ضاع مني كل شيء مشكلة
عنوان الموضوع : ضاع مني كل شيء مشكلة
مقدم من طرف منتديات العندليب
السلام عليكم اخوتي الكرام أنا فتاة عمري 21 سنةكنت من الأوائل في دراستي لكن في عام الباك اتخطبت مانيش عارفة واش صرالي رحت قبلت بالخاطب بالرغم اني ما نعرفوش المهم تزوجت بعد الباك بسمانة . جبت باكي ب13 في 2016 ما كتبش ربي اني نكمل مع هذا الراجل شفت العذاب بعينيا جبت معاه طفل و تطلقت مشكلتي اني ذركا ديما يحكمني الوسواس نقول علاه فرطت في قرايتي و لي كانو يحسدوني على معدلي عادو خير مني و زيد حابة نشاوركم السنة راح نقرا رياضيات بصح راني حابة نعاود باكي حرة و نجيب معدل مليح يعني نقدر نقرا في الجامعة و في نفس الوقت نجيب معدل مليح ؟ راها قعدتلي حرقة في قلبي على قرايتي اللي كنت نجيب معدلي 16 في الثانوي
ربما تقولو أني تسرعت في طلاقي لكن هذا الانسان سرقلي زهرة شبابي يسب الدين. يضرب. عاصي والديه و زيد حوايج أخرى لا يسعني ذكرها كل ما نتفكرو نقول ربي يخرجلي نيتي فيه لأنو حاسة حياتي تحطمت بسبتو ماني بقرايتي ماني بعمري اللي راح اسمحولي ربما قلقتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
اختي قدر الله وما شاء فعل وان شاء الله يعوضك ربي خير
ما فهمتش مليح حابه تقراي رياضيات في الجامعه وتعاودي الباك؟
اذا راهي عاجباتك الرياضيات وعلاه تعاودي الباك
واذا ماشي عاجباتك ننصحك ديري حاجه ساهله باش تقدري تعاودي الباك لانو الرياضيات تديلك كل وقتك
وبالتوفيق
__________________________________________________ __________
>>>> الرد الثاني :
اختي منيش عارفة اقراي صح وكملي قرايتك ومتنسايش بلي عندك طفل يحتاج ليماه وشوفي اذا كتبلك ربي وجاك ولد لحلال لي يقبل ولدك غير تزوجي
__________________________________________________ __________
>>>> الرد الثالث :
السلام عليك اختي....انا ارى انك اتخذت قرار جيد بارادتك اكمال الدراسة...درك اختي ماتزيديش تخممي فلي فآات..درك ركزي على المستقبل تاعك، 13 في البكالوريا معدل جيد
__________________________________________________ __________
>>>> الرد الرابع :
ربي يكون معاك اختي و يصبرك و فيما يخص اعادة البكالوريا انصحك ان تلغي الفكرة فما ضاع من العمر يكفي و ركزي في دراسة الرياضيات و التفوق فيها فهي اختصاص رائع و له مستقبل باذن الله بالتوفيق اختي
__________________________________________________ __________
>>>> الرد الخامس :
اختي ما تندمي ماوالو اعتبريها تجربة و تعلمتي منها المهم ضرك ربي وليدك مليح و اقراي قرايتك و حافظي على روحك..........................ربي يفرج عليك
رد مع اقتباس
