عنوان الموضوع : و فعلا حاب يهبلني
مقدم من طرف منتديات العندليب

السلام عليكم
بداية شكرا لردودكم ربي يجازيكم كل خير على موضوعي
مجنون و الا حاب يهبلني فهموني
انا ما نقدرش نحكي لاهلي على بيها راني نحكيلكم و يا رب تدلوني هاد المرة لاني فعلا احترت و تعبت
خطيبي رفض يفرلي تصرفاته السابقة و طلب السماح و عادي انا غلقت الموضوع
و اللي زاد دارو هاد المرة حرق قلبي
كنا نحكـيو قالي انتي واش احساسك ليا مع انو متأكد و احنا ارتبطنا عن حب (و لم اقل علاقة) قلتو راني طول عمري انتظرت انت بالذات و متـمسـكة بيك و مهما يصرا راني معاك
تعرفو رد فعلو صار يضحك بطريقة هستيرية و كأنو جانبو شخص يدغدغ فيه و كانو يسـتـهزء
حسيـت قلبي يحـتـرق و حسيــتو يتـمسـخر و ما فهمت والو
قطعت الاتصال و بكيت بكيت حتى عييت

يا رجال يا خاوتي فهـموني واش صار مـــعاه .. علاه راه يــدير هكــذا ..و الا راني نبالغ ؟ هذي تصرفات عادية ؟
لوكان نخليه نار و لوكان نكمل حاساتو كانو يتعمد يحرقني
و هو رافض يشرح واش صاري معاه و اذا واجهتو غير يطلب السماح

فهموني ربي يحميكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بصراحة اختي خطيبك مازال غير ناضج و ذو تصرفات صبيانية

لا تملي من الاستخارة و ألحي في الدعاء لأنه شخص كيما هذا أشك في انه قادر على ان يكون شخص مسؤول عن دار و أسرة

__________________________________________________ __________

>>>> الرد الثاني :

يااختي انا عييت معاك ومفهمتش وش بيه
ان شاء الله تلقاي الحل معاه

__________________________________________________ __________

>>>> الرد الثالث :

اعتقد ان عقله لم يكبر و مازال صغيرا يفكر في الأشياء التافهة و لا يأخذ الأشياء المهمة بجدية ربي يكون في عونك أختي. و ربي يهديه و يحس بيك أمين

__________________________________________________ __________

>>>> الرد الرابع :

اختي حرت شحال في عمرو هادا


يبان دراري و كيفاش راح تعيشي مع واحد مزاال ذر في عقلو


الله يهديه


__________________________________________________ __________

>>>> الرد الخامس :

ما خليتيوا حتى حب لبعد الزواج .

كوني قويّة واتركيه فترة لاتكلّميه ولا تتصلي به وانظري ماذا يفعل

وعليك بالاستخارة أنت في أشدّ الحاجة لها ورب يدلك للخير