عنوان الموضوع : نفسيتي تعبانة تم الاجابة
مقدم من طرف منتديات العندليب

السلام عليكم كل مرة نقول نخرج ونقول واش في قلبي بصح حتى الكتابة عجزت منها وكرهت ومليت المهم انا امرأة متزوجة قريب عامين ولدي طفل الحمد لله البمشكل انو في زوجي هو كبير العائلة وهو مسؤول بحكم انو الوادين ميتين الله يرحمهم عندو زوج خاوا وزوج خواتات واحدة مزوجة المشكل انو اختو كبيرة قريب الاربعين متزوجتش على جال خاوتة قالت حتى تتدخل مرا لدار لكن الأن رافضة الزواج وكل مرة يجيها عريس وترفض هذا المطلق لالا هذا عندو ذراري لالا هذا كبير حتى العازب وجاها ورفضت وراجلي ميقدرشش يقولها تقول راهو باغي يريح منها وانا قولتلها مرة قاتلي نفس الشيء حلفت بلي والله مانقولها والله ما كان قصدي هكذا فقط باه تبني دارها ودير وليدات قبل فوات الاوان المهم هذا سببلي ضغوطات لانو زوجي يشوف نفسو هو المسؤول وهو الكبير حتى في معاملتو معايا معلبليش كيفاش نقولها غريبة حتى ولا مرة خرجنا منذ زواجنا بالرغم من انو اختو تخرج وتحوس والله غير مليت زيد انو دار الي راني فيها دار الوراثة وكل مرة كي جي اختها ولادها انا بطبعي مانقبلش صغار يفسدو تبدا تمعني دار يما الله يرحمها كأنو راح نورثها المشكل انو كي فتحت الموضوع على راجلي وقتلو مقتلوش كلام اختو الجارح لخطارش قوتلكم هذا الشيء السطحي راني عيت ومليت المهم قوتلو نديرو دوسي تاع سكنى ومتعرفش ليام قالي راني ساكن والحمد لله قوتلو بلاك يجي نهار وخاوتك يكبرو ويزوجو ويطالبوة بحقهم في الدار قالي لالا خاوتي ميفكروش هكذا غير نتيا راكي تهدري هكذا انا هذه دار ونزيد نبني فيها مهيش حتى مكتوبة في اسمو وخوه راهو يدير فير سكن عدل وخوه يفوت الباك انا نقعد في دار الوراثة يديرو كيما يحبو وانا نبقى ساكتة قولولي كيفاش ندير باه نخلي راجلي يسمعني يفهمني والله غير كنت دايرة هذيك داري بصح اختو كي قالت هكذا راني نتمنى داري وحدي علابالي ماشي دورك لاخطارش مينجمش يخرج ويخليهم وحتى اختو الا مزوجتش راح تبقى تقتل فيا باكلامها ونبقى انا الي ماشي مليحة انا حابة نعيش راجلي يفهمني نخرج معاه عندي دارنا فقط ولامرة خرجنا والله غير عيت منيش قادرة نكمل.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وي راه غالط ديرو دوسي السكنة وخليوه
راكم ساكنين ومنين خرجو الباطيمات تلقاوهم
وقت الشدة هدا راه زمان ويدووور
ومستحيييل ميطالبوش بحقهم
يجي نهار للي يكبرو خاوتو ويتزوجوا وكل واحد يقول انا نسال تاني
لازم يقرا للزمان عقووووبة هدا امر مش ساهل ولازم يدير مستقبل لولادووو
حااااووولي معاه ومتسكتيش عليه برك...دخليهالو في راسو
نشالله يهديه ربي ويسمعلك
وربي يهنيك

__________________________________________________ __________

>>>> الرد الثاني :

أول مرة أدخل لهذا القِسم و فوق
هذا أفكِر في وضع رد .


قرأتْ ما كتبتِه و في الحقيقة عدم إرتياحي يكمن في نفسيتِكْ
و ما قد يأتي منها من خطر .
و كما يقُول أهل الطب الآن ، أن أيّ مرض سببه "خلل نفسي"
لذلك .. أرجُوا أن تُعطي الراحة لنفسيتِك و هذا الأولى لكِ
و دعكِ من التفكير في كل المشاكل بشكل مؤقت .

أفضل علاج لنفسية الإنسان هي "التأمل"
أن تجدي مكان هادئ "في البيت" حيث لا يُقاطعك أحد .
و اجلسي على الكُرسي حيث الظهر مستقيم و الأرجل مفتوحة
و اليديّن مبسوطتان على الركبتين
حيث كف اليد هو الظاهر .
حينها أغلقي عينيك و ركزي عقلك فقط على التنفس .
ثلاث مرات في اليوم و في كل مرة 10 دقائق .
صباحا ، عصرا و قبل العِشاء .

صدقيني ، و الله سيظهر التحسن بشكل خُرافي .
و ليس بعد وقت طويل ، فقط مع مرور أيام قليلة ستجدين التطور الملحوظ .

و إن كنتِ تريدي البحث أكثر في هذا المجال "التأمل"
فعليكِ بـ دكتور صلاح صالح الراشد .
أو طبيب القلب الهِندي "ديباك شُوبرا" و هو يعمل كـ طبيب القلب في أمريكا .


بعد تحسُن نفسيّتك .
وقتها تقدرين على تجاوز هذه المشاكل التي ستبدوا لكِ صغيرة .
فقط فكِري في حل المشكلة ، لا المشكلة نفسها .

أما أيّ قرار تأخذينه الآن و قد ذكرتِ أن نفسيّتك تعبانة .
فلا أرآه يخدمك البتّة .
ذلك أن علماء النفس يقولون أن قرار يؤخذ في حالة إنفعال يكون
نسبة 90% خطأ .

و الله ُ الموفق ْ .



__________________________________________________ __________

>>>> الرد الثالث :

بالحكم تجربتي طويلة في هدا الموضوع و ما اعاني منه يلزم تخرجو الان قبل ما تتطور امور و نصيحه امور ستتطور اكثر لانه عقلية الطمع و جشع وووو ستسمعين الكلام من كل انواع و ادا انت تقدري و تصبري سيمع اولادك نفس كلام و سيدفعون الثمن اخطائكم و بعد ما يكبر اولادكم سيقع اللوم عليكم وعلى الاب اكثر
نوعية السكن غير معروفه عندك ادا فيلا او حوش او شقة
يلزم تلقاو الحل بالتراضي و قبل ما تكبر امور و يكبر اطفال و تتعقد اكثر و اكثر لانه قد ما تطول امور انتم الان تدفعون الثمن و اولادكم في المستقبل
اولا يا اما البيع الدار و قسم الورث و كل واحد هو الحر اين يسكن
او ادا كان البيت مسجل باسم ابناء عليهم ان يسجلوه باسمهم كاملا و كل واحد يبدء في البناء طابق خاص به مع مدخل خاص له
و بالحكم تجربتي اقول انه لواحد يعيش بعيدا عن المشاكل اي انه البيع السكن و اخد نصيبه و شراء قطعة الارض او شقة او السكن جاهز
ربي يفرجها عليكم
ما يحس بالجمره غير لى كواتو و الحمد الله على كل شئ

__________________________________________________ __________

>>>> الرد الرابع :


__________________________________________________ __________

>>>> الرد الخامس :