عنوان الموضوع : الارق تم الحل
مقدم من طرف منتديات العندليب

يا جماعة الخير ارجو ان تفيدوني ارجوكم

انا شاب عمري 17 سنة مجتهد في دراستي و الحمد لله


مند 8 اشهر و انا اعاني من مشكلة الارق بدات من يوم كان عندي اختبار في اليوم الموالي انا مضنيتش كنت مستريسي بصح كنت مريض شوية وشربت وحد الدوا تع قريب شكيت فيه دارلي انسومني
امالا مرقدتش كامل و مع دالك رحت ندر ر الاختبار عادي كنت فشلان لكن الحمد لله وفقني ربي



المشكل انه ولالي هاجسسس وليت كل ما يجيو اختبارات منرقدش بمجرد اني نفكر في احتمالية عدم النوم منرقدش و ضركا رانا في عطلة هاكاك و مارانيش نرقد مليح


و لله غير كرهت حياتي يا ناس توحشت الايام لي كنت فيها غير نحط راسي نرقد حتى الصباح ولله غير كرهت حياتي



وزيد العام الجاي عندي الباك امتحان مصيري خايف لقدر الله منرقدش و منخدمش يا ناس عاونوني
ولله غير بكري كنت نرقد كطفل رضيع معرفتش وش صرالي


منيش حاب نشرب كاشيات الرقاد خاطر منبعد نتعود عليهم و منوليش نرقد بلا بيهم و يوجعو الراس


امي قالتلي فترة و تعقب بصح مني مقتنع وراني خايف بزاف




عاونوني اان شاء لله يجازيكم جنات عرضها السموات و الأرض


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا تاني جاتني هدي الحالة مي ماطولتش و راحت و حدها،ماترقدش في النهار و كثر من الحركة و العمل ماهوش نهار كامل و انت قاعد دير سبور بويسك يساعد على التخلص من الارق و اقرا القرآن و دير رقية شرعية ولا بقيت هكدا لازم تشوف طبيب بالتوفيق.

__________________________________________________ __________

>>>> الرد الثاني :

عادي أخي أنا أختي الكبرى ما تعرفش وش معناها رقاد وجابت الباك تاعها وسجلت طب

__________________________________________________ __________

>>>> الرد الثالث :

شخصيا لي تجربة مع الموضوع ..... كوني من عشاق قهوة المساء ....بعد صلاة المغرب مباشرة ....أشرب كأس حليب ساخن ..........يجيك النوم ....حتى قبل صلاة العشاء ..............................أتمنى أن تستفيد من تجربتي

لكن لا تنسى ....انت أيضا لا تهول الأمور و تعطيها اكثر من حقها .....بسط الأمور .....و توكل على الله عز وجل

__________________________________________________ __________

>>>> الرد الرابع :

انا ثاني راني كيفك مانرقدرش لا ليل لا نهار
عادي فترة و تعقب

__________________________________________________ __________

>>>> الرد الخامس :

اخي مااللازمش دير في راسك بلي عندك مشكل في النوم و تقعد غير تمم فيه هدا رح يعييت و يتعبك نفسيا ز تكون النتيجة انك ما ترقدش كيماقلت
اكثر من الصلاة و الاستغفار و الدكر و رح تلقى راحت بالك
كاين بزاف الي يعانو من هدي المشكلة مي مع الوقت و تروح المهم انت ماتبقاش تعس غير في روحك
فترة و تمر ان شاء الله
وفقك الله في دراستك