عنوان الموضوع : الخوف من زوجي المستقبلي مشكلتي
مقدم من طرف منتديات العندليب

السلام عليكم احبتي
تعيشو عاونوني و طمنوني ربي يطمنكم ان شاء الله
انا فتاة مخطوبة مند 3 اشهر السيد جاء شافني و شفتو خطرة وحدة مهدرناش كامل مع بعض نهار الشوفة ومع العلم ان امه قالت انه ميحبش يهدر في التليفون بصح انا حشمت نسقسيها ادا تاني بعد العقد الشرعي ميهدرش في التيليفون ؟
ودوكا قرب العقد الشرعي و راني خايفة منهدرش معاه في التيليفون و معرفتش كيفاش نفهم اد يهدر معايا في التيليفون و لا لالا
وعلابالي بلي دارنا ميساعدونيش لازم انا نفريها لروحي دبرو عليا كيفاش نهدر مع يماه على الهدرة في التيليفون و قولولي ادا عيب و لا لالا ( راني نقصد بعد العقد الشرعي طبعا)
و قولولي ادا كاين احتمال هدا السيد يرفض يهدر معيا بعد الفاتحة و ادا نورمال لوكان ميهدرش
(انا حبيت نهدر معاه في اطار الحلال و بعد العقد الشرعي باش نتعرف عليه و نفهمو قبل العرس و للاتفاق على امور المنزل و القش)



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا اختي من حقك أن تتكلمي مع زوجك المستقبلي بعد الخطوبة مباشرة

لتعرفيه جيدا وتحددي مصيرك .............

وأنا لا أنصحك بالبقاء هكذا حدثيه

لربما تجدين فيه عيبا

فهناك المجانين وغيرهم وعائلاتهم تتتسر على ذلك

__________________________________________________ __________

>>>> الرد الثاني :

الحديث في الهاتف بعد العقد الشرعي ليس عيبا بل مباح لأنه زوجك ، و انصحك أن تتركي هذا الأمر له ، أما التعرف عليه في الهاتف حسب نظري غير ممكن و السبب بسيط جدا و هو أنك ستسمعين منه إلا الكلام الجميل و المعسول ، فالتعرف يأتي مع العشرة . و هذه هي طبيعة الأمور . فأنصحك بأن تسألي عن دينه و أخلاقه جيدا قبل العقد.
أسأل الله تعالى أن يرزقك الزوج الصالح


__________________________________________________ __________

>>>> الرد الثالث :

عندك يكون مريض ولا عقون ولا معقد ويخدعوك
اهدري وشوفي واوزني مليح
طبعا بعد العقد الشرعي
وماتخلي حتى واحد يقلك الزواج والبركة واتوكلي على ربي والهدرة الفارغة هاذي
اتوكلي على ربي مع المومنين مايش الخباثة هاذو


__________________________________________________ __________

>>>> الرد الرابع :

عندهم الحق الإخوة لازم تحكي معاه كاين عايلات ولادها موسوسين ولا مرضى ولا عندهم عيوب يتحاشاو الكلام في الهاتف باش متفيقش البنت ردي بالك يدرحوك

__________________________________________________ __________

>>>> الرد الخامس :

هاد شئ من حقك يا اختي الا قدرتي تحكي مع اخته الا عنده خير ليك ولا معندهش حكي مع امه