عنوان الموضوع : احبتي انصحوني و ادعو لي تم حل المشكلة
مقدم من طرف منتديات العندليب

السلام عليكم جميعا ...
صديقتكم تحتاجكم اليوم و اكثر من كل يوم مضى و لأني اعرفكم فثقتي بكم انكم لن تخذلوني ...
تجاوزت الثلاثين و انا بكل صراحة تقدملي كثير كان عندي شرط سـاهل و صعـيب حابة راجل عندو كلمة و مهما يكون صعيب بالصح عندو كلمة ماعليش رفضت و رفضت و تقدملي شخص ظنيتو ملاك و تخدعت فيه و تظلمت و اقسم بالله مريت بمأساة حتى لقراب ظنو اني ممكن نفقد عقلي و اللي ما يخافوش ربي ستسفاو فيا و قالو و قالو
لاموني لي محافظة على روحي و قبلت بواحد بطريقة شرعية قالو معقدة و زادو همي و نصحوني اتعرفي باه تنقذي روحك و تتزوجي بواحد تعرفيه من قبل ....
نصحوني نمنع روحي من العنوسة و نستغل الفرص و انتعرف و و و ..... قلت نديرها لقيت ربي سبحانه منعني و رجعلي عقلي و قلت حسبي الله و نعم الوكيل
تخطبت بعد المرار لي شفتو و رفضت لأني خفت و تعبت من اللي فات و كاين ثاني لي يسأل و يحب يتقدم و يروح بلا رجعة و دون اسباب و كقير و احترت و مليت
من اسبوع جات لعندي واحدة تخطب فيا لوليدها ابتسمت و نسيت الموضوع لأني فقدت الثقة في روحي و قلت راح يروح مثل اللي قبلو و حتى اذا راح عادي اصلا انا خايفة
لكن حبيبتي جاتني اليوم و قاتلي مازالهم حابين يتقدمو و راني نعرفهم و راه يخاف ربي و فيه مواصفات الحمد الله لكن متشدد يحب واحدة ثقيلة و تعرف قدرها و ما تخشنش راسها *** و أكيد لأني انا عكس ما نبان راني حابة اللي متشدد على قولها و لكن لي قالتها فرحتني و هي اللي نبحث عليها هدا هو شرطي
ادعولي ربي ادا فيه الخير تتم و يكون فعلا فحل و عاقل
ادعولي ربي ينصرني على اللي ظلمني و على عفس على جرحي
ادعو ربي يعوضني الدموع اللي حرقت قلبي ليل و نهار
ادعولي ربي ينصرني و يجعل زواجي من هذا بالذات آية لكل واحدة نصحتني نتعرف و ندير علاقات باه نمنع من العنوسة
ادعو ربي يرضى عليا و يكرمني من فضله
ادعو ربي يفرح لميمة لي عيات تنظر لعيني و تقولي ربي ينصرك على لي ظلمك بلا سـبة
ادعو ربي يفرح احبابي نتاع الصح لي عياو يشوفو دموعي و يقولولي ربي يصبرك راه ابتلاك كونك قوية
علابالي عندي 32 و هو قريب ليا بالعمر و ما خاصو والو .... لكن انا صح فقدت الثقة في روحي لكن عمري ما فقدت الثقة في ربي سبحانه
ادعو الكريم يرجعلي ثقتي بروحي و ينزع كل خوف داخلي ...
اشتقت الى الفرح فادعو الله معي عسى ان يكون بيننا دعاء مستجاب ...
هذه ليلة أؤمنكم فيها الدعاء فلا تنسوني ليس لأنه رجل و أنا امرأة تخاف العنوسة بل لأنها دعوة مظلوم كاد يفقد صوابه يوما ... و لأنهم قالو انحرفي و الا ... و الحمد لله لنا رب لا تخيب عنده الظنون

أحبك ربي فلا تحرمني من رضاك و كرمك يا رب ...

أعلم يقينا أنكم لن تخيبو املي فسلام الله عليكم جميعا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ان شاء الله يا رب تفرحي ...ويعوضك على كل ما فاتك ...اتمنى لك التوفيق ...اما التاخر في الزواج فالامور لا تقاس بالكمية بل بالكيفية التي ستكون خاتمة لمعاناتنا وبداية الافراح باذنه تعالى ...فقط ومن باب النصيحة ..لا تضعي في عقلك فكرة الانتقام من هؤلاء المزعجين ..بل اجعلي نيتك صافية لله ..لدخول مرحلة جديدة مملوءة بالمسؤولية والمصاعب في الحياة عموما لا تتوقف ...عليك بالصبر والقوة واخلاص النوايا ....بالتوفيـــــــــــــــــــــــــــــــــــــــ ـــــــــــــــــق ....وننتظر اخبارك السارة ...لا تنسيك الفرحة اخبارنا هههههه

__________________________________________________ __________

>>>> الرد الثاني :

نقولك أختي ربي يفرج عليك ويسرك أمرك وانشاء الله ربي يوفقك وي سهلك في امر الزواج وتأكدي مول النية ديما هو الرابح ولو تزيرت عليه الدنيا للأنو ربي يعرف واش في قلوبنا.ونصيحتي ليك أختي اياك والانتقام من الناس لجرحوك ادا تقدري سامحيهم وادا ما ... قولي : حسبيا الله ونعم الوكيل.

__________________________________________________ __________

>>>> الرد الثالث :

اللهم يا رحمن يا رحيم يا سميع يا عليم يا غفور يا كريم إني أسألك أن وتسعد قلب صاحبة الموضوع و جميع المسلمين وأن تفرج كربهم وتيسر أمرهم وأن تغفر ذنبهم وتطهر نفوسهم وان تبارك سائر ايامهم وتوفقهم لما تحبه وترضاه


__________________________________________________ __________

>>>> الرد الرابع :

الله يفرحك اختي ويعوضك على كل مافاتك وانشاء الله يكون هدا راجل لي راح ينسيك في كلشي صرالك و تتهناي بيه
مول نيه ديما يسلك على خير يا ختي وربي يبعد عليك الاحزااااااااااااااااان ويخلي يــأمك كلها فرح


__________________________________________________ __________

>>>> الرد الخامس :

ان شاء الله رب يفرحك ويعوضك على كل ما فاتك