عنوان الموضوع : خطيبي ربما مجنون تم حل المشكلة
مقدم من طرف منتديات العندليب

السلام عليكم
أحببت شخص و احبني بعمر لا يصدق و لم تربطنا اي علاقة الى ان كبرنا و جاو اهلو مدو كلمة فقط و بقات يكملو
في هادي الفترة حكينا مع بعض للاسف الرجل اللي احببت و كأنه مجنون يضحك دون سبب احيانا يهزأ من كلامي و مع انو ماشي وقتو
نهار يقلي مانسمحش فيك لوكان نموت و نهار اتصل و دون اسباب قالي من اليوم و رايح راكي ليبر تخلعت قوتلو واش راك تقول قالي خسارة فيك عمري ضيعتو سكتت قالي نموت عليك و ما نسمحش فيك وما كانش يمزح كان صح و جدي بكلامو لكنو تراجع و حتى كي واجهتو طلب السماح
حاول مرة الانتحار فقط لاني قررت نبعد عليه
و مرة اخرى قتلو اللي بنا خلاص لانو قريب يهبلني يتناقضاتو اتصل بي شارب للخمر و كانت صدمة لي ؟؟

رايحة نهبل اللي حبيتو عمري كامل و ماصدقت رانا مع بعض هكذا يتصرف ؟؟؟
يا ترى الخمر و اللي خلاه متناقض ؟؟ و الا ؟؟؟

انا واجهتو و يقول اوقفي معايا و لوكان تروحي انتي ما عندي والو في حياتي
احنا تربينا حتى الدخان و ممنوع في دارنا الكل يشهد على ربايتنا من الصغير للكبير

واش ندير نخليه ؟؟ زعما نظلمو ؟؟
نحمل و نوقف معاه ؟؟ و تصرفاته لي ما رانيش فاهمتها ؟

احيانا نحسو يحبني لدرجة الجنون و احيانا يتعمد يقلي نكرهك و يبينلي انو مارهش باغيني دون اسباب ؟

هو حنين معايا و كريم و يحبني لكن يطلب انا نتلقاو و نرفش يقلي مري من امامي فقط نشوفك
انا رفضت لاني جدية بتصرفاتي قتلو كملو اجراءات الخطبة و راح نتلقاو علنا علاه نمر قدامك هو اعتبرها اهمال و عدم اهتمام و اقام الدنيا و صار يستهزء من تصرفاتي

بصراحة تعبت واش ندير

الواضح اني حتى انا افكاري تشتت لوجه الله اعطوني رايكم






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وهل تقبلين برجل يشرب الخمر ان يكون زوجا لك

__________________________________________________ __________

>>>> الرد الثاني :

مجنون و لا طبيعي المشكل الان راهو في الخمر
الخمر ام الخبائث
اللي يشرب الخمر يقدر يدير كلش

__________________________________________________ __________

>>>> الرد الثالث :

أخطيك و حاولي تصرفيه
شارب خمر هذا دليل على أن العلاقة فاشلة قبل أن تبدأ
كيف لك أن تستمري مع شخص شارب للخمر
أنت تضعين الحد لنفسك
شارب الخمر = تارك للصلاة صحيح ؟
هل تستطيعين الزواج من تارك الصلاة؟

__________________________________________________ __________

>>>> الرد الرابع :

ضف على ما قالوه قبلي عن الخمر وترك الصلاة
وهل تعتبرين من ينتحر من اجل فتاة تركته ......رجلا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لالا انت لا تدركين المعنى الحقيقي للرجولة ابدا

__________________________________________________ __________

>>>> الرد الخامس :

اختي خطيبك لا علاقة له بالدين والكبائر الي يعملها هذي كامل كيفاش تقبلي على روحك زوج واب اولادك سكير وتارك صلاة وزيد يحاول للانتحار؟؟؟؟؟
ربي يهديك انا كون جبت في مكانك ننفصل عنه وزيد نقول لاهلي على كلشي
ابتعدي عنه