اواجه مشكلة نفسية رجاءا ساعدوني مشكلتي

[hamida]

عنوان الموضوع : اواجه مشكلة نفسية رجاءا ساعدوني مشكلتي
مقدم من طرف منتديات العندليب

انا فتاة في مقتبل العمر
نجحت هذا العام في شهادة التعليم المتوسط بتقدير جيد
لكن تواجهني مشاكل عدة
عندما كان عمري سنتين اعطتني لامي لابنة اختها بسبب ان زوجها عاقم اي لا ينجم اطفال
ربتني ابنة خالتي و زوجها الذي هو ابي كملاك صغير كنت احيا حياة لا مشاكل او هموم فيها
عندما كبرت و دخلت فترة المراهقة اصبحت ازور امي الحقيقية فقط لاجل اخوتي لاني لا اطيقها
منذ ذهابي و انا احس انهم لا يطيقونني و عند عودتي شكيت لامي
لكنها لم تمنعني من الذهاب اليهم و قالت لي افعلي ما يريحك
كما ارى فان امي اخطات بحقي كثيرا و استغنت عني منذ نعومة اظافري
و انا لن اسامحها ما حييت
ثم ان اخوتي و اخواتي لا يحبونني و لم يشجعوني على الحياة مطلقا
انا نسيت كل هذا و لم اعد اهتم كيما يولون المثل الشعبي
**لي باعك بالفول بيعو بقشورو*
بصح المشكلة ولات فالي رباوني انا مارانيش قادرة نحس بلي والديا يا ناس تعيشو متقولوليش فترة مراهقة بصح انا قلبي حقدد و مبقيتش نامن بلي والديا
انا رجعت منتاثرش بلي عندي ام
و اللي زادت عليا اني صرت كلما نطلب طلب من هاذي لي مربيتني ولا زوجها يقولولي عيشي و اسكتي ولا ارجعي منين جيتي
انا مارانيش متحملة نعيش عبىء
واحد ماراهو قابلني هاذوك ستغناو عليا و ميحبونيش
و هاذو حابين يردوني
انا راني مش طايقة روحي
و تخمامي اكل راح لحل واحد
نقتل روحي و نهنيهم في 2


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واعلاش كل هذا التعقيد و الحساسية ؟؟؟؟ شيء طبيعي جدا أننا لا نجد كل ما نطلب في الحياة و شيء طبيعي ان تكون بعض المشاكل بين الإخوة و عدم القبول في بعض الحالات و هذا موجود في كل العائلات

اعتقد ان مشكلتك هو أن الشيطان يوسوس لك بالإظافة إلى الحساسية المفرطة ثم يجب عدم النظر إلى الوراء فما حدث حدث و عليك التفكير في المستقبل بالإظافة إلى أن كل الناس يرتكبون أخطاء ما عن حسن نية و لا يحق لك الحقد على أهلك لانهم إرتكبو خطأ ما و أنصحك بالدفع بالتي هي أحسن ....قابلي ما تعتقدينه شر بالخير و شوفي النتيجة بالإظافة إلى انه يمكنك طرح المشكل على أحد العقلاء من عائلتك أو اللجوء إلى طبيب نفسي إن لزم الأمر و تجنبي طرح المشكل على أشخاص أجانب فالذئاب كثر

كذلك لا تنتظري كثيرا من إخوتك فكل واحد راهو غارق في مشاكلو ..... ربي يكون في عونك

__________________________________________________ __________

>>>> الرد الثاني :

استغفري ربي و توبي اليه يا العزيزة في هذا رمضان اتوضاي و صلي ركعتين و اطلبي ربي ينحيلك من على صدرك
الحياة هادي هي و كي اعطاتك لخالتك رباتك مش معناتها ما تبغيكش بالعكس كي تكبري تفهمي لانو ربي اعطاها الذرية و اختها لا لا
و راكي تقولي كنت عايشة كي الملاك هي مارماتكش عند ناس مش ملاح و لا في الميتم
انت الي تريحك اقعدي عندها و امك عمرها ما تفوووتك يا الجايحة و مازلتي صغيرة اتلهاي بقرايتك و خليها على ربي ما تخميش في هاد الموووضوع بزااف و ما تعطيهش اهمية فوق ما يحتاج شعال من وحدة نعرفها بهاد الظروف و لاباس عليها بالعكس متزوجة كيما تروح ضيفة عند عمتها الي رباتها ترووح عند امها الي ولدتها و نفس قصتك
انا شتا نقولك ربي يهديك للصواب و ينور طريقك

__________________________________________________ __________

>>>> الرد الثالث :

