عنوان الموضوع : هل أجد من تقبل بي؟ مشكلة
مقدم من طرف منتديات العندليب

خاوتي انا شاب ديابيتيك و ندير ف الانسولين و دوكا في عمري 30 سنة و حبيت نتزوج كيما صحابي مي على حساب هدرة الناس قالولي مش رايحين يقبلو بيك لبنات و علابالكم انا حساس بزاف و رايح نتقلق بزاف لوكان يرفضوني بسبب مرضي.لانو المرض حاجت ربي مش انا الي مرضت روحي.المهم ناس قالولي لازم تشوف واحدة مريضة كيفك باه تكونو متكافئين
واش رايكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :




شوف وحدة قلبها رحيم وعلى يقين بلي من ابتلاك اليوم قادر ان يعافيك غدا ويبتليها

مادام الله قدر عليك شيء فاعلم ان فيه خير لك

اخلص النية لله واكيد سيمنحك زوجة صالحة

واللي كان هاذ المرض عائق بالنسبة ليها اكيد ما فيهاش خير لك

وكل مبتلى على قدر دينه

وفقك الله

__________________________________________________ __________

>>>> الرد الثاني :

ربي يشافيك يا رب .....

اول حاجة نقولهالك اقصد المدينة اللي تخاف ربي .... اكيد تلقى نصيبك و ربي يهنيك يا رب

__________________________________________________ __________

>>>> الرد الثالث :

كاين اللي تقبل بيك
ربي يلاقيك ببنت الحلال

__________________________________________________ __________

>>>> الرد الرابع :

السلام عليكم
الله يشفيك يا اخي من مرضك
و لكن لا اظن ان هذا سبب يمنع من الزواج بالعكس ربي سبحانو احل علينا الزواج لاسباب عديدة و منه هذا اسبب فالمراة تكمل الرجل و الرجل يكمل المراة معناه انت حق عليك تصيب بنت الحلال لكي تساندك و تنتهلا فيك و هي اللي توقف معاك لان الزواج مسؤولية و هي واجب عليها و بمجرد تواجدها معاك راح ترتاح نفسيتك و ممكن يخف المرض شوية يا اخي كاين بنات الفاميليا بزاف اللي يعرف معنى كلمة الزواج و معندهم حاجة في الظروف الصحية للرجل لان هذه هي سنة الحياة انت عليك تنوي و تتقدم تخبرهم طبعا بالمشكل الصحية ديالك و كل شيء فيه خير ربي يبارك فيه و متخليش هدرت الناس تاثر عليك انت خوذ بالاسباب و كل شىء بالمكتوب و انشاء الله فيها خير و ربي يبارك على البكري يا الله راني فولتلك هه
في امان الله

__________________________________________________ __________

>>>> الرد الخامس :

يا اخي لا اظن ان هذا سبب ترفضك الفتاة من اجله
عليك فقط مصارحتها من البداية
ربي يسهلك ان شاء الله