عنوان الموضوع : ضائعة مشكلتي
مقدم من طرف منتديات العندليب

السلام عليكم
ضائعة حقا
انا طالبة بكالوريا 2015 كنت الحمد لله في الثلاثي الاول نقرى و نجتهد بصح صفعة المعدل 11 بعد ما كنت نجيب 16 هلكتني و خلاتني فاقدة الثقة بنفسي و من شهر ديسمبر و انا نعيش معاناة نفسية و الوساويس القهرية لي حكمتني خلاتني نضيع ديسمبر جانفي و فيفري و ماشي غير معدلي لي خلاني نتهلك كاين ثني ليكور كي بدلت من شيخ لشيخ و من بعد ما عجبنيش لي بدلت عندو و رجعت للقديم قالي ممنوع يعني عشت اوقات رهيبة و اليوم تغلقت الابواب و بابا و ماما في معاناة عظيمة معايا ماما تشكي بقلبها و بابا يجري باه يردني نقرى و انا في وضعية يرثى لها يعني الدروس فاتوني و التلاميذ بدلو نظرتهم ليا و تعقدت من القسم قالي بابا نديرلك شهادة طبية تقعدي في الدار بصح ما قدرتش نقعد في الدار و ما قدرتش نروح للقسم كامل فايتيني يضحكو و انا نشوف معاهم قصدي التلاميذ ..........زرت طبيب نفسي ما حكاش معايا بزااف قالي عندك وسواس مدلي دواء بصح ما بدلنيش غير هدأني برك هدا الدواء و صدقوني عندي افكار سوداء لدرجة لا يتقبلها عقل انسان تعيشو راني في هلاك كبير يعلم بيه غير ربي عاونوني كفاه ندير راهي ماما تموت و بابا يبكي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ya okhti Allah yahdik w yhanik ma tkhamich haka ,hada BAC bark machi el jenna ,3la bali kifach dayer el takhmam dial el BAC bessah sahtek w sahat waldik awalan,khami mlih w sali w astaghfiri hada raho ghir el chittan yal3ab bik w ydirlek el wasswass twakli 3la Allah w a9ray wahdek fi el dar ,ana fi BAC diali wallah hata l chhar may bach dert les cours kont na9ra wahdi fi dar kol youm meli nji mel lemssid hata 12 dial lil w desfois nbakar w nhal el mo3adalat w ndir el ma9alat ,jibi les sujets dial el BAC w halihom wahdek fi dar w doka rahom kaynin el kotob achkal w anwa3 wallah ani hassa bik bessah hadi tjz tjoz bi idn Allah Rabi ywaf9ak

__________________________________________________ __________

>>>> الرد الثاني :


أنصحك بالابتعاد عن متاهة الأدوية فلا تنساقي ورائها .
مشكلتك القليل من الإرادة والتي تنبع من داخلك أنت هيا انفضي عنك التكاسل وانهضي من جديد الفرصة مازالت أمامك للنجاح راجعي وحلي التمارين بكثرة مع الحفظ ومساعدة دروس الدعم باذن الله سيكون النجاح حليفيك ولازم تخبرينا بنجاحك ونشاركك الفرحة يااااارب والسلام عليكم


__________________________________________________ __________

>>>> الرد الثالث :

يا ختي راكي صغيرة ألتهاي بدارستك فقط
أكيد كاين أمور عاطفية خلاتك هكذا تتحولي


__________________________________________________ __________

>>>> الرد الرابع :

ليتني اعرفك او لديا وسيلة اتصال بك لقلبتك راسا على عقب ونخليك تقراي باذن الله بصح للاسف معنديش وسيلة اتصال بك انا تاني باك ربي يوفقك انا راني روتار وماشي ندير في دروس دعم لكن الحمد لله

__________________________________________________ __________

>>>> الرد الخامس :

أتمنى لك الشفاء يا أختي و لكن أظن أن هناك أمور أخرى تفكرين فيها لذا اجتنبي هذه الأمور مهما كانت و فكري في دراستك فقط و ستلاحظين بـأنك ستتغيرين فأنا أيضا طالبة مثلك و أتمنى أن تأخذي نصيحتي.