عنوان الموضوع : والله حرت عاونوني بالراي
مقدم من طرف منتديات العندليب

السلام عليكم ورحمة الله يعجبني بزاف هذا لقسم حبيت ندي رايكم ونشا الله ماتبخلوش عليا نبدا مباشرة
شابة جامعية متخلقة والحمد لله هذا لعام تخرجت نخدم بلكونترا كي انا كي كامل لبنات ل ف سني حابة نتزوج ونوجه مشاعري للحلال خاطيني العلاقات والحمد لله تقدملي عدد كبييير شباب يخطبو بصح مايتمش لموضوع انا غير نسمع بواحد يخطبني نفرح ونستخير ونطلب ربي يكون مناسب وتتم موافقة لاني تعبت من كثرة بدون جدوى ودارولي شيعة بلي راني نرفض مع انو مرة رفض منا ومرة رفض منهم اثر فيا هذا لموضوع نفسياااااا ضرك راه عندي كشغل حابة نتزوج ونتهنى وخلاص مهم ضرك تقدوملي 2 ف نفس لوقت وتلفتلي ومعرفتش نخير بيناتهم حتى وستخرت بصح حابة رايكم الاول حسيتو مناسب ليا بصح مزال مدرتش معاه لقاء شرعي ومزال مسمعتش بشروطو اما ثاني فيه وش نحب مبدئيا شافني برا وعجبتو باخلاقي والحمد لله بعثلي وحدة يسقسي لا مخطوبة ولا واسمي وسكن تاعي وخدمة ابي وسقسا علينا مليح وبعدها جاني مرة للخدمة وقالي حاب نهدرو كثر لا تمديلي نيميرو قتلو سمحلي مدلي معلومات عليه وقالي سقسو علينا ونوليلك بعد متشاوري داركم وسقسو علينا ومن باعد عاود ولى وين نخدم شافلي من بعيد وراح مع انو قالي نرجعلك باش نعرف لا نتقدم ولا لالا ,,,,,وش رايكم زعما بدل رايو ,,,,,ولا كي مامدتلوش نيميرو يقلك هذيك معقدة ولا كيفاه منكذبش عليكم انا عجبني بزاااااااف ف الشكل ورتحتلو وضرك بيناتهم واحد مايتيخير على 2 ..... .........................ادعولي يتم الامر لان اول واحد نرتاح لشخص نفسيا (لي هيا شافني برا ) كاين حاجة اخرى فيا مشكلة الغيرة كي نسمع وحدة قل مني نجحت في دراسات عليا نتعب من لغيرة ونتمنى انا تاني بصح ربي مكتبش
متبخلوش عليا راهي تالفتلي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انت تضني انو لما ماعطيتيلو رقمك يقول عنك معقدة ؟ وفرضا عطيتيه رقمك ماراح يقول انو عطاتلي رقمها يعني هذي ماشي على طريق صحيحة والي جات تمدلو رقمها وانا غير قلتلها اعطيلي رقمها عطاتولي ؟؟؟ تتصوري انو ماراح يقول هكا ؟؟؟
لا ابدا مش الي في بالك هي الاسباب مكتوبك مازال مالحق هذا كل مافي الأمر وانت تقولي عجبك شكل ومش ديما لازم نشوفو على الشكل فقط لانو كيما يقولو يازين من برا واش احوالك من داخل لازم قبل الشكل نبحثو على الاخلاق ورقمك ماكان لازم يطلبه لو كان ناوي نية صادقة فهو رآك وسأل عنك وعن اهلك ماذا يفعل بالرقم إذا يخطبك ويعقد عليك وبعدها تبادلو الارقام واحكو كيما تحبو وقدر ماتحبو وربي كي يكون كاتبلك شيئ مايقر أحد من الخلق ينزعه منك ولو اجتمع اهل الارض كلهم على ذلك وربما الله بعد عنك شيئ لخير فيه لك والله يدبر لنا أمورنا خير منا وخلي ثقتك بالله كبيييرة والي على الجبين لازم تشوفو العين ومكتوبك يجيك يجيك وربك يمهل ولا يهمل تلهاي بصلاتك وبطاعتك لربك وربي ماراح ينساك ابدا ونامي قرير العين لانو الي خلق ماينام وهو لطيف بعباده وأرحم عليهم من الأم على رضيعها وربي يرزقك بشاب يسعدك ويهنيك ويكون كما اردته ويكون مليح الباطن قبل لا يكون مليح الظاهر .

أعتذر على الاطالة

__________________________________________________ __________

>>>> الرد الثاني :

انت تضني انو لما ماعطيتيلو رقمك يقول عنك معقدة ؟ وفرضا عطيتيه رقمك ماراح يقول انو عطاتلي رقمها يعني هذي ماشي على طريق صحيحة والي جات تمدلو رقمها وانا غير قلتلها اعطيلي رقمها عطاتولي ؟؟؟ تتصوري انو ماراح يقول هكا ؟؟؟
لا ابدا مش الي في بالك هي الاسباب مكتوبك مازال مالحق هذا كل مافي الأمر وانت تقولي عجبك شكل ومش ديما لازم نشوفو على الشكل فقط لانو كيما يقولو يازين من برا واش احوالك من داخل لازم قبل الشكل نبحثو على الاخلاق ورقمك ماكان لازم يطلبه لو كان ناوي نية صادقة فهو رآك وسأل عنك وعن اهلك ماذا يفعل بالرقم إذا يخطبك ويعقد عليك وبعدها تبادلو الارقام واحكو كيما تحبو وقدر ماتحبو وربي كي يكون كاتبلك شيئ مايقر أحد من الخلق ينزعه منك ولو اجتمع اهل الارض كلهم على ذلك وربما الله بعد عنك شيئ لخير فيه لك والله يدبر لنا أمورنا خير منا وخلي ثقتك بالله كبيييرة والي على الجبين لازم تشوفو العين ومكتوبك يجيك يجيك وربك يمهل ولا يهمل تلهاي بصلاتك وبطاعتك لربك وربي ماراح ينساك ابدا ونامي قرير العين لانو الي خلق ماينام وهو لطيف بعباده وأرحم عليهم من الأم على رضيعها وربي يرزقك بشاب يسعدك ويهنيك ويكون كما اردته ويكون مليح الباطن قبل لا يكون مليح الظاهر .

أعتذر على الاطالة

__________________________________________________ __________

>>>> الرد الثالث :

شوفي الثاني ولا الأول راهم يعرفو الدار اللي يتقدملك منهم أهلك يسقسو عليه وربي يوفق
أما الهدرات تاع برة وفي الخدمة غير نحيها مع الرجال عموما حتى اللي يحب يخطبك قوليلو هاو العنوان
الرجل يحب المراة الصارمة الرزينة وإن ادعى غير ذلك ..وإياك الحكم على المظاهر فالذئاب كثيرة.. الأخلاق هي الأهم لا الشكل ولا السيارة ولا البيت.

__________________________________________________ __________

>>>> الرد الرابع :

السلام عليكم
اللهم ارزقها بزوج صالح يارب
انا مع راي استاذ محمد التبسي

__________________________________________________ __________

>>>> الرد الخامس :

خير البر عاجله

اللهم اني لما انزلت الي من خير فقير