها ممتازة يعني صفة وحدة من هاذو الصفات تكفي الطفلة وعلاقتي مع الناس مليحة ماني اجتماعي بزاف ماني منطوي وكذلك مع البنات نحكي عادي جدا مانيش معقد وكي قلت لصاحبي الحكاية قالي بالاك البنات يشوفوك متكبر وشنايفي ميقربوكش بصح انا مانيش ملاحظها في روحي والله اعلم

ملاحظة: انا مانيش مستعد باه ندير علاقة فكيما نخاف على اختي نخاف على بنت الناس ولكن مجرد استفسار

وانتم اعطونا رايكم وخصوصا البنات هوما لي يعرفو عقلية البنت

وصحا عيدكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سبحان الله

ربي يسترك كما ستر يوسف عليه السلام وبقية أوليائه

وأنت تريد كسر ذلك الستر

اذهب عند أولئك وأسلهم بعد علاقاتهم وأطلب منهم أن يخبروك بالحقيقة

__________________________________________________ __________

>>>> الرد الثاني :

في الحقيقة والله ماني عارفة
كيفاش يجيهم الكوراج لبنات هاذو الله يهدي
احمد ربي لي راهم خاطيينك
طريق لبنات واعرة وتدي للهلاك


__________________________________________________ __________

>>>> الرد الثالث :

الحمد لله أنك تخاف على البنات مثل ما تخاف على أختك يا اخي و هذا خلق الفتيات اللواتي يرسلن لأصدقاءك ماهن سوى فتيات للأسف هابطات في المستوى و الأخلاق و أكيد لن ترضى لنفسك زوجة مستقبلية من هذا النوع و ربما لأنك فتى طيب الأخلاق لم تقترب منك الفتيات .فأبقى ثابتا و لا تعدو عينك إلى ما ليس لك .فانت في الأخير ستختار فتاة واحدة لتكون شريكة حياتك .

وصح عيدك

__________________________________________________ __________

>>>> الرد الرابع :

ربي يهديك ويصلح بالك
الحمد لله أنك تخاف على البنات مثل ما تخاف على أختك

__________________________________________________ __________

>>>> الرد الخامس :

شوف يا سيدي يبعثولك
رب العالمين ساترك
وانت محوس تهتك هذا الستر
ربي يهديك يا بني هذا ما نقولك