عنوان الموضوع : ماذا افعل مع خطيبي مشكلة
مقدم من طرف منتديات العندليب

السلام عليكم
قصتي هي كتالي
مشاكلي مع خطيبي اصبح يطلب مني اشياء احس و كئنها ليست في مكانيها
بعد مرور 3من خطبة تاعنا بدا يشتكيلي بزاف انو معندوش دراهم و مصروف قوى عليه .....
و انا ملي قلت هدا خطيبي و كامل قتلو راني هنا نعاونك بدما لحق الشهر تاعك انا نمدلك متعمرش راس مديتلو و شدهم عليا قبل ماتلحق الخلصة تاعو تاني مديتلو و بلا منحاسبو و قتلو هدو ماشي سلف متردهملي ماولو
و بدا يتكرر الوضع اكثر 5 مرات يعني 5 اشهر و هو يخلص كيما ليوم ميلحقش اسبوع يبدا يشتكيلي انا كرهت و قتلو شوف كيفاه دير وعاون روحك ب خدمة و حداخرة ولا وازن روحك و عرف كيفاه تمشي
بدا يزعف مني ز قالي تبدلتي مكنتيش هكا و انت مخصكش للعلم دايما يجبدلي دراهم بابا وقلي تموتو و تخلوهم انتوما عايشين و مترفهين وو....
تالية كامل العيد
كيف كيف ملي بداو الناس يشرو سقسيتو قتلو انتوما تعيدو قالي ايه
بصح عام هدا معنديش لازم تعونيني نشريلهم واحد اسكت انا مهدرتش مين خلص راح اصرف المصروف تاع الدار و شرى الكبش و من بعد عيطلي قالي اصرفت و شريت و بدا يشتكي و يبكي و قالي تنحشاتلي و دروك قعدت بلا مصروف كيندر انا و علا جالك انت قلتيلي نعونك و من بعد خلفتي هدرتك معايا حطلي سعدي فيدي و كوبا ومن بعد وحدو عاودلي و قلي اعذرني معنديش .......
انا والله لا كرهت راني حساتو راه طامع فيا و ما تقلوليش انت لي حليتلو عينيه انا غادني نهار اول و شفني علا هداك مديتلو انا حسبت خطرة و خلاص
للعلم هو يسلك 5 ملاين فالاشهر
بصح هدي متكفيش انسان عايش مع اب تاعو و الام فقط والله لا ركبلي بزاف شوبهات منيش حابة نطلمو بهدرتي و لا نجرحو ا كيفاه نهدر معاه انا كون نوصلها لدارنا في دقيقة اول يقولولي خلاص مكانمش لي يقبل هدي الحالا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

rajlek men le genre li yetkel 3la lemra

w hada genre lazem tkhafi meno nti dok f dar babak w raho yechkilek w yezaaf ki matmediloch

mala ki tkoni m3ah wech ydir fik

zidi khami m3a rohek hada lakan kemal heka mayferahch

__________________________________________________ __________

>>>> الرد الثاني :

و عليكم السلام و رحمة الله و بركاته

أعانك الله أختي ..أفضل أن تستخيري الله أحسن ..حتي يظهر لك الحق

تقبلي مروري


__________________________________________________ __________

>>>> الرد الثالث :

لا اله الا الله محمد رسول الله
اعرف اخ نسيبه (يعني اب زوجته) غني يعرض عليه خدماته و نقوده لكنه لا يقبل بتاتا دائما يتكل على نفسه و لا يتنظر الإعانة
كان عنده عمل و عندما لم يدخل له المدخول الذي يريده بدل التجارة ولم يشتكي لأحد

هل خطبك لتساعديه على المصروف؟
خطيب يطلب مصروف الشخصي من خطيبته؟؟؟؟؟؟؟؟؟؟؟؟؟؟؟ لو كنت فقيرة كيف يفعل؟ و في تحضيرات العرس كيف يفعل؟ و بعد العرس كيف يفعل؟

صلي استخارة و لا تقولي لأهلك

الرجال قوامون على النساء

__________________________________________________ __________

>>>> الرد الرابع :

السَّلامُ عَلَيْكُم وَ رَحْمَةُ اللهِ وَ بَرَكَاتـُهُ
اللهُ المُسْتَعَانُ ولاَ حَوْلَ ولا قُوَّةَ إِلاَّ باللهِ
مَعَ كُلِّ احِتِرَامَاتِي لَكُمَا
إِلاّ أَنَّ أَمرَهُ يَدْعُو للاسْتِغْرَابِ..

أَخَافُ فَقَط أَنْ يُطَالِبَكِ بالنَّفَقَةِ بَعْدَ الزَّوَاجِ..!!

إِذَا كَانَتْ خَمْسَةُ مَلاييِن لاَ تَكْفِيهِ وَوالِدَيْهِ
فَكَيْفَ يَقُولُ رَبُّ الأُسْرَةِ ذَاتِ العِيَالِ الذِّي أُجْرَتُهُ
أَقَلُّ مِنْ مِلْيُونَيْنِ بِكَثِيرٍ..

نَسْأَلُ اللهَ لَنَا ولَهُ الهِدَايَةَ والتَّوفِيقَ
...



__________________________________________________ __________

>>>> الرد الخامس :

الصراحة تقال يجب ان تحذرى من هذا الشخص
فكل ما يقوله يبدو انه سيناريو محكم التمثيل لاخذ اموالك
يجب ان تخبرى اهلك بهذا الامر فلا اعتقد انه يوجد خير فى شخص يطمع فى مالك
فاليد العليا خير من اليد السفلى
وتاكدى ان ما يقوله لك و باللغة العامية تبلعيط باش يدى دراهمك
و الله الموفق و المستعان