عنوان الموضوع : اعطوني حل تم الحل
مقدم من طرف منتديات العندليب



منذ اسبوع شرالي بابا هاتف ب 5 ملاين و نص مسكين شراهولي و مخلاهش في قلبي و قالي اسمحيلي ماشريتلكش اللون اللي تحوسي عليه
البارح قاتلي حبيبتي بيعيه و اشري سلسلة ذهب
و اليوم عيطتلي قاتلي نتبادل انا و انتي الهواتف و نزيدك مليون
و حلتني حشمتني
انا من جهة عجبني الهاتف تاعها و من جهة كان يفيق بابا علابالي نقيسوا
اصلا هدية من عندو

نتبادل معاها???
واش نقولها??
غاضتني من الصباح و هي تحلل فيا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا اختي ما نقلك والو انا لوكان كنت في بلاصتك ما نبدلهاش باسكو بابا مسكين بالاك نحاها علا روحو و شراهولي و راكي تقولي برك ما يخليهش فخاطرك ومبعد تروحي تبدليه معا صحباتك
ما جاياش كامل
و باباك اكيد راح تقيسيه لوكان تبدليه و لا تبيعيه نورمالمو بلاما تخمي ديريكت قوليلها سمحيلي ونتي عزيزة عليا مي الله غالب ما نقدرش

__________________________________________________ __________

>>>> الرد الثاني :

هدا ماشي جاست اختي والله حشومة عليك تبدليه هدالي شراهولك باباك ماشي واحد اخر لوكان انا في بلاصتك نحطو في عينيا
لالا اختي ماكلاه تبدليه

__________________________________________________ __________

>>>> الرد الثالث :

أي شيء يشريهولي ... بــابــا ...

ما نبدلوش بكنوز الدّنيا

الصديقات يجيو و يروحو ..... مبصح بابا ..... وشكون غادي يكون كيفو ..

و تحللني مليار في الساعــــة .... ما نبدّلش


بابا مشي كل يوم يشريلي حاجة ...

و لو تكون بــ 200ألف و بورتابلها بــ 5 ملايين .... ما نبدلش

الصّح في الشخص لي جابلي الحاجة من في الحاجة في ذتها


القيمة الحقيقية و المعنى لي يقيس بزاف ... في حب الشخص لينا و في الفرحة لي يكون ينتظرها منّا لما يقدمنا الشيء... مش في الحاجة لي يجيبها

أكيد رح تقيسي باباك ... و توجعو بزاف
و يحس روحو ما عندوا ذوق ..و ما عرفش يشري


لوكنت أنا في بلاصتك نخبيه و يقعد عندي العمر كلو

نشري حاجة خلاف لمّا يكون عندي الفلوس
و نخبيه ... كأحلى ذكرى من عند بابا الغالي .

__________________________________________________ __________

>>>> الرد الرابع :

لما تعطي هدية قدمت لك من طرف شخص ما بسهولة فهذا يدل علي قيمة الشخص عندك الجواب واضح قولي ببساطة منقدرش هدية من عند انسان غالي عليا ومنقدرش نفرط فيها فاكيد ابوك تعب حتي استطاع ان يقدم لك هذه الهدية القيمة

__________________________________________________ __________

>>>> الرد الخامس :

هدي هدية من باباك
ولو كانت حاجة صغيرة و لكن قيمتها كبيرة
وهديته راهي غالية
كون انا حتى و يخسرلي نخبيه لانو هديه من اغلى الناس