عنوان الموضوع : ساعدوني يا ناس .... تم الحل
مقدم من طرف منتديات العندليب

السلام عليكم ورحمة الله تعالى و بركاته

انا فتاة عمري 16 سنة مشكلتي اني ماعنديش ثقة بنفسي مانحبش نخالط الناس صحا فالليسي نزعق و نضحك مي مرات نسمع كلام يزعجني عندي واحد كان يقرا معايا دايما يديرونجيني يقعد يعيب عليا و الله عقدني مع العلم اني مانتعايبش و الحمد لله مي هو يشوفلي اي حاجو نديرها يعلق عليا انا كرهلي حياتي و زيد انا نكره نبقا فالدار سيرتو في العطلة نحب نخرج مع ماما مي نقول بلاك مانيش شابة دوك يعيبوا عليا والله تعقدت مانحب نروح لحتا بلاصة مالغي دايما كارهة في الدار
بليز عاونوني كيف نسترجع ثقتي بنفسي ؟ و نولي نروح و نتمشا وين نحب ؟ بف و الله كرهت

ساعدوني يا ناس الخير

سلآم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خلي ثقتك بنفسك كبيرة و لا تسمعي كلام الناس الذي اصبح بالنسبة لهم هواية انهم يستغلون ضعفك هذا و يستهزؤون بك اثبتي لهم العكس

__________________________________________________ __________

>>>> الرد الثاني :

حطي حاجة وحدة في رأسك بلي الي يضحك على الناس ماينتظرش منك انك تعطيلوا قيمة مازالك صغيرة اضحكي العبي حوسي خالطي الناس و تقربي منهم الناس الفاهمة تحب الشخص من عقليتوا ماشي من شكلوا و ثاني عودي دخلي روحك في اي موقف ماتخليش روحك غريبة باش مع الوقت احسوا بوجودك و لكن اذا جبدت روحك الناس كل راح تنساك

__________________________________________________ __________

>>>> الرد الثالث :

ديرا ثقة في نفسك انا كنت هاك كيما نتي مي حمد الله نصحوني صحباتي درت ثقة في نفسي وليت خير من لي كانوا يقولولي معقدة حمد الله

__________________________________________________ __________

>>>> الرد الرابع :

اختي انا أيضا عمري 16 سنة و تاني يهدروا عليا و خواتاتي دايما ينصحوني و يقولولي ماديريش على هدرتهم
و انا نقلك رميهم فالثقيل يعني ماتعمريش هدرتهم في راسك خليهم يهدروا حتى يعياو و كي يشوفوك ماكيش ديري عليهم يحبسو وحدهم
و خلي ابتسامتك دائما موجودة

__________________________________________________ __________

>>>> الرد الخامس :

سلاااااااااااام اختي انا كيفك بعد وعمري 16 ستة الناااااااااس دايما يحكو فيا وصلت بيهم انهم يعملولي مشاكل وهوما اقرب صديقاتي لكن الحمد لله انا وكلت عليهم ربي واسترجعت الثقة بنفسي والحمد لله
ولكن اياكي اياكي ان تثقي في جميع الصديقات يا اختي انا عندي صديقةوحدة والحمد لله