عنوان الموضوع : مشكلتي محرجة تم الحل
مقدم من طرف منتديات العندليب

السلام عليكم و رحمة الله تعالى و بركاته
اولا شكرا جزيلا لكل من يقوم بالرد حتى ولو بالقليل
نشكر المنتدى لي اتاح هذه الفرصة لي تخلي الانسان يتخلص من الحيرة لي عندو
حقيقة ترددت كثيرا قبل ان اكتب الموضع لانو حساس و ماقدرتش نهدرو مع حتى واحد
انا متزوجة منذ شهرين و زوجي عايش معايا تقول عندو 20 سنة متزوجين يعاملني و كاننا عندنا زمان وحنا
متزوجين يعني الروتين حكمنا من النهار الاول لا كلمة حب و لا ارى نظرة الشوق و اللهفة في عينيه بالرغم اني اتجمل له يوميا و كل يوم يجي يلقاني عروسة جديدة باه ديما حلوة في عينو و ما يشوفش منا منا المهم و لكن لعدم اهتمامه بديت تضعف فيا هذيك الرغبة للتجمل و نقول نقلق روحي برك هدرتلو مرة عدل روحو في هذاك النهار و من تم رجع كما كان و الان ما عرفتش كيفاه نوصلو اي حاجة غايضتني منو كان قبل الزواج كلمة تع نحبك لازم يسمعها كل يوم لكن الان كي نقولو مكاين حتى تجاوب
بالمختصر المفيد هناك فتور فالعلاقة الزوجية من كل النواحي بالرغم انو شهرين برك من لي زوجنا و زوجنا عن حب
يعني ماحتموني عليه و لا حتموه عليا هذا الامر بدا يقلقني و مالقيتش كيفاه نتصرف
الامر الاخر العلاقة الخاصة دخلت في فتور منذ مدة و حقيقة لا احس بشي و كانني نقوم بواجبي وخلاص
كثرت الهدرة بصح والله مالقيت لمن نحكي ودبرو عليا كيفاه نوصلو سيرتو على الحكاية الولى تع التعامل و الثانية نقول الله غالب و مش حابة نحسسو بالضعف
نتمنى نلقى تفاعل و سامحوني راني انتقيت كلمات بلاك شوية حساسة

بارك الله فيكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي ادخلي غرفة المتزوجات وان شاء الله ستجدين حلا لمشكلتكي

__________________________________________________ __________

>>>> الرد الثاني :

ربي يصلح أحوالكم
و اكثري من الدعاء ان يسخر الله لك زوجكي و ان يربط قلبه بحبك
و حاولي انتي تجبديه ليك ما تفشليش لربما عندو ظروف لي خلاتو هكا ماش مهتم و حبستلو النفحة
فاعلمي ان للرجل كهف يلجا اليه لما يحس بلي راه مشبع عاطفيا
كانها فترة راحة له
و سيعود بإذن الله لكي و بذلك الشغف الاول
عليكي بالصبر راكي غير شهرين و يأستي سريعا
راجلك مولا بيتك انتي لي لازم تعرفي وقتاش تحتضنيه ووقتاش تخليلو المجال للراحة
ربي يصلح أحوالكم
و أتمني انو افدتك بمعلوماتي القليلة

__________________________________________________ __________

>>>> الرد الثالث :

بصراحة كرهتونا في الزواج

بالحكايات الكثيرة المشابهة لحالتك

أرجوا إغلاق الموضوع

__________________________________________________ __________

>>>> الرد الرابع :

سلام
اخت شوفي عليك لجوء الى الله وماتقلقي ماوالو يوجد رجال مثل هدي الحالة مايحبوش يطيحو بنفوسهم عندهم نفوسهم عزيزة عليهم لكن انت ماتضعفيش زيدي بينيله انك حبه الاول والاخير ودرك تجيبو دراري ويزيد يحبك اكثر ونتمنى لك السعادة

__________________________________________________ __________

>>>> الرد الخامس :

السلام عليكم

الله يصلح الحال