قصة حياتي ومشكلتي مع أمي مشكلتي
عنوان الموضوع : قصة حياتي ومشكلتي مع أمي مشكلتي
مقدم من طرف منتديات العندليب
يا إخوتي أرجوكم ادعولي بالهداية والصلاح
مشكلتي مع أمي التي هي أعز إنسان على قلبي سأفتح لكم قلبي أرجوا أن تقرؤو حكايتي للأخير
ماذا أحكي ومن أين أبدأ فمشكلتي مع أمي بدأت ربما منذ ولادتي فقد كانت لي أخت قبلي تكبرني بسنتين أجمل مني بكثير سبحان الله كل من كان يراها يقول لأمي وأبي نشك في انها ابنتكما فهي تشبه للgwer
أتعرفون ماذا قالت أمي هي قصتها في مجلس كنا أنا وجدتي وزوجة خالي فقالت بأنها وفي يوم جنازة أختي وهي تشاهدني قالت في قلبها ليتني مت وبقيت أختي لأنها أجمل مني شعرت وكأن الدنيا أظلمت في وجهي تخيلوا معي أمي تتمنى لي بالموت وكأنني لست ابنتها
بعد مضي فترة حملت أمي بولد لكنه توفي بعد مضي 27 يوما من ولادته وبعدها أمي أصبحت تحمل ويسقط الجنين قبل إكماله فترة الحمل إلى أن حملت بفتاة وقامت بولادتها طبيعيا لكنها توفيت بعد مضي 7 سبع ساعات من ولادتها عندها أخبر الطبيب الذي كان يتبع حالة أمي بأن تذهب لراق لأن حالتها ليست بمشكل طبي
ذهبنا عند إمام مسجد وبعدما قامت أمي وأبي بالرقية قال لهم الإمام بأن يحضروني لأرقي أيضا بعدما رقيت قال لأمي بأننا نعاني من مشكل التابعة وهي نوع من- سحر الارحام - لمنع الحمل او للاجهاض
بعدما داومنا على الرقية وبفضل الله سبحانه وتعالى رزقت أمي بأخ لي بيني وبينه 10سنوات لا تتخيلوا معي فرحتي فلطالما كنت أحلم أن يكون لدي أخ او أخت مثل كل الأطفال وبع مضي سنتين رزقت بأخ ثان
أصبحت بمثابة الأم الثانية لأخي الوسط فبالرغم من صغر سني 12سنة إلا أنني كنت أتحمل مسؤوليته فآخذه معي عند جدتي في العطلة وأعتني به وحتى أني توليت تربية إخوتي معها
في يوم من الأيام خرجت مبكرة من المدرسة فبادرت إلى ذهني أن أقوم بغسل الأواني التي هي في la bibiothéque كلنا لدينا في الصالون وبها أواني وجدت بأن بها غبار فقمت بغسلها وأنا في نفسي سعيدة بما أقوم به وأنتظر الشكر من عند والدتي عندما تعود من العمل وتجدني أقوم بعمل ménage أتتخيلون كيف كانت ردة فعلها
طردتني من المنزل هل دهشتم لم تصدقوني أليس كذلك نعم إذن صدقوا أو لا تصدقوا طردتني أمي من المنزل شر طردة قالت لي "أنت لست ابنتي" كيف تقومين بإنزال كل الأواني لغسلها في يوم دراسي ومن قال لي بأن أقوم بغسلها أشبعتني ضربا وأخرجتني من المنزل فذهبت لعند جارتنا وقصصت لها فذهبت تهدئها لكنها أخبرتها بأنها لا تطيق رؤيتي
بقيت عند جارتنا حتى عادت أمي لعملها ودخلت المنزل وأخذت بعض من ملابسي وأخذت بعض النقود التي كانت في حصالتي وذهبت عند جدتي عمري آنذاك لا يتجاوز 12سنة
هذه نشفالها حتى نهار لي نموت ومنها ولات غير تقلق مني تحاوزني من الدار يا خاوتي والله ماني نزيد عليكم كرهت حياتي فالدار فوت سنين من حياتي غير فالمشاكل جامي فرحت وإذا فرحت نهار نخلصها من بعد أسابيع وشهور غير بكاء ومشاكل سواء مع أمي ولا الوالد نتاعي والا بيناتهم فوت فترة المراهقة كرهتلي فيها حياتي كثر واكثر تضغط عليا إلى اقصى الحدود كانت عندي صحبة واحدة هي جارتنا نهار مانكونش مليحة نروح عندها لأن نلقى عندها الحنان لي مالقيتوش في دارنا ولات تحرمني من زيارتها ومرة ست بلي عندها صديق تمشي معاه قاتلي مانزيدش نشوفك معاها حبست مع صديقتي وليت نروح وحدي نولي وحدي للدار ماعندي حتى واحد نحكي معاه وكي نشوف لي يقراو معايا كيفاش يحكيو علا مواليهم ونلقاهم يحكيو على قصصهم الغرامية نقول في قلبي هوما عندهم صحابهم ويحكيو مع يماتهم نورمال أنا ما ندي حتى واحد في حياتي ونسمع كلمات نحشم نقولهالكم تنعتني بأني ابنة الحرام ايه تقولي بصريح العبارة هاديك الكلمة وزيد وزيد ...مادرت حتى واحد في حياتي كانت دمعتي ديما على خدي فالليل كنت ندخل للتوالات ونبكي على الحياة لي كنت عايشتها والمضحك في الأمر أي كنت محسودة من قبل صديقاتي بأني الفتاة الوحيدة في المنزل أي أني مفششة ومدردرة والحاجة لي نطلبها تحضر قدامي عندما كنت فالليسي الأب نتاعي ولا يخدم بعيد علينا ب800كلم أصبحت اليد اليمنى لوالدتي فيما يخص شراء مستلزمات المنزل فتيات بمثل سني كانوا يشترون الملابس أما أنا فأشتري الخضر والحليب وآخذ إخوتي عند حلاق الرجال نعم يا إخوتي كنت أقوم بأعمال في الأحق هي ليست واجبة علي لكني كنت أساعدها في كل شيء وأدرس في نفس الوقت وليت نحشم كي نتلاقا بزميل ليا فالقسم لأنه كان يبيع مع باباه وكل يوم يشوفني فالسوق نقضي ومحملة فالقضيان
