عنوان الموضوع : زوجي و التدخين .... مشكلة
مقدم من طرف منتديات العندليب

السلام عليكم
أنا امرأة متزوجة وعندي بنتين ربي يحفظهم
لما كنت مخطوبة قالي خطيبي ( و هو ابن خالتي ) نوعدك لما نتزوجو نحبس التدخين ولما تزوجنا مرضت يماه و توفات و تعب زوجي نفسيا و كان من قبل يقولي كي تبرا يما نحبسه فلما ماتت ما قدرتش نحكي معاه في الموضوع ........
ولما حملت البنت الثانية ربي يحفظها كنت مريضة بضغط الدم و هاد الشي أثر عليها و زادت مختلة ذهنيا وقالي زوجي كي تبرا نحبس التدخين ..... عامين وحنا نجريو عليها و مبعد قطعونا الأطباء لياس و ........
في هاذي شهرين الأخيرة توفى أخو زوجي مع زوجتو في حادث سيارة و خلاو 3 وليدات و بنية كلهم صغار فانصدم زوجي و هو الان يدخن أكثر من الأول بكثير و راني خايفة على صحتو بززززززاف و زيد مشاكل راها فوق راسو كبيرة بزاف و ما باليد حيلة ......
و ياما وريتله أشرطة وثائقية عن مضار التدخين و لكن لا حياة لمن تنادي........
و للعلم زوجي يحبني بزززززاف و أنا بالمثل و هو دايما يدخن في الشرفة أو في الخارج و جامي يدخن قدامنا .......
قلت لزوجي ما تزيدناش على همنا ما راناش باغيين نخسروك .......
و ياما جربت خلطات و عقاقير تنفره من التدخين و لكن ولا نتيجة ......... أريد شيئا فعالا خاصة المجربين ربي يستر عليكم و يحفظكم ......... ....


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الارادة و فقط

__________________________________________________ __________

>>>> الرد الثاني :

ادعيله اختي ورمضان مناسبة ادعي وادعي خاصة في جوف الليل وان شاء الله ربي يكرهووووووووووووووله ويخليهلكم ياااااااااااااارب المهم ماتضغطيش عليه جيبيهاله بالعقل وادعي

__________________________________________________ __________

>>>> الرد الثالث :

روحي للفرماسيان كاين سجائر صحية ،،،،،،،،جربيها راهي تفبدوا مليحة

__________________________________________________ __________

>>>> الرد الرابع :

أختي

الله أعلم

نعرف كاين علك يمضغ من اجل نخفيف التدخين و مع الوقت التوقف

و تاني كاني لاصقات تلصقيهم من اليد

الله أعلم اذا متوفر في الجزائر

و الا كاين البديل -> سقسي عند الصيدلية

و اذا لم تجدي

كاين مواقع وين تقدري تشري من الانترنت و مش غاليين

و ابضا علاج علم النفس

و هي يسمع شريط في قبل ما يرقد و في لما يكون راقد

و وحده يحبس مع الوقت

حوسي عليه في الانترنت

ربي يوفق أختي

مرة الجاية اذا قولتيلو حبس الدخان و قالك حتى ....

قوليلوا من اليوم مش حتى ...

بالتوفيق

__________________________________________________ __________

>>>> الرد الخامس :

الحل قولي له كل ما تدخن سجارة صل ركعتين وتكيف كيما تحب
راح يجي يوم شيطان يوسوس له ان يترك التدخين
هذا البرنامج بعد رمضان فرصة للتغير