عنوان الموضوع : عقدتي مشكلتي
مقدم من طرف منتديات العندليب

السلام عليكم و رحمة الله تعالى و بركاته

مشكلتي هي الباكالوريا خمس مرات و انا نفوت و كل عام ما ننجحش كنت تقني رياضي و درك شاركت ادبية و علابالي ما نديش خدمتي ما تفرحش نقرا و نتعب نروح نشوف الورقة تقول عمري ما قريت علابالي الخوف هو سبب فشلي في كل السنوات ولا ما كتوبوش ربي سبحانو
ضميري تعبني نقول لو تعبت روحي بزاف كنت نجحت و نقارن روحي مع صحاباتي اللي كنت نقرى عليهم اللي تخدم تخدم و اللي تقرا و كامل حاطين رواحهم حاجة عليا هاذا كامل كي ما عنديش الباك بالرغم من ثقافتي الواسعة و فصاحتي في اللغات الاجنبية نتكلم ثلاث لغات لكن تغيضني روحي بزاااااااااااااااااف نهر كامل و انا نحكي وحدي لوكان نحجت راني هكذا و هكذا تعبت نفسيا بالصح
هاذ المرة فوتو ممعايا جامعيات و شفت حكاياتهم و الله عفيتهم و كرهت كلمة جامعة لانها رجعت تدل على سوء الاخلاق هاذ الوقت قليل اللي تروح على جال القراية
انا الحمد لله متحجبة لباسي محترم متخلقة و كامل يشهدولي بهاذ الصفات خاوتي يكرهو نخرج يخلوني غير لضرورة فقط ما يحبوش الخدمة ولا التكوين خرجت و شفت المعاكسات اللي في البرا و فهمت علاش خاوتي يكرهوني نخرج خوفهم عليا هو السبب و كامل الناس يقولولي ضاعت حياتك علاش ما درتيش هكذا و هكذا خاصة اللي بناتهم يقراو و يحكيو معايا على اساس دارنا معقدين لوكان جات بيدي ندير ما نيش قادرة نعكس كلمتهم رضيت و خليتها لربي و منهم صحاباتي وحدة منهم اتخطبت و خبات عليا شكون خطبها كلش قالتهولي بالغالط خايفة لا نحسدها حقرتني كي شافتني في الدار و ما نقراش تعبوني بزاااااااااااااااااااااااااااف كرهت روحي نشوف في روحي وحدة فاشلة عمري 24 سنة و مش حاسة بالصغر عقدني الباك و الناس زادو عليا حتى اي واحد يخطب ما نقبلش خفت يعايرني بالنيفو
مش عارفة واش ندير انصحوني ربي يخليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

ديري في بالك حاجة مهمة أختي .........أن قدر الإنسان هو إختيار من عند الله عز وجل و الأهم من ذلك هو خير لنا .....و عسى أن تكرهوا شيئا و هو خير لكم .......................إنتبهي لهذا جيدا

و من خلال حديثك يظهر لي تناقض ، لأنك في البداية أظهرتي تقبلك و رضاك لعدم دراستك في الجامعة ....إضافة الى الخروج أصلا ....في نفس الوقت .....أنتي غير راضية على واقعك

أختي .....بالنسبة لي العلم هو سلاح دو حدين و العلة الحقيقية في حامله ....يعني كيف سوف يستعمله ..و.في أي مكان و سواء كان ذكر او انثى ............................

الإنسان يسعى الى الأفضل ........................

أتمنى انكي فهمتي قصدي عزيزتي

__________________________________________________ __________

>>>> الرد الثاني :

والله اختااه فلتعلمي ان الدرااسة ليست كل شيء

هنااك أنااس نجحوا في حبااتهم من غير درااسه

لا تجعلبهاا عقدة لك

واصلي حيااتك

تعلمي حرفة واشتغلي فيهاا وأثبتي قدرااااتك وثقي بنفسك

سلاااااااااام

__________________________________________________ __________

>>>> الرد الثالث :

يعني رب العالمين حابلك الخير وانت باغية لنفسك الشر
ديري ديبلوم في كاش معهد او تكوين مهني واتهناي
ورب العالمين يعرف امورك احسن منك


__________________________________________________ __________

>>>> الرد الرابع :

الله يبارك عليك اختي راكي واصلا للباك و الف واحد يتمنا واحدة وصلت للباك و مكملتش لقراية في الجامعة
يعني انا نشوف ماشي الباك هو عقدتك و انما الناس
خليك من الناس و ديري الحاجة لي تساعدك

__________________________________________________ __________

>>>> الرد الخامس :

ختي نقولك حاجة ديريها في بالك وماتنسايهاش

اللي يعيش للناس عمرو مايعيش

وزيد من فوق هذا كلشي مكتوب ربي

نعرف وحدة تدي تهاني في الليسي والباك 3 خطرات وهي تعقب فيه وراهي راضية بالقدر

مالا ماكالاه ديري في بالك ختي وش كتبلك ربي راح يلحقك

وماننساش اذا عقبتي السنة نقولك ربي ينجحك وان شاء الله يعوضك ربي خسارة لعوام لي فاتو