لحقت للبكالوريا فوت عام كامل وماما تضغط عليا وتهدد فيا والله وماتجيبيش الباك غير ماكلاه تولي للدار نحرم عليك الماكلة والخرجة تبقاي فالدار وكان هاذاك الصيف عرس عمي كنت غير نقوللها عرس عمي نشري حاجة نلبسها تقولي وإذا ماجبتيش الباك ماكان لا عرس لا والو تبقاي هنا المهم جبت البكالوريا بتقدير قريب من الجيد أتعرفون ماذا جار لنا ذهب هو الأول ليشاهد بنفسه إن نجحت واتصل بأبي ليهنئه بنجاحي وقال له بالحرف الواحد ماشاء الله عليها بالرغم من أنك ماكنتش واقف معاها إلا أنها حمرتلك وجهك
علابالكم أنا كيفاش فوت الفرحة نتاع الباك فوتها فار جدتي وحدي لأنه في نفس اليوم توفي عم أمي يعني قبل ما تخرج النتيجة كانوا كامل فالجنازة وانا خلاوني عند جدتي نحرس في اولاد خالي وقلبي على نار نسمع فزغاريد النسا وانا وحدي نبكي فالدار حتى عيطلي بابا قالي نجحتي بصح ماعلابالوش بشحال المعدل قاعدة نجري فالدار وحدي نعبر على الفرحة نتاعي حتى واحد مازغردت عليا حتى غد من دلك باش رحت شفت شحال جبتو أنا كنت المرتبة الثانية في القسم نتاعي
ماما ولات تقولي كون ماشي أنا والله ماتجيبي الباك ردت كامل الفضل ليها وحدها
كنت حابة ندرس تخصص إلا أنها حبت تحرمني من الحاجة الوحيدة لي كنت ندرس علاجالها بكيت وقلتلها لوكان ماندريهاش مانروحش نقرا فالجامعة فاستسلمت أخيرا وخلاتني قريت واش حبيت
فالجامعة مانحكيلكمش المعايرات لي سمعتها خصوصا فالسنة الثانية عندما دخلت الامتحان الشمولي حتى وصلت بيا قريب ننتحر وتعاير فيا بصحاباتي لي بدا واحدة مور واحدة تتخطب
تتفكرو صديقتي الوحيدة لي هي جارتنا نخطبت من الانسان لي حباتو نهار كنت رايحة لخطبتها قاتلي ايه يالبهلولة هوما ينخطبو ونتي روحي ديلهم الكادوات وفرحي بيهم نتي ماكاش لي رايح يفرح معاك لخاطرش ماكانش لي يشوف فيك شبعت بكا قبل ما نروح للخطبة جامي قاتلي كلمة فرحتلي غير تجرح فيا بالهدرة راني نحكيلكم ونبكي بحرقة والله العظيم كي نتفكر واش جوزت
كنت 19سنة وليت ندخل عالم التشات ونحكي مع غرباء ينسوني في مشاكلي أصبحت لي شخصية أخرى لأني كنت أتصرف على طبيعتي نضحك ونحكي مع ناس مانعرفهمش ونفضفض معاهم حتى تعرفت بشاب كان بمثابة الصديق المستمع لكني ولا مرة حكيت على الأم نتاعي والمشاكل نتاعي كنت في بعض الأحيان نخترع قصص باش نضحك بيها مرة عرضني لحفل التخرج نتاعو قلت لصديقتي المخطوبة ماخاهاش خطيبها تجي معايا قلت لصديقة تدرس معايا ورحنا تلاقيت بيه تكلما 5دقائق قالي ماكنتش نسنا فيك تجي صح وبما أنه حفل التخرج نتاعو كان مشغول بقيت مع صحبتي برا ومادخلناش لقاعة المناقشة لأن كان فيه الكاميرا بقيت نسنا خارج القاعة وبعد ما كمل وخرج قلت له مبروك ووليت للدار في ديك لعشية صرحلي الإنسان هذاك بحبه لي وقال لي أنه ماكانش يسنا فيا نروح لأنه بعدما رحت حوس عليا باش يعرفني بالوالدة نتاعو فوت أشهر وانا أعيش قصة حب صافية وعدني فيها بأنه حالما يجد عملا لن يتوانى في خطبتي لأنه عندما فتح الموضوع مع أمه قالت له "مانقدرش نروح نهدر على طفلة ووليدي بلا خدمة باش نقابل الناس نقولهم علقو بنتكم مع وليدي بدون أي ضمان للمستقبل" كنا نرسم في مستقبلنا معا إلا أن جاء اليوم المشؤوم أين فتحت أمي حسابي وقرأت كل historique فعلمت بأني كذبت عليها عندما قلت لها بأني حضرت حفل تخرج أخت صديقتي أشبعتني ضربا والله العظيم غير قريب قتلتني بالحلال نتاع القاطو الخشين نتاع اللوح وحتى بحديدة المهم لي لقات قدامها تضربني بها حتى تغاشيت وماخزرتش فيا بالعكس بعد مضي فترة رمات عليا ماء بارد وكي نضت كملت الضرب نتاعها زرقتلي لحمي ربي ستر ما كسرتنيش قاتلي رحتي زنيتي معاه حلفتلها ما صدقتنيش وداتني عند دار صحبتي تتأكد وبهدلتني معاها ومع عائلتها قاتلهم بنتي خامجة وماتزيدش تروح للجامعة كنا في زمان الصيف حرمتني من الماكلة نحاتلي التلفون والنت وولات تغلق عليا الباب وتخرج حتى مرة غفلتها عيطت لبنت خالي عطيتلها الرقم نتاعو وقتلها تقولو مايزيدش يعيطلي وينساني مرة جات عندي بنت خالي قاتلي بالاك تهدى شوية بهدلتني قدامها وقاعدة تقولها ماتزيدش تدور بيا لأني واحدة موسخة بنت خالي م أمنتش قاتلي جامي ضنيت في عمتي دايرة هاكا ماشي لهاد الدرجة بالاك نتي غلطتي كذبتي عليها بصح ماتكونش ردة الفعل نتاعها كامل هاكا لخاطرش راني كبيرة وعندي الحق أني نحب
