عنوان الموضوع : زوجي قلبه ميت مشكلتي
مقدم من طرف منتديات العندليب

السلام عليكم
اليوم حبيت نطرح مشكل هو انه زوجي كان يحبني بجنون نهار اللي ماحبيتش نقبل يبكي بالدموع وقدام اهله درك ثان يبينلهم بلي يحبني ونحسو صح بصح درك ماعاتش على بالو بيا اصلا حتى انه كان عندي الم في الثدي تاعي الطبيبة دارتلي راديو وقالتلي عندك كيست وكان عندها شك المهم طلبت راديو اخر وانا خايفة ونبكي وهو ماعلابلوش اصلا انا نحط الرلاقية وهو ينحي الرقية ويحط الغنا
ونهار الحسم ورحت ندير راديو وانا نترعد لايكون عندي مرض خطير رحت مع جارتي ماهزش تيليفون وماسقصاش عليا حتى بعثتله ميساج قلتله سقسي عليا حتى قدام الناس
وكي جا قالي كانت عندي خدمة كبيرة كي هزيت البورتابل تاعو لقيتو الوقت هاذاك كان يهدر مع صحابو على حاجة مليحة ليه كان يستنى فيها
مافهمتش اذا كانت ناس منا ومنا تسقسي وتعاود وهو لا
راهو في نظر الناس طيب ومتخلق بصح معايا كان هكاك وتبدل معايا لدرجة انه مرض خطير كيما هكا وماسقساش عليا
قلتله رقي بلاك كاش ماكاين سحر ماحبش حتى الصلاة كان ملتزم وبطلها
انا راني طول بالرقية الشرعية في الدار ومع الدعاء والاستغفار
بالاربي يفرج بصح تاع المرض تاعي وماحوسش عليا ماننساهاش على طول عمري


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أولا أتمنى لك الشفاء العاجل ، ثانيا تقولين أن زوجك إنسان جيد في كل الأحوال ، ومع مرور الوقت تغيّر ، لا بد من أسباب دفعته لكي يغيّر سلوكاته معك ، حاولي أن تبحث عنها . والله الموفق .

__________________________________________________ __________

>>>> الرد الثاني :

السلام عليكم ورحمة الله
سبحان مغر الأحوال من حال لحال حتى مع صلاتوا أمر غريب أختي
نسأل الله له الهداية اما انت سامحيه هذي المرة
وربي يسهلكل حاجة صعبة

__________________________________________________ __________

>>>> الرد الثالث :

قستيني بالموضوع تاعك

و الله كلش في كفة و الصحة في كفة اخرى

ربي يشافيك و طهورا ان شاءالله هذي الاولى اللي تهمك

اما زوجك لوكان تبدل عليك نتي برك نقول بالاك المشكل فيك لكن مادام قصر في حق خالقو بترك الصلاة اسمحيلي هذي حاجة كبيرة

انتي اللي عليك انك تدعي ربي يشفيك و يهديلك راجلك ساعفيه و استغفري و ادعيلو دايما ربي يثبتو على دينو و كي يرجع لربي سبحانو

راهو اكيد يرجع ليك

ربي يفك كربك و ييسر امورك ان شاءالله

__________________________________________________ __________

>>>> الرد الرابع :



ربي يشافيك و يفرج عنك همك و غمك

__________________________________________________ __________

>>>> الرد الخامس :

السلام عليكم
أختي شفاك الله وعافاك أولا
ثانيا زوجك لم يرحم نفسه وتريدين منه أن يرحمك ؟؟؟؟؟؟
هو ظلم نفسه قبل أن يظلمك بتركه للصلاة وبعدها أتت باقي الأمور التي لا تعجبك .
الحل

في العودة للبدايات
الصلاة حاولي كيف تعيديه لها وستصلح باقي الأمور منها الأهتمام بك ...
كان الله في عونك وهدانا جميعا وأصلح الأحوال
والسلام