عنوان الموضوع : lمشكلتي في شاب هدم مستقبلي تم الحل
مقدم من طرف منتديات العندليب

انا نقرى في الجامعه سنة 3 صيدلة وهذا واحد خطبني ومقبلتش بيه
سلطه ربي عليا نخرج يتبعني نروح يلحقني وانا مسمطاته وهو عام طول ما حشم ما خلاني نتهنى المهم حتى حكمو خويا وتقابضوا ودخل هو وياه للسبيطار


عداو سمنتين حتى نلاقاه كي العكس كالعادة وتعاودت نفس القصة وحكموه الشرطة يومين وطلقوه


عدات سمانة نفس الحاجة حتى دخل هو وخويا للحبس وصرا الخلا العايلات كل واحد يقول الحق عندي


وكي خرج خويا حبسني من القراية وقالي خلاص اقعدي في الدار وانا خوك واذا خيرتي تكملي اعرفي انه المرة هاذي راه واحد فينا يحكمو عليه بالاعدام والاخر يصليو عليه جنازة واختاري


وانا للوقت هذا راني في الدار ما نخرج من باب ولا نطل من التاقة
حارقتني في قلبي حياتي كامله وانا نقرى ونتعب باش نقعد في الدار






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


شَرَفك أغلى من المنصِب ..... وشَرف العائلة أغلى من الإثنين معاً

إدا ـأَتتكِ فرصة لِـخِطبتِك وزاواجِك فالتفعلي أفضل والله .. صُوني نفسك وشرفك وعائلتك أفضل لكِ

__________________________________________________ __________

>>>> الرد الثاني :

bloqué السنة تاعك ختى يفرج عليك ربي هكدا ما تضيعيش القراية تاعك و العائلة ترتاح من المشاكل ختى يفرج ربي و ان شاء الله خير

__________________________________________________ __________

>>>> الرد الثالث :

اختاه سمعتك اولى من الدراسة
ان امكنك غيري المكان او الجامعة كما يمكنك الدعاء ان الله لا يخب احدا

__________________________________________________ __________

>>>> الرد الرابع :

ربي يفرج عليك اختي وصبري غير كون خلاك تكملي العام هدا وخلاص
المهم ماتقطعيش الياس بلوكي العام هذا والعام جاي ربي يفرج عليك ادعي وشغلي روحك بحوايج اهرين وان شاء الله ترجعي تقراي والا يجيك خاطب احسن من الاول
المهم صلي ودعي ربي يفرج عليك وماتعمريش راسك بهداك الخاطب

__________________________________________________ __________

>>>> الرد الخامس :

اذا كانت العاصفة قوية يجب ان نطاطا رؤوسنا حتى لاا تقتلعنا بلوكي العام واذا جاك خطيب اقبلي بيه بشرط تواصلي


دراستك