ولات تقولي أنا عمبالي عندي طفلة وانا عندي فر.. فالدار بومبة تطرطق عليا ولات تعايرني قدام خاوتي وتقلهم هاذي بومبة يا نهار تطرطق علينا وتقولي هادو لكوابس نتاعي علا خاوتي قاتلي كي عين تزوجي ضرك نزوجك ومانحوسش عليك ماحبتش تفهم بلي أنا كي عرفت هاذ الانسان صح الهدف نتاعنا الزواج لكنه مارايحش يكون فهاذاك العام وإنما بعدما يسوي الوضعية نتاعو ويلقا عمل
بعدها راحت للعمرة مع جدي وحلفتني قبل ما تروح فوق المصحف أني نقطع علاقتي بالشاب هاذاك حلفتلها وطلبت في قلبي ربي يسمحلي لأني مجبرة على القسم راحت وخلات عمي وزوجته معانا فالدار
صح قسمت أني نقطع علاقتي بيه لكني ما قدرتش لأنه اتهمني بأني تلاعبت بمشاعر نتاعو وبعد ما تعلق بيا خليتو عندو الحق لأني ماعطيتوش سبب مقنع حكيت لزوجة عمي قاتلي أني نحكي معاه ونحكيلو واش صرالي بعد ماحكيتلو ما صدقنيش لأنه في بالو أن كامل الأمهات في مثل سني يفهمو بناتهم ويحكو معاهم نورمال
كي كانت فالعمرة بعثتلها مسجات نطلب فيها السماح منها وكي نعيطلها تقولي ماتعيطيليش راني مشغولة وكنت نشبع بكاء لأني توحشتها بزاف وكان صوتها برك يريحني نسمعها مليحة أصبحت الوالدة لإخوتي بدون أب ولا أم بعد ما عادت من العمرة لقاتني شريت لخاوتي حوايج العيد وشريت ليا تاني أنا قلت تفرح هي شبعتلي علا لي شريت لروحي بلا مانشاورها قاتلي لقيتي رايك المهم معاملتها ليا تبدلت على قبل وصارت هادئة إلى أن فضحني هاتفي يوما برسالة في يوم عيد ميلادي فعلت بأني لازلت على اتصال به وأخبرها أخي الصغير بأني كنت على تواصل دائم معه فثثارت ثائرتها ونحاتلي الهاتف أشهر
الشاب لم يجد عملا اجتاز عدة مسابقات بدون جدوى حتى خلاصلو السورسي واجب عليه يروح يفوت عامين راح وهو يقولي رايح علاجالك باش كي نجيب بطاقة الإعفاء نلقى خدمة كنت دائما نشجعو وندعي ربي يجمعني بيه
بعد عام بدات تتقلص المكالمات الهاتفية من عنده وكي نسقسيه يقولي ماعنديش الوقت والتلفون ممنوع وين كان مشددة بزاف الحراسة عليهم وكان يشكيلي من سوء معاملة واحد الضابط ويقولي صابر غير علاجالك حتى أسبوع مابانش نعيطلو مايرفدش ومرة رفد عليا صاحبو قالي راه مشغولتخلعت لأنو هو كان يقولي أنا جامي نخلي صحابي يهدرو مع لي راني ناويها لخاطرش شفتهم كيفاش يتعاملو ويولو من بعد يضحكو ونهار نعرفك بيهم تما طيح قيمتي وقيمتك عرفت لي صرات حاجة حبيت نفهم ماقدرتش سمح فيا بلا سبة استسلمت للأمر الواقع ووكلت أمري لله وصليت صلاة الاستخارة بعدها بأشهر أطلعتني ابنة خالي بأن جاره يدرس معها وسألته عنه فقال لها بأنه جرا له مشكل مع ضابط وصلت أنهم أخذوه للمحكمة العسكرية وفوتوه للسجن العسكري بكيت بزاف كي سمعت هاد الشي عرفتها بأني السبب لأني أنا منحوسة كيما تقولي ماما ونحس كامل الناس لي يتقربو مني
فوت عام وانا ناخذ الاخبار نتاعو من عند بنت خالي حتى قاتلي راه فالدار خرج بقرار العفو الصادر عن رئيس الجمهورية بمناسبة 5 جويلية فرحت وعيطتلو فكانت لي الصدمة لأنه الانسان لي حبيتو تبدل وأصبح انسان يائس من الحياة بعد ما كان انسان يحب الدنيا ويعيشها بالمرة ولمليحة نحكي معاه وكأنه انسان آخر وماقطعتش لياس وانا نحاول نخرجه من الكآبة لي كان فيها حتى نهار قالي مالازمنيش نكون أناني ونربطك معايا مع انسان ماعندوش مستقبل بكيت وحاولتو نلقو حل قالي الأحلام نتاعي دمرت وأملي بإيجاد منصب عمل قد تحطم لأنه مسجل كانسان مجرم في السوابق العدلية لأنه حاول يقتل هاذاك الضابط بالسلاح بعدما قام بإهانته وبهذا انتهت قصة حبي بالفشل ودخلت في مرحلة من الكآبة والحزن نقص فيها وزني واصفر وجهي وأصبحت كمثل الهيكل العظمي
صديقتي الحميمة وأختي التي لم أرزق بها قرب يم عرسها وبدأت التحضيرات ولأني كنت صديقتها الحميمة وبحكم قربها لمنزلنا فوت الأسبوع نتاع عرسها معاها نساعدها فتحضيرات العرس وكل ما ندخل عشية للدار نسمع منها وليت ندير روحي مانسمعلهاش غير باش تخطيني ومانجاوبهاش لكنها تبقى تعيط وتسب فيا وتعاير فيا حتى ننفجر ونوض نعيط باش تسكت وليت مانطيقش نسمع كلامها الجارح ومعايرتها ليا كل ما تسمح لها الفرصة نهار عرس صحبتي بطلب منها رحت معاها عند الحلاقة ومشطت ب 1200دج كي جيت للدار ماخلاتليش علاجال الناس رايحة تخليني وواش هاد الماكياج لي رتيه واقيلا حاسبة روحك نتيا العروسة رحت غسلت وجهي من الماكياج بالرغم منذلك كامل قالولي جيتي شابة لأني جامي مشطت وماكييت كي أنا كي لبنات في سني
منها ونسمع غير فالمعايرات هوما يزوجو ويولدو ونتي قعدي تخلي فيا وتديلهم الكادوات هاو وجهي إذا جاو حضرولك
