عنوان الموضوع : هل النساء خادمات للرجال؟ تم الاجابة
مقدم من طرف منتديات العندليب

المشكلة فظيعة حقا و هي تنغص حياتي كثيرا

تخيلو معاي .........خواتي الذكور معتاقدين إعتقاد أن البنات في الدار موجودات لخدمتهن فقط ، ماشي مقيمينا أبدا الهدرة اللي نقولوها ولا الرأي اللي نقولوه دائما مهمش و غير نبداو نهدرو يقولونا أسكتو خاصة أخي الكبير
وهذه الحالة زادت دعمتها أمي ..... دايمن جاية معاهم حتى لو كانو ظالمينا ....تخيلو لوكان نشاحنوهم في حاجة ولا نحاولو ندافعو على أنفسنا ينهرونا و إذا أصرينا على رأينا و حاولنا نبينو بلي تاني حنا عندنا الحق في الكلام يحتمل دائما أن واحد فيهم يجي يضرب
و أمي قاعدة تشوف ما تحرك والو وكي نقولولها شفتي وش دار إبنك تقولنا أنتي علاه تشاحنيه
يا عباد الله أنا و أختي رانا ايتين 23 سنة وخدامات و الحمد لله نعاونو الأب في المصروف و متربيات من الدار للخدمة ومن الخدمة للدار
وبالرغم من هاك يشوفو فينا لازملنا نكونو كيما الخدم في الدار نهار كامل لازم يشوفونا في شغل الدار و إذا شافونا نتفرجو يقولونا هاك قاعدات للتفراج برك ياخي بنات ياخي؟؟
فهل صحيح أن النساء موجودات لخدمة الرجال فقط

راني قريب نتعقد وليت خايفا لا يكونو قاع الرجال هاك

فهل هذا صحيح
وما هو الحل؟؟؟؟؟؟؟؟؟؟؟؟؟؟؟؟؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مش كامل الرجال كامل هكذا يا اختي...
..

الله اعلم هذي ترجع للتربية في العائلة والمجتمع بصفة عامة..

..

حاولي تغيري معاملتك معاهم يا اختي ورايحة تكسبيهم ان شاء الله..

..

__________________________________________________ __________

>>>> الرد الثاني :

اصبري بركْ نيجيوْ نْساهم
و تشوفي كيفاه يْـوليوْ يْبـعبْعُُُو !!


__________________________________________________ __________

>>>> الرد الثالث :

الحالة واحدة مي متعمريش راسك بيهم هداك النقص ديالهم يفرغوه في الهدرة والتقرعيج

__________________________________________________ __________

>>>> الرد الرابع :

ر يا اختى مش كامل الرجال هكا
والمراة شقيقة الرجل لم تخلق لخدمته بالمفهوم اللى فهمتيه بصح كاين تكامل بين الاثنين
يعنى البيت من مهمات المراة ومش الرجل والرجل يخدم عليها برا ههه هو تان خدام
انا خاوتى الحمد لله مش هاك وجامى حاسبونى وبابا تانى عمرو ولا حاسبنى الحمد لله
يعنى الحمد لله مش كامل الرجال يفكرو بنفس الطريقة
بصح اعمال البيت من مهمات المراة يعنى عادى اخدمى ولما تكملى صلى او اعملى شئ مفيد وتجنبى الخوض فى النقاشات وكونك مليحة مع خاوتك وذكية فى التعامل معهم ومع الوقت راح يتبدلو
وبالتوفيق

__________________________________________________ __________

>>>> الرد الخامس :

المشاركة الأصلية كتبت بواسطة بنت الحجاج
اصبري بركْ نيجيوْ نْساهم
و تشوفي كيفاه يْـوليوْ يْبـعبْعُُُو !!

100%