عنوان الموضوع : انصحوني في ساع ... تم الاجابة
مقدم من طرف منتديات العندليب

سلام يا اعضاء اروع منتدى في العالم انا اليوم جيت طالبة منكم تعاونوني وتعطيوني رايكم

البروبلام انتاعي هو انا كان عندي صاحبي نحبو ويحبني كنا لاباس علينا واش هو كيما نقولو ...زير بنات...قبلي انا كان ما يكملش سمانة مع وحدة ويقلها خلالالاص حنا قعدنا مع بعض 6 شهور في الليسي نشوفو بعضانا مي ما نهدروش خلاص مع بعض على خاطر كان يخاف عليا من هدرة العباد كنا نهدرو غير بار تليفون المهم مرة في الفاكونس انتاع الربيع ماشفناش بعضانا 15 يوم في السمانة الاولى كان يتوحشني قدقد وممبعد بدا يتبدل انا شكيت بلي راو مع وحدة اخرى مي من كثرة الكونفيونس يلي مدايرتها فيه نقول لالا راني موسوسة برك ومع الايام بدا يكبر اشك انتاعي علاخاطر تبدل عليا كيما رجعنا نقراو سقسيت وشوي شوي عرفت بلي راو عندو صاحبتو وحدة صافي دار عليا دوزيام.................................................... ...............
انا ماقتلو والو غير اني بعثتلو ميساج قتلو فيه راو خلاص يلي بيناتنا ...وماقتلوش بلي راني عرفت بلي راو مع وحدة اخرى.......وهو راح يقول لصحابو _وانا نعرفهم_بلي راني انا يلي غدرت بيه وخليتو المهم رد كلش عليا انا
وولى يهدر مع هاذيك الطفلة قدامي ....هو راني علابالي بلي راو مايحبهاش وراو يخدع فيها برك باش نغير انا ونرجعلو على خاطر هو موالف الطفلة يلي يمشي معاها يحرقلها قلبها ويخليها تتعذب وتظل تلحق وراه وماعلاباليش انا تحاولو باش يوليلها ...........وهو كان يحساب فيا كيما هوما نجري موراه وكي شافني سيبون خليتو ونسيتو راح لهاذ الطفلة المسكينة يخدع فيها حاب يكسرلها قلبها
وانا هاذي هي المشكلة مانيش حابة يجرح هاذ الطفلة ويخليها مانيش حاباتها تتعذب على خاطر هو واحد مايستاهل والو مانيش حاباتها تصرالها كيما انا يقولها نحبك نحبك وممبعد يخليها ضركا انا هاذ الطفلة نعرفها وخفت لانروح نقلها بعدي عليه راو يخدع فيك تقول غير راي حابة تفرقنا ولا راي غارت ماعلابايش انا
واش تشوفو انتوما حطو روحكم بلاستي اسكو تروحو تقولولها بعدي عليه ولا تخليوها يخدعها حتى هي ويطيشها
والله انا مانيش حابتها تندم مبعد وتظل تتعذب وتكره روحها على خاطر هك كيفاه صرالي وصرا لبزاف قبلي معاه
راني نستنى في الاجابة




