عنوان الموضوع : واش ندير تم حل المشكلة
مقدم من طرف منتديات العندليب

السلام عليكم
انا رايحة نحكي حكايتي وباختصار
انا عندي مدة تعرفت على شاب و من بعد بعدت عليه و دركي راه عندي عامين و هوا مزال يحوس على نيميروو انتاعي و يحوس يهدر معايا ف الحقيقة جا خطبني و اهلي ما قبلوش و هوا ما قطعش الامل ره مزال يكلم فيا و كل مرة بنيميرو جديد
واش ندير معاه نحكي معاه و نقولو يا بن الناس متزيدش تكلمني ولا منربونديش كامل عليه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بسيطة جدّا غيّري رقم هاتفك وإذا عثر عليه أخبري والدك بالأمر وهو يعرف كيف يصرفه عنك .
أمّا أنت فلا تكلّميه فسيتحجّج بأيّ حجّة لجعلك تكلّمينه وربّما سيستدرجك لأشياء أخرى والله أعلم .
كان الله في عونك والسلام عليكم .

__________________________________________________ __________

>>>> الرد الثاني :

ديري كيما قاتلك الاخت يسرى ولا بلا ماتبدلي نوميروك قوليلوا انساني ومتزيدش تعيط في هدا النوميرو ربي يبعد عليك العين ان شاء الله

__________________________________________________ __________

>>>> الرد الثالث :

ايه جاوبيه قوليلو متزيدش كامل تعيطلي

ادا فهم بالعقلية مليح سينو احكي مع احد اخوتك واخبيريهم بالامر اوحتي مع الاب و هو يعلم جيدا كيف يتصرف

__________________________________________________ __________

>>>> الرد الرابع :

غيري رقم الهاتف نتاعك ولا تكلميه نهائيا سيستعطفك ويستدرجك قلنا خلاص شوف جهة أخرى الفاهم من غمزة وإذا كلمتيه أنت تحوسي عليه ماشي هو.... سلام

__________________________________________________ __________

>>>> الرد الخامس :

قلتي راه يحوس على النيميرو نتاعي وقلتي مازال يهدر معاي كل خطرة بنيميرو جديد معناه راكي مديتيلو نيميروك

سمحيلي ربما بدون قصد راكي تمديلو في الامل وحتى لوكان مازلت تحبيه والديك ماراهمش راضيين وووالديك يعرفو

صلاحك خير منك انسيه وربي يرزقك خير منو