منذ عامين تقريبا عرفت إنسان وليد فاميليا عاقل وقاري رسم الابتسامة على شفتاي وأدخل البهجة لحياتي ورجعت تلك الفتاة الحيوية المحبوبة من طرف الكل لكنه كان يتمم دراسته للماستر أمه تعاني من مرض السرطان وبحكم قربنا من مكان معالجتها اقترحت عليه في يوم من الأيام أن تأتي عندنا قبل أن أتكلم معه عن هذا الاقتراح أمي هي كانت صاحبة الفكرة باستضافة أمه عندنا وعندما أخبرتها استشاطت غضبا وأمطرتني بوابل من الشتائم فكيف لي أن آخذ هذا القرار بدون استشارتها فأخبرتها بأن الفكرة كانت فكرتها في الأصل لكنها أخبرتني بأنها ضد هاته العلاقة وهذا لأنه بدون عمل ومن خارج ولايتنا فأخبرتها بأني أحبه وبأنه سيجد عملا بإذن الله لكنها قالت لي "انت درتي رايك عرضتيها مالا نتي قومي بيها أنا نروح من الدار" أخبرت والدي بأننا سنستضيف والدته فرحب بالفكرة وسعد كثيرا وقال لي بأن لا آخذ على أمي لأنها عصبية
الحمد لله مضت زيارة أمه بخير لأنها قامت بواجب الكرم وحسن الاستقبال
بعد مضي فترة نجح بمسابقة وعليه أن يجتاز تربصا لمدة سنة فأصبحت تضغط علي بأنه إن كان حقا يريدني سيأتي لخطبتي بشكل رسمي لأن أمه كانت قد تكلمت مع أمي بأن ابنها ناوي الحلال
هو كان في التربص والده بعيد عنه 400كلم وأمه في المستشفى تخضع للعلاج الكيماوي لكنها لم تتفهم الأمر حتى حدث بيني وبينه مشكل بسبب هذا الأمر وبالرغم من ذلك لم يتركني بل بالعكس جاء لخطبتي مع والديه وكم كانت فرحتي بذلك اليوم كبيرة لكن فرحتي لم تدم فكما سبق وأخبرتكم إن مر علي يوم سعيد فمرحبا بالشقاء والبكاء
سأحكي لكم
في نهاية الأسبوع وبحكم قرب مكان تربصه من منزلي كان خطيبي يأتي لرؤيتي فأقوم بعمل له بعض الحلويات وغراتان حتى يتعشى به فأصبح أخي الصغير يغار منه بسبب معاملتي له وأصبح يقول لأمي بأني لا أسمح له بأكل الحلويات حتى يتسنى لي تقديمها لخطيبي وتبدأ المشاكل مع أمي "ماتزيديش ديري القاطو من عندي شري صوالح بدراهمك وديريلو" لا علينا قلت لها هذا مكان خلاص وليت نشري وندير من عندي الحمد لله على زوج دورو نتاع التشغيل ومن بعد أواه هادا كثر علا ما وصاوه واش كل سمانة يجي بففففففف كون غير مايجيش
راكم تتخيلو معايا خطيبي مسكين والله العظيم غير عاقل بالبزاف ومانلقاش انسان كيفو يحترمها ويقادرها ويضل يشكرلي فيها ويقولي قوليلها يعطيك الصحة وربي يخليك لينا
راني نحكيلكم فوق فوق لأني كون نذكر كل ما تقوله لي 10صفحات مايكفيوش ولات تقولي نقصي من التلفون هاذا واش دايمن دايمن تحكيو وليتي تخدمي على التلفون أنا الدورو نتاعي ماتزيديش تشوفيه دبري راسك
بحكم أني أصبحت مخطوبة ومثل كل الفتيات بدأت بتحضير التروسو نتاعي جهازي وهنا بدأت المشاكل وهي تتفاقم يوما بعد يوم وهي سبب جعلي كتابة هذا الموضوع لأني سأنفجر ولم أجد لمن أحكي فهي وقبل كل شيئ أمي لا أستطيع أن أحكي لأحد جدتي هي الانسانة الوحيدة التي أحكي لها عن معاناتي لأنها الحضن الحنون طالما أوتني إليها ففي كل مرة تطردني أمي من البيت أذهب لجدتي التي تبعد عنا ب 18كلم فهي تعرف ابنتها حق المعرفة وتصبرني كنت أمكث عند جدتي 15 يوما إلى شهرين في كل مرة لو أحسب الأيام لوجدت بأني مكثت معها أكثر مما مكثت في بيتنا لأني اصبحت وكلما تشاجرت مع أمي أحزم أمتعتي وأذهب عند جدتي بالرغم من أنها قلت لجدتي بأن لا تستقبلني مجددا في لكن جدتي دائما تقف إلى جانبي وتشاجرها من أجلي وتقولها راهي بنتك يا لمهبولة واشبيك اييييييه ي جدتي عمرها 83 سنة الآن ربي يحفظهالي ان شاء الله نهار تروح مانعرف عندمن نولي نروح بالا ك نخرج الطريق كيما راهي دايما تعايرني
بدأت في تجهيزات جهازي بشراء بعض الملابس والحاجيات وكلما خرجت مع أمي بدأت تؤنبني وتنعتني بأني أنانية ففي كل مرة نخرج فيها كل ما أبحث عنه هو لأجل جهازي اشتريت بمالي المتواضع الذي أكسبه من عملي في عقود التشغيل بعض الملابس وكل مرة أشتري بها شيئا وكلما بدأت الحديث معها عن الخطبة لي هي الفاتحة والعرس تقول لي نتي راكي تشوفي غير لفوق لفوق حطي رجليك في ماء بارد مرة قتلها ن شاء الله ندير كيما عرس صحبتي فلانة مافيهش غاشي بزاف وفات مرتب وحالا قاتلي احلمي احلمي نتي أكي عايشة فالأحلام مرة فتنا عند لي يبيع مستلزمات الأعراس علب القاطو قتلها نشري الطبسيات بles bources على الأقل كل مدعو يدي معاه طبسي ذكرى من عرسي خير من العلب نتاع الكرطون وثمنها غالي قاتلي إهيه حاسبة في روحك بنت وزير واقيلا وماخلاتلي ما بقاتلي روح يا زمان تجي تقولي بلي صحبتها تخدم معاها راحت مع بنتها وشراو هاذوك الطباسا باش ديرهم في عرس بنتها وفرحانة بيها قتلها شفتي صحبتي بالرغم من أنها امرأة مطلقة وعندها 4 أطفال توكلهم شراتهم لبنتها وانا نهار قتلك قتيلي واقيلا أنا بنت وزير وراني نشوف الفوق الفوق قتلها يعطيك الصحة ووليت نبكي زعما قاتلي لالا نهدر برك كي يلحق هاداك النهار نشريلك ونديرلك بصح أنا دايما تعاملني عكس واش تقول يعجبكم تزوخ لصحاباتها وتقولهم أنا ماذابيا بنتي نجهزها ليح خصوصا دار راجلها ماعندهمش ماذابيا تدي معاها غسالة الملابس وcuisinier باش تروح مهنية لدار راجلها