الام لا تكره ابنتها أبدا ،، و إخوتك لا يعني أنهم مايحبوكش فقط ماشي موالفينك لان هذه الدنيا و لف (((((،، تربي قطة توالفيها بالخف )))))هذا مثال،، و هوما ماترباوش معاك هذا لا يعني أنهم مايحبوكش ،، لوكان يقدر ربي كاشما يصرالك تلقايهم واقفين في اكتافك ،،، انا من رأي تروحي لدار باباك تكملي حياتك لتم و ما تتقلقيش من إخوتك مع الوقت يعرفو طباعك و تعرفي طباعهم مايجي يدور العام حتى تولي ماتستغنايش عليهم ،، لكن لا تهملي المرحلة اللي راكي فيها شيئ عادي انك حساسة اكثر من الازم ،،، لكن نصيحتي ماتقعديش في دار خالتك لان زوجها ماراهوش محرم ليك يعني ليس الأب الحقيقي ،،، روحي لدار كم و اربحيهم بالكلام المليح ،، في البداية تلقاي نفور ثم تعبري مرحلة و تتغير الأوضاع ان شاء الله ،، لكن لا تياسي كي تلقاي الأمور ماشي كيما حبيبتي ، اتوكلي على الله و كوني قوية

__________________________________________________ __________

>>>> الرد الرابع :

انا نظن العائلة اللي
رباتك ماهيش تحوس تردك
بل انت اضطريتيهم
يقولولك هكا
سوووور من تصرفاتك
لأنك اسمحيلي
تحولت لإنسانة
قاسية و حاقدة
خمي هاديك يماك اللي ولداتك
و اللي رباتك كتر وكتر
راكي مكبرة الموضوع
و ماكيش حامدة ربي
ارجعي لربي
يهديك

__________________________________________________ __________

>>>> الرد الخامس :

المشاركة الأصلية كتبت بواسطة مشكلتي انا فتاة في مقتبل العمر نجحت هذا العام في شهادة التعليم المتوسط بتقدير جيد لكن تواجهني مشاكل عدة عندما كان عمري سنتين اعطتني لامي لابنة اختها بسبب ان زوجها عاقم اي لا ينجم اطفال ربتني ابنة خالتي و زوجها الذي هو ابي كملاك صغير كنت احيا حياة لا مشاكل او هموم فيها عندما كبرت و دخلت فترة المراهقة اصبحت ازور امي الحقيقية فقط لاجل اخوتي لاني لا اطيقها منذ ذهابي و انا احس انهم لا يطيقونني و عند عودتي شكيت لامي لكنها لم تمنعني من الذهاب اليهم و قالت لي افعلي ما يريحك كما ارى فان امي اخطات بحقي كثيرا و استغنت عني منذ نعومة اظافري و انا لن اسامحها ما حييت ثم ان اخوتي و اخواتي لا يحبونني و لم يشجعوني على الحياة مطلقا انا نسيت كل هذا و لم اعد اهتم كيما يولون المثل الشعبي **لي باعك بالفول بيعو بقشورو* بصح المشكلة ولات فالي رباوني انا مارانيش قادرة نحس بلي والديا يا ناس تعيشو متقولوليش فترة مراهقة بصح انا قلبي حقدد و مبقيتش نامن بلي والديا انا رجعت منتاثرش بلي عندي ام و اللي زادت عليا اني صرت كلما نطلب طلب من هاذي لي مربيتني ولا زوجها يقولولي عيشي و اسكتي ولا ارجعي منين جيتي انا مارانيش متحملة نعيش عبىء واحد ماراهو قابلني هاذوك ستغناو عليا و ميحبونيش و هاذو حابين يردوني انا راني مش طايقة روحي و تخمامي اكل راح لحل واحد نقتل روحي و نهنيهم في 2

لو كنت مكانك اصبر واركز على بناء حياتى وعلى دراستى
وضعك اليوم لست مسؤووة عنه ووجدت نفسك فيه لكن مستقبلك انت من يحدده
لما ان تستسلمى لهده الافكار اللتى تدور براسك فتعيشين فى متاهات الفشل و الضياع و الالم والياس واما تتقبلى الواقع كما هو و تصممى على النجاح ةماهى الا سنوات حتى تصبحى شابة ناضجة وواعية و بمستقبل مضمون و شخصية قوية و تواجهى الحياة وتبنى حياتك الخاصة بادن الله فقررى و اختارى
حاولى التعاسش معه و اثبتى نفسك بالنجاح فى دراستك و فى اى شىء يصادف حياتك لا تستسلمى

ارسمى مخططا لحياتك و اعملى على انجاحها انجحى فى حياتك واملئييها حتى لا تفكرى فيما ينقصك فلا يوجد من تخلو حياته من منغصات وم مشاكل كبرت ام صغرت
وارتبطى بحبل الله فسيكسبك الراحة و السكينة وتتمكنى من تقبل الواقع و تقبلى حياتك كما كانت و اعملى على انجاحها
بالتوفيق توكلى على الله وعلى قوتك الداخلية
ولا يهم من يحبك ومن يكرهك اطوى الصفحة وابدئى صفحة جديدة بدون حقد بل بالامل قى غد افضل بادن الله و بقلب نظيف و سامحى الجميع حتى تعيشى سعيدة و تجدى طريقك بدن الله
بالتوفيق