عنوان الموضوع : لهذا اهتزت ثقتي تم حل المشكلة
مقدم من طرف منتديات العندليب

السلام عليكم و رحمة الله و بركاته

انا حابتكم تشاركوني ازمتي مش تعطوني حلول لان الحل لمشكلتي بايد الله سبحانه و تعالى

مشكلتي اني لحد الان لم يطلب يدي اي شخص لا المليح لا اللي مش مليح و انا فال28 من العمر،صارت ثقتي بنفسي فالنازل بعد ماكنت نشوف نفسي محظوظة بأهلي و اخلاقي و ديني و دراستي الحمدلله كذلك مانشكي من حتى عيب لا خلقي و لا اخلاقي ...... درست فالجامعة و عملت في مؤسسات عديدة منذ 06 سنين و تلاقيت بالزين و الشين لكن ولا مرة يا لوكان واحد طلب رقم هاتفي ولا اسمي(بغض النظر على ردة فعلي)و كأني شفااااااااااااافة بمعنى الكلمة...

يا خاوتي ماتقولوش هاذي ميتة على الزواج ابدااا الحمدلله ثقتي في ربي عالية انو ما يظلمنيش لكني غايضتني عمري احيانا والله نبكي نقول علاه؟و احيانا امي تقولي بالعكس راكي تروحي للمسعود بالصح مازال ماجاش لي يستاهلك و ترفعلي المورال شوية و احيانا ننسى الموضوع و نلهى بخدمتي و احيانا و احيانا و و و و

عذرا على الاطالة لكن كلام كثير عندي و مانقدرش نقولو لحتى احد الا هنا نقدر نكتب و لا امي الله يعطيها الصحة ديما تحاول تهونلي الموضوع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عليكي بالرقية الشرعية يا اخيتي

ولا تياسي من رحمة الله


داومي على الاستغفار والدعاء والصبر


{إنه من يتق ويصبر فإن الله لايضيع أجر المحسنين}

مستمعيش لكلام الناس ارميهم فالثقيل


__________________________________________________ __________

>>>> الرد الثاني :

rabbi m3ake


__________________________________________________ __________

>>>> الرد الثالث :

يا اختي انا رايي من راي ماماك ربي يحليهالك راكي تروحي للمسعود و نعرف و حدة داخلة ل 30 عام و دات واحد قدها و خدام و لا باس عليه ماتقطعيش لياس و اصبري ربي يهون عليك و تلقي ولد الحلال لي يهنيك

__________________________________________________ __________

>>>> الرد الرابع :

خيتو مكتوبك مزال ما تحركش ما تقلقيش روحك ربي يعطيك على حساب قلبك

ولي صبر قع ينال


__________________________________________________ __________

>>>> الرد الخامس :

ربي يعطيك اختي على حسب نيتك
فنحن في هذا زمان لا نقدر ان نقول اي شيء سوى الحمد لله
فلا تنسي اختي الطيبون لطيبات
فانا اعرف بنتا لم ياتيها اي احد و لكن اليوم حمد لله لها زوج صالح و بنت مثل قمر لله يبارك
فلا تنسي اختي ربما هذا امتحان من عند ربي عالمين فلا تيأسي و تابعي في دعاء و صلاة و يار ب بعدد اسماء الله ان يبعث لك زوجا يسعد قلبك امييين يارب
و الله هادي دعوة من قلبي