كي جات قاتلي ها الكلام أنا فرحت وتخلعت وأمنتها ونقول مسكينة ماما تحبني وانا لي دايمن نشوف فيها بنظرة ماشي مليحة بصح كي قتلها هاد المرة كي نخلص نروحو نشري ناضت ليا قاتلي لالا ماتشريش خبي دراهمك وكي يلحق الوقت تشري وكي خلصت قاتلي خلصي مليون لطبيبة الأسنان لأني عاملة مقوم للأسنان أنا وخويا كمدتها في قلبي وخلصت بها طبيبة الأسنان ومن بعد ولات تحاسبني وين صرفت 1000دج لي مدهالي بابا قاتلي تخدمي على تلفون ضرك نقولو مايزيدش يعطيك دورو وكي نضت ليها قتلها مقوم الأسنان فالصح نتي لي تخلصيه ماشي أنا لخاطرش بابا خلص نتاعي وهاديك مليون نتاع خويا ناضت تعيط وانا مانيش نشريلك وقليل ما درتلك وعملتك المهم هادي حكايتها على العام تنوض تعيط وتقولي قليل ما درتلك وعملتك وتجبدلي بالحاجة وتحاسبني بالدور لي صرفاتو علياحتى كرهتلي حياتي دائما نسمع نفس الكاسيطة قتلها ماتزيديش تصرفي عليا ما نسحقش اخطيني برك
قبل ما نتخطب فوت عام بدون عمل وليت نروح نخدم serveuse فلعراس باش نجيب هاديك 1500دج لي يمدوهالي نصرفها على روحي وما نقولهاش مديلي لأنها المشكل كي نقولها مديلي تمدلي ومن بعد تحاسبني بالدورو واش شريت بيها وتبدا تعاير فيا وتقولي أنا راني نخدم باش تقيسيهم نتيا على التفاهات
وليت نحشم كي نحضر عرس ونلقا واحدة تعرفني تقولي واش راكي ديري نقولها بلعاني عرس صحبتي ولازم نوقف معاها غير باه ما نتفضحكش كيفاش يماها تخدم وباباها لاباس بيهم وانا طفلة واحدة نجي نخدم serveuse ماكانش منها يحسبو فيا عايشة مثل الأميرة ههه لي يقولك المظاهر خداعة أنا عايشة بالهف شيعة بلا شبعة والله العظيم
نزيدلكم حاجة تخلعكم مليح كي وليت نروح نشري الملابس الداخلية أنا نحسب فيها تشوف معايا وهي الحاجة لي نخيرها تقولي شابة وتشريها ليها هي إيه يا خواتاتي تشريها لروحها عندها 52 سنة ولات تشري ف..... وف es ensembles وشرات حتى بينوار ب 4800دج أنا حسبتها تشوفو ليا كي رحت معاها قاتلي نديه ليا سك وخليتها في قلبي مول الحانوت يحسب أنا رايحة نشريه وانا باش م نبهدلهاش مع مول الحانوت حكمت الساشي وقالي بصحتك تلبسيه بالهناء قتلو يسلمك وكي خرجنا مديتلها الصاشي كاين أم تغير من بنتها لها الدرجة وين كنتي من قبل علاش ماكنتيش تشري بانتلك كي وليت أنا نشري وتقولي دايم أنانية
المهم البارح افتحت فاليزتي لي مخبية فيها واش نشري زعما حبيت نصورهم باش نحطهم هنا فالمنتدى لقيت بزاف صوالح ماكانش هبلت تعرفوا واشنو هبلت قلبي خبرني بلي باعتهم لأنها كانت مرة على مرة كي يجيبولي حاجة من فرنسا تديها تبيعها وما تعطينيش دراهمها قلت أكيد باعتهم دخلت في حالة هستيرية والله العظيم كون كانت قدامي بالاك نقتلها عيطتلها قتلها وين راهم صوالحي قاتلي كي نجي للدار نهدرو قتلها ضرك تقوليلي وين درتيهم وانا ندعي ربي ماتكونش باعتهم قاتلي بعتهم خبطت التلفون كسرتو عاودتلي فالتلفون نتاع الأرضي وليت نعيط عليها ونقولها نتي ماشي يما عدوتي مستحيل تكوني يما لي ولدتني وخبطت التلفون كسرتو تاني نتاع الأرضي رحت جبدت كامل حوايجها رميتهم على الأرض خلاص وليت نشوف ظلمة يا خاوتي أنا ومانيش مامنة بلي أنا كنت ندير هاكاك أنا الفتاة الهادئة والعاقلة وليت مجنونة بأتم معنى الكلمة
ياناس الأم لي نورمالمون هي تزيدلي وتشريلي أنا نشري وهي تديهم تبيعهم لصحاباتها هوما يشريو يدو لبناتهم وانا تعري فيا علاش يا ربي واش درت أنا في حياتي باش تعاقبني هاكا
عيطت بكيت صرخت وما بردش قلبي دخلت للدوش دوشت قلت نطفي النار لي في قلبي لخاطرش كنت قادرة بالغضب هاداك ندير حاجة نندم عليها صدق رسول الله (ص) عندما قال "ليس الشديد بالصرعة وإنما الشديد من يمسك نفسه عند الغضب"
بعما خرجت من الدوش قلت لخوي يعطيلها ويقولها لوكان ما تجيبهمش معاها اليوم رايحة نخرج من الدار وماتزيدش تشوف وجهي نهائيا كي قالها قاتلو قولها من بعد نخلفهملك كي نجي ماديرش السيليمات قدام بابا لخاطرش علابالها ظالمة ورايح يجي معايا
