عاجل صديقتي بين الحياة و الموت مشكلة

[imilla]

عنوان الموضوع : عاجل صديقتي بين الحياة و الموت مشكلة
مقدم من طرف منتديات العندليب

السلام عليكم
في الحقيقة هي مشكلة عويصة لصديقتي هي هاد العام عندها باك و قرات الشهر الاول كي مرضت امها مرض عضال اضطرت بصفتها الوحيدة عند امها باه تقعد في البيت و تساعدها و اليوم امها بين الحياة و الموت و راهي تقولها اقراي للباك تاعك و لازم تنجحي و هي حايرة كفاه تعوض و كفاه تقرى و امها في هاد الحالة و مع ما حضرتش 5 اشهر للدراسة ارجوكم كفاه نقدرو نعاونوها راهي بين الحياة و الموت هي و امها انا كصديقة اقترحت عليها تحط شهادة مرضية كي يقرب الباك و ما تفوتش و العام الجاي تعاود و تحقق حلم امها راهي على فراش الموت يا الخاوة واش رايكم في الحل تاعي ليها ؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام علييكم

انا مع الحل الذي اقترحتيه لحظات مع الأم لا تعوض و خاصة اذا كانت في فراش الموت

خليها تقوم بأمها فالعناية بالأم لا تعوض فاذا قدر الله لها الرحيل تفعلى الأقل درات واجبها نحوها و متندمش مبعد و تقدر تعاود العام القادم

او ممكن يكتب الله لها الشفاء فالأعمار بيد الله


ربي يشفيها و يوفق أختك ان شاء الله

__________________________________________________ __________

>>>> الرد الثاني :

الله يشافيلها يماها وجميع مرضى المسلمين آمين يا رب ... الحل ديالك يا ختي هو الصواب تعتني بيماها مدامها هي الوحيدة ليها و العام الجاي تسجل وتجوزو ونشالله تجيبو

__________________________________________________ __________

>>>> الرد الثالث :

ربي يعيينك على هذا الشئ ويفرج عليكم اللهم لا سهل الا ما جعلته انت سهل فسهل اللهم على هذه الاخت امرها وخفف عيئها أمين

__________________________________________________ __________

>>>> الرد الرابع :

حل رائع ، حالتها النفسية لا تسمح لها بإجتياز إمتحان البكالوريا ، والإستعداد النفسي هو أحد أهم العوامل الأساسية للنجاح ، أما والدتها دعائكم يا إخوان ويا أخوت للشفاء العاجل يا رب ، أتمنى لها شخصيا كل الراحة انفسية والتوجه العلمي مازال المشوار طويل ، والله الموفق .

__________________________________________________ __________

>>>> الرد الخامس :

الباك بحر عليه الى راح سنا العام الجاى تعاودو بصح يماها راهى متتعوضش وهاذى مافيها حتى نقاش لازم عليها تقعد مع يماها وترفدها
والاعمار بيد الله والى كتبها ربى جوز نطلب من ربى يشفيها يارب وتفرح ببنتها وشفوها جابت الباك انشاء الله