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
خيرا إن شاء الله
والله عجبتني بزاف حكاية يدير عليا الدوزيام
كنت انضن راه راجلك ورايح يتزوج عليك فإذا به علاقة لا علاقة لها بالروابط الشرعية والرسمية
بنيتي يبدو أنك مازلتي في مرحلة الدراسة ومازلتي في مرحلة المراهقة
ويبدو أنك لا تعلمين أن بالنسبة لعلاقة الفتاة بالفتى أو علاقة الشاب بالبنت أو علاقة المراة بالرجل لبد أن تكون وفق الأطر الرسمية والشرعية والتي تتمثل في الزواج
تتكلمين وكأن الأمر عادي وتنسين أن رأس مال الفتاة
شرفها وسمعتها
فإن ضاع شرفها وضاعت سمعتها ضاع كل شيء بالنسبة لها
الأمر ليس عادي كما يتصور البعض الذين يدخلون مثل هذه العلاقة بحكم أنه يجب أن تكون لكل فتاة علاقة حب وكما يقال: الي ما جربتش يسمى جويحة
في حين أن الجويحة والبوهيوف والحابسة والي ما تعرفش هي الي جربت لأنه وبكل بساطة قد عرضت سمعتها وشرفها للقيل والقال
فصاحبك الذي خدعك كما تقولين والذي هو يخدع في أخرى الآن سيقول لأصدقائه أن في سجل الجرد عندي 100 فتاة أو أكثر ويقول فلانة فعلت لها كذا وفلانة فعلت لي كذا ويتبهى ويزهو بإنجازاته العبقرية وينسى أو يتناسى أن الدنيا دول يوم له ويوم عليه وما يفعله في بنات الناس ستتدور الدوائر ويفعل في بنته أو أخته ... الخ
والغريب في الأمر أنك تعرفين أنه كان يعرف قبلك فتياة ورغم ذلك استمريتي في هاته العلاقة
ماذا كنت تتوقعين وأنتم في سن الدراسة؟ أن يأتي ويتزوج بك؟؟!!!!!!!!!!!!!!!!!!!!!!!!!
أم أن الأمر لا يتعدى أن يكون مجرد لهو ولعب ؟
بنيتي عليك أن تتوقفي عن مثل هاته الأمور وأن تلتفتي لدراستك ومستقبلك وأن تلتزمي بدينك الذي سيصون سمعتك وشرفك
ولا علاقة إلا تلك التي تكون في النور أمام الناس جميعا ولا رجل يستحق أن تفكري فيه وتشغلين بالك به إلا ذلك الرجل الذي يدخل من الباب وليس مثل صاحبك الذي قفز من أعلى الصور - هذا ليس رجل -
الرجل الذي يستحق هو ذلك الرجل الذي يقول لك متى آتي إلى منزلكم حتى أخطفك من بستانه وردة جميلة أزين بها بستان بيتي هذا هو الرجل الي يستحق كل شيئ منك
لذا عليك أن تحرصي على سمعتك وشرفك والذي يأتي من أجل علاقة أو حب فاليكن جوابك له جملة واحد فقط.
إذاتحوس علية أرواح البيت أمالية.
أما بالنسبة لتلك الفتاة إذا كنت تستطعين التكلم معها إنصحيها أن تبتعد عن مثل هاته العلاقة وقولي لها:
(أنه لا يصح إلا الصحيح والصحيح هو إذا كان هذا الشاب يريد الزواج بك فاليتقدم وإلا فالتبتعدي عنه حتى يأتيك نصيبك لأنه نحن معشر الفتياة رأس مالنا سمعتنا وشرفنا ووقوفك مع هذا الشاب قد يلوث سمعتك وقد يتمادى الى شرفك وحينها تصبحين في مشكلة كبيرة).
بنيتي اهتمي بدراستك والتزمي بدينك وانتظري فارس أحلامك يأخذك من عرش بيتكم الى عرش بيته
بالتوفيق إن شاء لله


__________________________________________________ __________

>>>> الرد الثاني :


انتي قلتيها لروحك صاحبي...............روحي اتلهاي بدراستك احسن لك

صاحبك هي دراستك



__________________________________________________ __________

>>>> الرد الثالث :

اختي الفاضلة ربي يهديك حافظي على شرفك وشف عائلتك خير لك
هذه الامور حرام ومنكر اقطعي هذه العلاقات فورا ودون سابق انذار او اعتذار واهتمي بدراستك ويوما سياتيك الزوج الصالح

اما اذا واصلت هكذا فسوف تصبحين في خانة النساء الخبيثات االاتي لا يتزوجهن الا الخبثاء


ربي يهديك

__________________________________________________ __________

>>>> الرد الرابع :

اختي ختيك من هدا لحكايات و الله ما ينفعوك الحب الحقيقي يجي بعد الزواج تلهاي بقرايتك و ريحي روحك مكتوبك هو لي يجيك انا ننصحك بي الصلاة عمر قلبك بحب الله هو لي نفعك ما الحب لي راكي تحكي عليح يجيب غير تكسار الراس
ربي يعتيك على قد نيتك

__________________________________________________ __________

>>>> الرد الخامس :

يا بنتي
هذه هي لقرايه الي راك تتعلمي فيها في المدرسة
تبارك الله

تلهاي بقرايتك و زيري روحك و ماعندو ما خصك في الناس
؟؟؟؟؟؟؟؟؟؟؟؟؟؟؟