خصوصا أنهم معندهمش فترة من لي تصالحو بعد ما وصلو للطلاق وكنت أنا سبب رجوعهم لبعض دارولي ضربة ماكنتش نسناها راكم تشوفو راني نخلص على الفرحة نهار تخطبت
كي تخطبت جاهم الطلاق باش يبهدلوني مع أهل خطيبي لي يشوفو فين العائلة السعيدة والمتماسكة ==المظاهر خداعة
كي دخلت أنا ماحبيتش نهدر معاها دخلت للغرفة نتاعها لقات ملابسها فالأرض راحت للكوزينة تهدر وحدها وتقول أنا ماعنديش طفلة عندي يهودية فالدار وتمتم استشطت غضبا ورحت قابلتها وفرغت قلبي كلمات خرجو من فمي كي السم قتلها على لي شرات لروحها وانا نحسب فيها تشريلي ليا قاتلي نتي أنانية تحبي روحك برك فرغت قلبي وانا فحالة هستيرية بدات تضرب فيا جا بابا سلكني وكي قالها نتي علاش رحتي بعتيلها صولحها ربي يسهل عليها نتي واش دخلك فيها ياخي دراهمها قاتلو ماشي شابين تديهم لديار الناس يضحكو عليها من بعد ناضت تبكي وتقول ماعنديش بنت عندي يهودية نوكل عليك ربي ومانسمحلكش لا دنيا لا آخرة وعايرتني حتى بخطيبي بلي فقير وماعندو والو لتم بابا قالها وليد الناس ماعندو ما ارل علاه تجبدي فيه قاتلي نعيطلو ونحكيلو كامل واش درتي ونقولو لي.... وماتسوايش ما تنخلعوش ماشي أول مرة تسبني بها الكلام قدام بابا حتى هو والا فالرايحة والجاية يطيحلي ويقولي وحتى خويا الصغير سبني قدام جدي وجدتي وخوالي واحد ما يحترمني فالدار بسبتها هي لوكان غير صح جيت هاكداك قتلا جارنا بنتو ولدت فلحرام بلا زواج وراه يربي في حفيدته وستر بنتو ونتي تفضحي فيا وديري فيا دعايات لوكن غير صح ياخي سقسو برا عليا واش يقوللكم الناس كامل يقولو ماشاء الله يقولو راسها ما ترفدوش من الارض لأني كي نمشي نحب نكون invisible باش حتى واحد ما يتبلاني والحمد لله قاتلي قليل م درتي تفكر فيا نهار رحت حضرت حفل التخرج وكأنني رحت للكباري حاشاكم مارحتش لجامعة هي سبتني وشتمتني بكامل الأوصاف وانا رجعتلها ومن بعد غلقت الباب عليا وبقيت نبكي حتى راسي والا يوجع من البكاء ورقدت شوية
ماكليتش نهار كامل من قهوة الصباح نضت صليت ووليت نرقد
وليوم ناضت تحوس على شهادة الميلاد البيومترية مالقاتهاش ناضت دارت حابورة فالدار وناضت مع بابا قاتلو نتا ديتهم نهار رحت من الدار وناضت تلوم فيه وتقولو علاش رجعت كون غير طلقت راني مهنية ضركا قالها نتي رجعتيني قاتلو لالا اليهودية هي لي رجعاتك الأنانية تخمم غير فروحها واش يقولو عليها الناس وواش يقولو موالين خطيبها بلي مواليها مطلقين قاتلو كامل علاجالها
غلقت الباب وبديت نكتبلكم حتى زاد الصوت رحت حوست لقيتلهالها ناضت ليا قاتلي نتي خبيتيها وبدات الشتائم والسب ودخلت في حالة هستيرية من البكاء وتقول نقتل روحي أنا ماعنديش دراري ماعنديش راجل مانديش دار رحت نهدنها طبعتني وقاتلي اتهدريش معايا ومانسمحلكش لا دنيا لا آخرة وهاو وجهي لا ربحتي وشفتي الربح
كانت معولة تخرج من الدار بابا ماخلاهاش إمالا دخلت لغرفة غلقت عليها
وانا من قبيل وانا نكتبلكم فها الموضوع سمحولي بزاف طولت عليكم هادي حياتي حطيتها بين ايديكم تقراوها ما قدرتش نصبر لازم نخرج والا رايحة نطرطق مافهمتش واش راه صاريلنا علاه حنا ماشي كيما كامل العائلات حنا دايمن المشاكل تبهدلنا مع الجيران من العياط نتاعنا
شحال من مرة نقولها ماما ماناش ملاح حاسة بينا حاجة نروو نرقيو لأنه صراو معانا مصائب ماشي نورمال تخيلو معايا
خويا الوسط عندو 14سنة وبسلامتو ايب روحو يعني يبان عندو 20سنة حساب الطول نتاعو خرج باش يدير l'etudes بحكم رايح يجوز شهادة التعليم المتوسط على ال16 لحقت 18.20 ماجاش عيطنا للأستاذة لي يقرا عندها قاتلنا ماجاش اليوم حوسنا عليهم عيطنا فالتلفون مغلق بابا دار كامل المدينة لي نسكنو فيها أنا خرجت نجري كي المهبولة نحوس علا صحابو وجوارين لي شافوه مالقيناهش حتى لحقة الثامنة والنصف ليلا حكمو بابا فالتلفون قالو راهم خطفوني زوج وقاسوني ف...... المدينة وين تسكن جدتي وقالو راني رايح عند جدتي راح بابا يجري جابو حكالنا بلي واحد فطونوبيل سقساه كي خزر فيه باش يهدر معاه جا واحد من ظهرو دخلو فطونوبيل ومافاقش كامل واش صرا من بعد واش تفكر بلي السائق حبس في منطقة غابية وهبط حكا مع شاب آخر هاذاك الشاب خزر في خويا وروشلهم يعني عمل براسو لالا وحطوه فمنطقة خالية من السكان فالمدينة لي تسكن بها جدتي
