عنوان الموضوع : تابع ل حائرة في أمر خطوبتي ساعدوني تم الحل
مقدم من طرف منتديات العندليب

السلام عليكم
أنا صاحبة هذه المشكلة:
https://www.djelfa.info/vb/showthread.php?t=1672631
شكرا لكل من رد على مشاركتي
كاين الي سقساوني على مستواي الدراسي أنا درست في المدرسة العليا للأساتذة تخصص انجليزية وتخرجت العام الماضي
وانا ذكرت من قبل اني صليت صلاة استخارة وبعدها وافقت ولكن بعد مدة ما حسيتش بالراحة
والي قالولي مش عاجبك شكلو بالعكس تماما هو على قدر من الجمال ما شاء الله
وأيضا كاين الي قالولي على مستواه المادي أول حاجة هاذي ما تهمنيش ولكن هم من الأغنياء في ولايتهم
وكاين حاجة وخدوخرا أنا شارطة خدمتي و كي قتلو واش رايك قالي انا من عندي نورمال بصح نزيد نسقسي ماما وانا على ما أظن هاذي حاجة تخصنا حنا برك ولا علاقة لأمه بها يعني بعد ما قالي كما هاك حسيتو نتع ماماه في كل شي يشاورها ويدي رايها حتى اذا كانت هاذي الحاجة تخصنا برك كعملي مثلا هاذي النقطة بالضبط نحوس على رايكم فيها
وشكرااا لكم مسبقا وان شاء الله ربي يجازيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الزواج يجب ان يكون على قناعة..اذا مقتنعة بيه وبشخصيتو وشايفاتيه قادر يتحمل مسؤولية عائلة اتكلي على ربي..اما اذا ماكش مرتاحة او عندم شكوك او مترددة..يا اما تحاولي تفهميه اكثر يا اما تخليه..وربي يجيب الخير نشاءلله...

__________________________________________________ __________

>>>> الرد الثاني :

صراحة العمل يكون يخصكم انتو الاثنين ولا دخل للوالدة فيه وربي يريح بالك

__________________________________________________ __________

>>>> الرد الثالث :

اختي اذا ما قبلش بخدمتك و انتي راكي حابة تخدمي غير خليك منو انا قريت و نعرف حجم المعاناة اللي تجوزها اي جامعية و في الاخير يجي و ليد ماماه يقولك ما تخدميش و ارمي تعب السنين في مكب النفايات سامحيني هذا راي الشخصي انا لن اقبل بمن لا يقبل بطموحاتي

__________________________________________________ __________

>>>> الرد الرابع :

عفوا ضحكتني نزيد نسقسي ماما تخيلتو تلميذ بصرحة هذه من المبادئ الذي يجب ان يقف عندها الرجل المراة عاملة او لا امه قد يكون لها دخل في امور بسيطة هذا من المرجح أنتاع مامها لا يعول عليه حاولي ان تتأكدي من هذه النقطة

__________________________________________________ __________

>>>> الرد الخامس :

و علاش تعايروه يا ناس وليد ماماه ماهوش راجل الله يهديكم ولداته و كبراته في الاخير امر زواج ما يشاورش الوالدة لي سهرت عليه ليالي انا شخصبا نشوف تفكيره سليم 100
قاع ولاد ماماتنا و انا شخصيا نقولها مااااااااامممااااا وين راه المشكل و ناخد رايها و نشاورها علاش لا مازال تولدو و تكبرو و تحسو بولادكم الجنة تحت اقدام الامهات
هو قصدو يشاورها ما تفهميش غلط ادا بالك ولد ماماه ماهوش راجل غدوا تكبري ولادك انشاء الله و تعرفي كاين فرق انه يشاور و انه يعمل بيما تقول و ماتحكميش عليه في موقف واحد برك نتي شدي فالقرار نتاعك و خليه يشاور ادا ماقبلتش شدي فالقرار و قولي ماتفاهمناش و خلاص