عنوان الموضوع : زوجي طاح من عيني تم الحل
مقدم من طرف منتديات العندليب

. السلام عليكم ورحمة الله تعالى وبركاته : هذه مشكلة صديقتي ترويها لكم
انا امرأة متزوجة منذ سنوات بعيدة عن ولايتي ، أقطن مع بيت اهل زوجي في ملحق في الطابق الاخير . وتشترك في مدخل واحد ، مشكلتي هي انني احس ان زوجي لا يأبه لوالدي ولا يرحب بهما عند زيارتهما لي بالرغم من انهم نادرا ماياتوني ممكن مرة في الاشهر او سنة . مايقوللهمش حتى اقعدو تباتو لانو بعيد الحال حتى ننطق انا . وق لاحظت انه يتهرب من الجلوس والحديث معهما مع انهما يحبانه ولم يفعلا له الا الخير، ورغم انني ابذل جهودي لإرضاء والده حتى في مرات اتحسر لأنني لم أفعل هكذا من قبل من اجل ابي، حتى أباه واخواته لا يرحبون بهم فان جائو لزيارتي لا يخرج لهم احد الا ان التقو به صدفة ، حتى أبوهم لا يأتي حتى للتسليم عليهم وهم ضيوف عنده وان التقاهم فجأة يسلم عليهم بخفة ويذهب ( مع انه لا يعارض حضورهم الي ) مع انهم متعلمون فابوهم مدير جامعة واخواته وهو اساتذة في الجامعة ، اما والدايا فتعليمهما متوسط ......... يحسون واحس دائماً انهم غرباء ،
وفي اخر مرة زوجي كان في العمل واتصل بي ابي وقال انه سيمر علي لان زوجة اخي ( أمها تقطن في نفس مدينتي) قد ولدت وهي في حالة غير جيدة واحب عمل الواجب . فقلت لزوجي ، وعندما رجع للبيت تعبان وقالي راني حاب نرقد ، انا غاضني كيعاد خدمتو بعيدة قتلو ماعليش ريح شوي معاهم وروح ترقد ، قعد معاهم 5 د بدون اي محادثة وصوتو مذبال، ثم أهبط عند اخواتاتو وقعد ثم وطول ما جاش ووالديا قاعدين وحدهم . وسمعتوا يقهقه معاهم احشممممممت من بعد جا باباه راح عندو واقعد ونسمع في الضحك . انا قررت نهبط لانو طاح وجهي قدام والديا كيفاه قدامهم تعبان وماقدرش يحكي وعند دارهم زاهي؟!!!!!! ا كي شافني جيت اتحول وجهو من المبتسم الى التعبان وقالي راني دايخ !!!!!! قتلو ماعليش نتا دايخ دايخ على الاقل ماتخليش ضيوفك وحدهم . من بعد كيشغل زعف وسمطني وزاد شوي وجا ، تعشا برك وراح رقد حتى قالي بابا واش بيه زوجك قتلو راهو مريض ومايرقدش خلاص ،وفي الصباح كان عندو شغل راح اخرج بلا ما قالهم ريحو حتى نجي لانو ماقعدش معاهم خلااااص . قالهم نتلاقاو مرة اخرى وراح. .. اين هي خصال الجزائري الذي يرحب بضيوفه ويكرمهم ، لم اقل له ان يحبهم اريد فقط الاحترام . قولولي ماذا افعل ؟ صدقوني طاح من عيني وماقدرتش حتى نشوف فيه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
با أختي رب يصبرك ويكون معاك هذا فعلا ليس بتصرّف الجزائري الحر المضياف
فقط أقول لك في لحظة ود وصفاء مع زوجك حاولي تعرفي سبب تصرفه
وحاولي بالتي احسن تفهميه واجباته نحوهم ونحو غيرهم
معليش راني عارفة بلي وحده لازم يعرف لكن العبيها مش فاهمة وتكلمي معه وتأكّدي الوقت راح يفهم في كثير من الاشياء فقط عليك بالصبر



__________________________________________________ __________

>>>> الرد الثاني :

matosktiloche bahdlihe golilo kolich baynine mota3ajrifine !!!!!!!!!!!!

__________________________________________________ __________

>>>> الرد الثالث :

السلام عليكم

أختي في ولايتي لما شخص تتعاملين معه بهذه الطريقة معناه راكي تقوليلو بطريقة غير مباشرة ما تجينيش .....بمعنى لا تعاود الزيارة ...........

بالنسبة لي قدر والديكي هو من قدرك .....

فضعي النقاط على الأحرف مع هذا الزوج المثقف الله إيبارك

__________________________________________________ __________

>>>> الرد الرابع :

هذا امر نجده عندنا نحن النساء بكثرة و كذلك الرجال
يفرح الرجل باهله و لايابه باهل زوجته و كذلك الزوجة
انه امر عيب عيب
المفروض الاهل اهل الجميع

__________________________________________________ __________

>>>> الرد الخامس :

زوجك واهله باختصار لا توجد عندهم خصال الجزائري المضياف ...وباين بلي حاسبين ارواحهم حاجة كبيرة واكيد اهلك على قدهم ...نعم يوجد الكثير من الناس هكذا مع الواقف واحبو الماديات واصحاب النفوذ ..كون جاء باباك مثلا مسؤول او مولا دراهم يستقبلو زوجك واهله واهل اهله بالتابي روج ويصطفو بمينا ويؤدون التحية ....ناس ماديين وتافهين وشخصيا كم امقت هذا النوع من البشر....المهم انت بري بوالديك وقومي بيهم عندما ياتون اليك واجلسي معهم انت والاخرين محلا فراقهم ووفقك الله.