أنا وليت نشك ماشي نورمال واش راه يصرا معانا فالدار قلت لماما نروحو نرقيو ماحبتش تقولي أنا نصلي وراني لاباس بيا بص أنا شاكة فيها حابة نحي هاذ الش والوسواس لي يقولي بينا سحر علابالي راني متعلمة وملتزمة بديني والحمد لله السحر ذكر في القرآن حاجة مفروغ منها حابة نحي الشك أنها ماشي من السحر لكن ماحبتش تقتنع بالفكرة جملة وتفصيلا وهاذا لي زاد الشك فيا لي بيها حاجة وإلا علاش تصمم باش مانروحوش نرقيو
خصوصا أن الراقي لي نعرفوه إمام مسجد ودارس شريعة وليس جدالا مثل بعض ممن يتاجرون بكلام الله
إخوتي هذه بعض من حياتي قصصتها لكم وكلي أمل في نصائحكم والدعاء لي ولوالدتي بالهداية
لأنه ماراناش نفاليو للخير إذا بقينا في هاذ السيرة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
خيرا إن شاء الله
أولا علينا أن نتفق بأن الإنسان ما وجد في الدنيا إلا من أجل إثبات جدارته بالجنة، والجنة تحت أقدام الأمهات
وفي واقع الحال يتبين أن أمك تبالغ فعلا في ردت فعلها معك ويبدو أنها تعاني من ضغط من جهات مختلفة مما يجعلها تفرغ ذلك الضغط فيك، ولا أعتقد أن الأمر له علاقة بكرهك فهناك إشارات واضحة تدل أنه يوجد بداخل أمك نبع من الحنان إلا أن التعبير عنه يأتي بطريقة خاطئة قد تصل إلى درجة النرفزة مما يجعلك تستغربين تصرفاتها
ودليلي على الضغط الذي تعيشه أمك هو وصولها للطلاق مما يدل أنها تعاني من مشاكل مع زوجها بالإضافة لعملها الذي يضاف إليه عمل البيت وبتالي تشعر بالتعب والإرهاق الذي ينعكس على تصرفاتها
غضبها في بعض المواقف مبرر حتى وإن كان مبالغا فيه مثل: حثها لك من أجل النجاح في البكالوريا فلو كانت تكرهك لعملت على خسارتك أو منعك من الدراسة يضاف إلى ذلك استسلمها للاختصاص الذي تريدينه فلو كانت تكرهك لا عاندت وأصرت، وكذلك غضبها عندما علمت أنك على علاقة مع ذلك الشاب وتصرفها صائب تماما رغم أنني لا أنكر أنه مبالغ فيه.
ففي الوقت الراهن الرجل هو من يطرق الباب ولا علاقة قبل الزواج إلا تلك التي تكون في النور بعلم الأهل
يبدو أن شخصيتك وشخصية أمك لا تلتقيان فهي سريعة الغضب وانفعالية لحد كبير وأنت حساسة وعاطفية لحد كبير
وحل هاته المشكلة بسيط جدا ويحتاج إلى صبر ورغبة في الوصل إلى الهدف والالتزام بخطة معينة وانتظار الفرج من الله وذلك بالدعاء والالتزام بطاعته:
- عليك أن تتعاملي مع أمك بهدوء ولا تحاولي نرفزتها إن كانت غاضبة بل دائما إعطي لها الحق وغلطي نفسك حتى وإن كنت أنت على حق، وعندما تهدأ حاولي أن تحاوريها.
- عليك أن تستشري أمك في كل صغيرة وكبيرة حتى تشعر أنها محل ثقة منك وأنها ما زالت هي الأم صاحبة القرار على أبناءها.
- عليك أن ترفعي عنها أعباء البيت وتساعديها فيه وتظهيري لها مدى حزنك على تعبها وشقاءها خارج المنزل وفي المنزل.
- عليك أن تهيئ لها جو مريح وتطهي لها ما تحب من الأكلات والحلويات.
- قدمي لها الهداية وقبليها وعبيرعن مدى حبك لها دون خجل وأشعريها بأنها الأم التي تمنيتها.
- إقترحي على والدك بأن ينضم رحلات من الحين والآخر خاصة تلك التي تكون في الطبيعة.
- عليك بكثرت الدعاء بأن يصلح الله علاقتك بأمك وحاولي أن تتصدقي بما تستطعين لأجل ذلك
الأم مهما فعلت يبقى في داخلها نبع من الحنان علينا أن نبحث عنه بذكاء حتى نرتوي منه ... ولن نرتوي
ربي يسعدك بأمك وأمك تسعد بيك - أمين يارب العالمين
بالتوفيق إن شاء الله
__________________________________________________ __________
>>>> الرد الثاني :
المشاركة الأصلية كتبت بواسطة فارس الجزائري 
السلام عليكم
خيرا إن شاء الله
أولا علينا أن نتفق بأن الإنسان ما وجد في الدنيا إلا من أجل إثبات جدارته بالجنة، والجنة تحت أقدام الأمهات
وفي واقع الحال يتبين أن أمك تبالغ فعلا في ردت فعلها معك ويبدو أنها تعاني من ضغط من جهات مختلفة مما يجعلها تفرغ ذلك الضغط فيك، ولا أعتقد أن الأمر له علاقة بكرهك فهناك إشارات واضحة تدل أنه يوجد بداخل أمك نبع من الحنان إلا أن التعبير عنه يأتي بطريقة خاطئة قد تصل إلى درجة النرفزة مما يجعلك تستغربين تصرفاتها
ودليلي على الضغط الذي تعيشه أمك هو وصولها للطلاق مما يدل أنها تعاني من مشاكل مع زوجها بالإضافة لعملها الذي يضاف إليه عمل البيت وبتالي تشعر بالتعب والإرهاق الذي ينعكس على تصرفاتها
غضبها في بعض المواقف مبرر حتى وإن كان مبالغا فيه مثل: حثها لك من أجل النجاح في البكالوريا فلو كانت تكرهك لعملت على خسارتك أو منعك من الدراسة يضاف إلى ذلك استسلمها للاختصاص الذي تريدينه فلو كانت تكرهك لا عاندت وأصرت، وكذلك غضبها عندما علمت أنك على علاقة مع ذلك الشاب وتصرفها صائب تماما رغم أنني لا أنكر أنه مبالغ فيه.
ففي الوقت الراهن الرجل هو من يطرق الباب ولا علاقة قبل الزواج إلا تلك التي تكون في النور بعلم الأهل
يبدو أن شخصيتك وشخصية أمك لا تلتقيان فهي سريعة الغضب وانفعالية لحد كبير وأنت حساسة وعاطفية لحد كبير
وحل هاته المشكلة بسيط جدا ويحتاج إلى صبر ورغبة في الوصل إلى الهدف والالتزام بخطة معينة وانتظار الفرج من الله وذلك بالدعاء والالتزام بطاعته:
- عليك أن تتعاملي مع أمك بهدوء ولا تحاولي نرفزتها إن كانت غاضبة بل دائما إعطي لها الحق وغلطي نفسك حتى وإن كنت أنت على حق، وعندما تهدأ حاولي أن تحاوريها.
- عليك أن تستشري أمك في كل صغيرة وكبيرة حتى تشعر أنها محل ثقة منك وأنها ما زالت هي الأم صاحبة القرار على أبناءها.
- عليك أن ترفعي عنها أعباء البيت وتساعديها فيه وتظهيري لها مدى حزنك على تعبها وشقاءها خارج المنزل وفي المنزل.
- عليك أن تهيئ لها جو مريح وتطهي لها ما تحب من الأكلات والحلويات.
- قدمي لها الهداية وقبليها وعبيرعن مدى حبك لها دون خجل وأشعريها بأنها الأم التي تمنيتها.
- إقترحي على والدك بأن ينضم رحلات من الحين والآخر خاصة تلك التي تكون في الطبيعة.
- عليك بكثرت الدعاء بأن يصلح الله علاقتك بأمك وحاولي أن تتصدقي بما تستطعين لأجل ذلك
الأم مهما فعلت يبقى في داخلها نبع من الحنان علينا أن نبحث عنه بذكاء حتى نرتوي منه ... ولن نرتوي
ربي يسعدك بأمك وأمك تسعد بيك - أمين يارب العالمين
بالتوفيق إن شاء الله
جزاك الله خيرا وجعلها في ميزان حسناتك
__________________________________________________ __________
>>>> الرد الثالث :
لم يمنعني طول القصة من قرأتها كاملة
ففي كل مرة اجد نفسي اريد ان اعرف بقية الاحداث
..
اختي الكريمة
احيّ فيك صراحتك وقول كل ما يختلج في صدرك من احزان والآم
والشيء الجميل في هذا القسم ان الواحد منا يتحدث بكل اريحية
..
لا اخفيكم اخوتي الأعضاء فأحيانا تجدني مبتسم لبعض العبارات واحيانا اخرى
اجد قلبي يعتصر لما مرّت به اختنا وتمر به من حال صعب
..
لم اجد الكلمات لأعبر عن مدى احساسي
بما تمرين به اختي الكريمة
وما ذكره اخي فارس شيء جميل فدائما يجب ان نعامل الآخرين باخلاقنا لا بأخلاقهم ثم ان هاته المراة امك ووجب عليك ان تبريها وتحسني اليها
..
اختي الكريمة كل ما مررت به من مآسي واحزان
جعل منك فتاة ولا كل الفتيات
فبالنظر الى الجانب المشرق من هاته الاحداث نجد هاته الاخيرة
قد جعلت منكِ فتاة ناضجة قادرة على تحمل المسؤولية
في المستقبل ..
اسأل الله ان ييسر امورك
ويصلح حالك
ويهنيك ويسترك وبنات المسلمين
آمين
__________________________________________________ __________
>>>> الرد الرابع :
اسال الله العظيم ان يفرج عليك ويكملك في زواجك وتفرحي ان شاءالله ويعوضك ربي
__________________________________________________ __________
>>>> الرد الخامس :
لم يمنعني طول القصة من قرأتها كاملة
ففي كل مرة اجد نفسي اريد ان اعرف بقية الاحداث
..
اختي الكريمة
احيّ فيك صراحتك وقول كل ما يختلج في صدرك من احزان والآم
والشيء الجميل في هذا القسم ان الواحد منا يتحدث بكل اريحية
..
لا اخفيكم اخوتي الأعضاء فأحيانا تجدني مبتسم لبعض العبارات واحيانا اخرى
اجد قلبي يعتصر لما مرّت به اختنا وتمر به من حال صعب
..
لم اجد الكلمات لأعبر عن مدى احساسي
بما تمرين به اختي الكريمة
وما ذكره اخي فارس شيء جميل فدائما يجب ان نعامل الآخرين باخلاقنا لا بأخلاقهم ثم ان هاته المراة امك ووجب عليك ان تبريها وتحسني اليها
..
اختي الكريمة كل ما مررت به من مآسي واحزان
جعل منك فتاة ولا كل الفتيات
فبالنظر الى الجانب المشرق من هاته الاحداث نجد هاته الاخيرة
قد جعلت منكِ فتاة ناضجة قادرة على تحمل المسؤولية
في المستقبل ..
اسأل الله ان ييسر امورك
ويصلح حالك
ويهنيك ويسترك وبنات المسلمين
آمين
بارك الله فيك وجعلها في ميزان حسناتك كذلك
رد مع اقتباس
